تجهيزات حفلة التخرج♥

السلام عليكم و رحمه الله و بركاته . . شلون القميلات؟؟♥ ، بما ان عطلت اليوم قلت انزل بوست سريع حبتين :$

 اللي تتابعني ب إنستغرام تعرف اني كنت مضبطه حفله لتخرج أختي من الثانوي♥ . . طبعاً من البدايه مانزلت التجهيزات اول ب اول على اساس تكون مفاجئة لها بس طاحت علي قبل الحفلة ب يومين هههههههههه ، كلش ما اعرف اخش شي :"(

كنت خاشه الاغراض ب صالة الاستقبال و اضبط ومندمجه و حالتي حالة و ماخذة احتياطاتي و مقفله الباب

الا الاخت تنادي و تطق الباب جااااان اتوهق :| مارديت عليها و راحت

قلت اشوه ماطاحت علي و اعطيكم التنهيده اللي شطولها ههههههههه الا تتصل علي 

جان اسوي نفسي ذكيه و اقول ليش ما اسوي نفسي نايمه داخل

يعني بفك عمري ههههههه جااان ارد و اغير صوتي اخليه ثقيل حبتين يعني قاعده توني

و اقول لها " همم شتبين" جان تقولي احد ينام بالصاله؟ خبله انتي؟ ههههههه

و جان انچك xD♥

« قرقه مو؟ p;

المهم لا تسون نفسي و تجيبون العيد هههههههه

التجهيزات♥ :

بالبدايه رحت كذا مشوار لمحلات تجهيز الحفلات بالشويخ

و اعتمدت اللون الوردي و الازرق على اساس يناسب الثيم اللي صممته

طبعا الالوان طلعت معاي جذي ههههههه

و انا احوس طلعت معاي افكار خصوصاً هالشي عشقي . . احب انسق♥

شريت قوالب الكب كيك اعتقد اسمها :$ *الوردي اللي بالنص"

حبيتها لانها لونين و حيل افضل ان يدخل اللون الابيض ب الموضوع هههههه♥

و شريت همن للبوب كورن و علب العصير و اعواد المارشميلو و ستاند للحلويات

و همممن اكواب قهوة صغيره حبيتها♥

و تالي رحت السوبرماركت،، اكثر مكان ممكن يستمتع فيه الواحد ههههههه

يمشي و يحط بهالسلة لما ينصدم انها امتلت ♥.♥

و الشي الممتع بالموضوع انها مجموعة تشوكليت و شيبس و بوب كورن♥

اهلاً بالمتن اهلاً♥

حاولت انوع كثر ما اقدر و زين مني ماجبت السوبرماركت كلها هههههه

popcornpolis

من الذ الذ البوب كورنز اللي جربتهم♥♥♥♥♥♥

خذيت من كاونترهم "سولت\فول سوداني\كراميل\تشوكليت"

عجيييييييييب!♥♥♥♥

خصوصا الفول السوداني انصدمت ب طعمه.. توقعته ثقيل! بس لا خفيف و لذيذ♥

كاونترهم ب الافنيوز-البيرق . . الحجم الوسط ب دينارين و نص

و فيه احجام غيره♥

بعدها طبعت الثيم و كان عباره عن :

* استيكر ماي

* كب كيك "ورق متين"

* تعليقات الطاوله "المثلثات"

* كروت 

* استيكر التوزيعات

♥

الطاوله من بعيد

للأسف للأسف . . ماصورت الطاوله من تحت :"(

عبالي صورتها و طلعت لا ههههههه

بس عموما كان المفرش تيفاني غامق♥ . . كان ودي يكون ابيض بس ماحصلت الدرجة اللي ابيها

ف استعملت مفرش كان عندنا اوريدي♥

" مدرج الماي+توزيعات التشوكليت+استاند البوب كورن"

طبعا استاند البوب كورن ماكانت هاذي وظيفته هههههههه

كنت مفكره اخليه للذره آخر الحفله بس لان صعب احطهم ب ببوكس

خفت يطيحون و اتوهق ف استغنينا عن الذره ههههههه

فكره كاب التخرج كانت من النت بس حرفت فيها شوي هههههه

و زدت عليها الكركوشه♥ حصلتها بمحل بالعقيله ناسيه اسمه :$

اتوقع المشايخ او سيتي ستار شي هيك :$

كان المفروض تتغطى بالكامل بس ماكان عندي وقت كافي

ممكن يكون جذي و تحت نلزق عليه تيب او لزاق اسود ♥

البوكس اللي تحت او مادري شسمه ههههههه

كنت متوهقه مادري وين احط البرينقلز و حسيت شكلهم غلط عالطاوله

فطرت داري و جبت هالبوكس حسيته ب يلوق حبتين مع الاغراض♥

كان من دايسو

التوزيعات عن قرب :$♥

هالاشياء العوده حبتين فكرت احطهم جذي يعني حركه ههههههه

توهقت ماعرفت وين احطهم :$

العصاير♥

من كثر جمالهم صورتهم مليون صوره ههههههه

صج صج هالحركه حسيتها صيفيه عجيبه ♥.♥

كانت الفكره ان اثبتها ب عود او مزاز العصير

بس تالي فكرت ان ليش ما اثبتهم بالغطا نفسه 

جربت ب وحده طلعت خطييييييره ♥♥♥♥♥♥♥

و ماقدرت امسك نفسي ليما سويتهم كلهم هههههههه

فكره جميله و بسيطه و تعطي شكل ماحصلللش

طلبت ميني ورق عنب كان ب علبه عاديه.. وكلش ماحبيت تكون جذي

احس شكلها ب يكون غلط $:

ف حطيتهم بهالغرش الصغننات هههههههه♥

مع نعناع و قطع ليمون صغار . . عطتهم شكل♥

حبييت!♥

طبعت هالاشياء عجيبين ههههههههه

للتصوير ♥.♥

خصوصا هاللي ناط الجمجمه ههههههه

كانت مجموعه "شفايف،كاب،نظاره،سمايل"

و غيرهم . . طبعاً ب ألوان مختلفه♥ و الحلو فيها بعد ان تقدرين تستخدمينهم بعد المناسبه

بكذا مناسبه غيرها♥ ماتتقيدين فيها ابد

خصوصا جمعات البنات ♥.♥

اخيرا و ليس آخرا ههههههه

حبيت اطلب الكب كيك بدل الكيكه،حسيت صج ينوكلون وخفيفين وغير جذي ب اشكال و الوان تخلي الواحد يذوقهم غصب هههههه

بما ان السينوره اختي تحت باريس ف طلبت هالشي لها $:

صج صج ماقصروا كيك تايم♥

سويتلهم تاق ب انستغرام للي حابه تطلب منهم $:

سعره كان ب ١٨ من غير التوصيل♥

صور اقرب $:♥

و اخيراً كنت مجهزه هدايا للخريجات صديقات اختي♥

كانت عباره عن :

* كوب

* رزنامه

* حصن المسلم

* كروت مكتبيه

كنت مصممتها مع الثيم . . حوالي ٩ هدايا يستاهلونها♥

اللي حابه تطلبها او تطلب الثيم كامل تتفضل . . .  ( @rawnaq_kw ) ♥

و بكيذا خلص البوست p;

اتمنى لو فدت البعض ب افكار او تجهيزات لحفله قريبه عنده♥

و لو في اي استفسار لاترددين ابد.. بالبوكس تحت او ب اكاونتي بتويتر&انستغرام 

على يمين الشاشه♥

اذكروني ب دعوة♥

ترى وحشتوني قدا $:♥

5 comments reviews