. . . إهدي نفسك ب نفسك xP♥ :

السلام عليكم و رحمة الله و بركاته ♥,شلونكم؟ :$ , 

كل عام و أنتوا بألف خير حبيباتي

و سنة هجرية سعيدة للجميع و عسى ربي يحقق لكم كل اللي تتمنونه وتطمحون له♥♥♥

الهدية أكثر شي ممكن يأثر ب نفس الواحد حتى لو كانت بسيطة جداً جداً,قيمة الهدية ابداً ابداً ماهي بقيمتها الحقيقية مهما غلّا أو إنخفض سعرها, ممكن لو إي احد يجيب لي ككاو راح اعتبره واااااو و أغلى هدية بالوجود ههههههه < فقر هدايا xD, بس من الحين أقول .. للي ناوي يهديني شي مافي أحلى من الورد تبعاً تبعاً < يعني طبعاً هههههه xP, على طاري الورد, منو شافت الورد اللي نزلته افنان الباتل ب إنستغرام؟ الوردة الوحدة ب 600 ريال -45 دينار تقريباً- و ماتذبل سنة كااااااااااااااااااااااملة :(((♥

شكثر تحطمت على الألوان بس♥,بس معقولة سنة ماتذبل؟ أحسها صناعية أو ماتكون طبيعية 100% يعني -_-

خلوكم من سالفة الورد وجذي ههههههه xD

. . مافي أحلى من إنج تكافئين نفسج بـ هدية أو شي تحبينه♥ , تكافأينها ب إي شي بسيط قدرتي تسوينه أو تحفزين نفسج عليه ♥_♥,و بما إني حققت هدف خاص فيني ب إني قدرت اهتم بنفسي بشكل مستمر من بشرة و شخصية وغيره غيره . . أحس إني غيّرت من نفسي جداً, و اتمنى تكون للأفضل♥ يارب♥

و لازلت مستمرة بإذن الله♥ ,, مافي إي شي صعب بهالدنيا مع الإصرار و المثابرة بنقدر نحقق كل اللي نبيه مهما صعبت علينا و مهما تأزمت.. الله معانا و هالشي يكفي جداً جداً ومابعده إي شي ثاني♥

و يكفي بعد إني قدرت أحدد شنو اللي ابي بالضبط,من دراسة و من حياة و من علاقات و من من من♥

مافي أحلى من إنج تتقبلين نفسج مهما فيها سلبيات و مهما فيها اشياء غلط ممكن! ,مافي أحلى من إنج تثقين ب نفسج و بقدراتج وتعرفين شنو قوتج وتقويّنها أكثر و أكثر..ولا في أحلى من إنج تعززين بنفسج الحلم أو الشي اللي تتمنينه, و لا في أحلى من إنج تحاولين تحصلين عليه أو تحققينه حتى لو فشلتي..نرجع نحاول مرة مرتين ثلاث . . النجاح مو من أول مرة نقدر نحصل عليه,لازم نتعب عشان نذوق طعمه العجيييب♥

*تأكدي : محد بيسوي لنفسج شي إلا نفسج,ومحد بيضيف لج شي إلا نفسج .. نفسج أهم من كل شي : )♥

. . أبعديها عن الأشياء اللي تتعبها أو تضايقها حتى لو كنتي ملّزومه تتمين بالمكان أو بالموقف, تكلمي مع نفسج

حاسبيها ب إي غلط,ونسيها!♥ . . سويّ لها الاشياء اللي تحبها,تواصلي مع الناس اللي تحبها,سويّ لها جو و مزاج عال العال ب إي شي بسيط عندج,حتى لو كان -كوفي و ككاو مع موسيقى هادية أو إي شي إهيا تحبه♥-

إقعدي معاها بـ ورقة و قلم..و تمّي أكتبي شنو ودج؟ ,شنو هدفج القريب؟ ,هدفج البعيد؟ ,حلمج,شنو تحتاجين؟ شنو الأشياء اللي تفرحج♥ , و كل هالأشياء حاولي توفرينها لها..حتى لو كانت صعبة أو بعيدة المنال, دامج توكلتي على ربج؟ الله ماراح يخيّب لج ظن♥ بإذن الله♥

نرجع لمحور حديثنا :$♥

. . إيه P:,حسيت إن ودي اهدي نفسي ب نفسي..هالهدية الصغنونة♥ 

بما إن هالأشياء خالصة عندي و أحتاجها جداً ف ما في أحلى من الهدية اللي تجي في وقتها و تكون مناسبة جداً♥

و طبعاً؟ محد كثري بيعرف شنو الهدية المناسبة لنفسي؟ هههههههه♥

الغريب و المضحك ب نفس الوقت .. إني فاجأت نفسي فعلاً هههههههههه, أو مارجعت من الشوبينق رحت حطيتها في غرفتي.. ونزلت ورجعت و أشوفها و اقعد أقول "واااااااااااو منو الذوق اللي جابها لي♥" هههههههههههههههه :(♥ , وفعلاً فعلاً كنت متفاجأه . . يالله لك الحمد بس :$ بس شعور جميل ترى P: مع أنج تدرين أنج انتي جايبتها لنفسج بس هم فصلة ب نفس الوقت ههههههههههه xD♥

و أفتحها بكل لهفة وحماس ههههههه xP♥

:

Sexy Dahlia rush

حبيتهم جداً جداً♥

. . كان في عرض عليهم, قطعتين بسعر قطعة♥ , لُئطة على قولتهم xD

اللي شدّني أول شي شكل السيبري ♥.♥,حسيته مميز ويشّد جداً..غير ألوانه اللي تاخذ العقل *فيس خاق*

غير ريحته اللي شيّ ثاني♥ , الحلو بهالسبري إن فيه شويّه قليتر$: ..حبيته♥

قلت نغيّر عن السبري العادي,مع إني مو مع عطور الجسم حيل..اكتفي ب لوشن أو مرطب احياناً♥

بس ممكن هالنوع يخليني أحبهم و استعملهم بشكل مستمر ♥.♥

خذيت من ضمن المجموعة..لوشن عشان يكمّل السبري ويقويه♥,ريحته بتجنن بعد♥

معلومات عن المنتج :

*تتميز مجموعة الأضاليا المثيرة للجسم بالأضاليا الغنية وعليق أحمر نضر وفانيليا قوية.

*غنية المجموعة من "لوشن\سبري" بـ زبدة الشيا و زيت الجوجوبا وفيتامين E الغني الذي يساعد على توحيد لون الجسم.

*يوفر الرطوبة طوال اليوم.

*تركيبته غير دهنية,تمتص بسرعة وتغذي البشرة وتضفي عليها نعومة ورطوبة.

♥

Twilight woods

*فيس خاق جداً♥* , من الأشياء اللي اعشقها جداً جداً جداً الشموع♥,أحسها ساعات توديني لـ عالم ثآني و بعيييييد ♥.♥,و ابداً ما اكتفي ولا أشبع منها♥,عادي جداً اكون توني مشترية قريب مجموعة شموع و أرجع اشتري غيرها ♥ . . أدمان شموع الظاهر ههههههه ,أحسها تلهم! جد♥ .. في ناس تلهمهم رسمة أو وردة أو سما أو شخص أو موقف أو أو أو, إلا أنا شمعة♥ .. منو مثلي؟ ترفع إيدها xD♥ , ما أنلام يايما ما أنلام :(♥

حبيت ريحة هالشمعة جداً حتى حجمها يجنن♥ صغننون♥ , وحبيت فكرة الغطا همّ,قليل تكون لها غطا♥, أحب ريحة الشمعة تكون قوية بس بنفس الوقت فانيليا أو ريحة حلا ♥.♥ و شموع باث آند بدي ووركس من أحلى الشموع و أقواها ريحة♥

و الشي الأخير..ليفة جسم حبيتها منهم وماجربتها لسه xD♥

Bath&BodyWorks

حبيت منهم فكرة الهدية وطريقة التغليف♥ . . أحسها بسيطة وبنفس الوقت كيوت ♥.♥

. . البوكس الخشب الجميل منهم♥ بسعر 3 دنانير ونص -40 ريال تقريباً-

. . مجموعة Sexy Dahlia rush بسعر 7 دنانير ونص -110 ريال تقريباً-

. . Twilight woods بسعر 3 دنانير ونص -40 ريال تقريباً-

. . و الليفه كذلك بـ 3 دنانير ونص -40 ريال تقريباً-

كونوا سعيدين♥

18 comments hauls