ركن خاص ♥ : مكينتي للقهوة الجميلة♥ . . Dolce gusto♥ /

مرحبآ♥♥

. . . كيف الصبايا؟ xD♥

أول شي : حآبه أشكر كل من دعمني . . ابداً ماكنت متوقعه هالمشاهدات كلها 

. . و لا حتى الكلام اللي إنقال♥ , شكراً شكراً شكراً تسلمون لي والله♥ 

:

اللي يعرفني .. بيعرف إني من عشاق عشاق القهوة الساخنة على قولتهم xD♥

. . اصلاً منو مايحبها؟ صارت جزء لا يتجزء من حياة الأغلب♥

ما يعدل المزاج الا هي ♥.♥

أنا إنسانه أحب أجرب كل شي, ما أكتفي ابداً ب شي واحد

. . ممكن البعض يشوف هالشي ميزة و ممكن لا,لكن في أغلب الأمور اشوفها ميزة♥

المهم xD :

من الأشياء اللي حبيت أجربها . . هالكوفي ميكر♥

ابداً أول ماشريتها ماكانت عندي أيّ معلومات عنها!

مجرد ماشفتها . . أو حاولت أعرف شلون طريقتها خذيتها علطول♥

كانت أول تجربة لي بهالمجال . . و ماندمت ابداً ابداً من شريتها ♥♥

صورة للركن الجميل من غرفتي♥ :

جزء لا يتجزء من يومي الجميل♥

. . شنو أحلى من و انتي داخله ب ايدج كوفي و أنتي طالعه ب ايدج كوفي ثاني xD♥

أتعب و أنا اقول هالمكينه جميله جميله جميله جميله و سهله حيل!♥

و سعرها مناسب جداً , التفاصيل اقولها لكم آخر البوست إن شاء الله♥

نكمل الباقي xP

مثل ما أنتوا شايفين في ثلاث بوكسات للنكهات الجميله♥

الأزرق : كبتشينو بارد على سويت أكثر شي

البني :  تشوكليت يصير بارد و يصير ايضاً حار♥ا

الأخضر المنخش xD : كبتشينو حار♥

طبعاً كالعادة لازم أحتار -_-

. . و طاحت عيننا عاد على هالجميل♥

CHOCOCINO♥

لازم بهالبوكس يكون في كبسوله أو ظرف اياً كان اسمه xD

كبسوله لونها أبيض -نكهة الحليب- و ضروريه جداً

و كبسوله لونها بني -نكهة الككاو- و هم ضروريه جداً xP

طريقتها :

نملي الجزء الواضح ب الكوفي ميكر بالماي, ويفضل يكون سادة 

من غير اي اضافات سكر ..لإن ممكن تأثر عالمكينه أو تخربها!

ف أحسن شي نحط السكر ب القلاص♥

بعد مانمليه بالماي, في مثل الرف هههههههه xD

أو جزء بالمكينه ينحط فيه الكبسوله البيضه -الحليب-♥

الصورة اللي فوق توضح اللي أقصده $=

بعد مانرفع هالجزء اللي فوق عشان نقدر نآخذ جزء الكبسوله♥

مثل مانتوا شايفين . . و انحطت الكبسوله بالمكان المناسب xD

* طبعاً لكل نكهة أو حجم القلاص . . قياس محدد على حسب النكهات 

شنو ألأكثر حليب و شنو الأكثر النكهة!

و يُفضل حيل يكون القياس محدد عشان نطلع بالنتيجة الصح♥

مثل جذي :

الحليب تقريباً ثلاث أرباع الكوب او القلاص xD

و النكهة بس الربع!

ترى لايغركم بتحسونه شويّه أدري لكن بالطعم

حتى الشكل راح يختلف ♥_♥!

نشوف xD

و بلشت الجميله♥

طبعاً في شغله بالمكينه فوق . . أو مثل القلم

فيه علامة أحمر أو أزرق 

أحمر / حار . . أزرق / بارد♥

مثل ما أنتوا شايفين انا اخترت الحار, ف الأحمر سيّده xD♥

لمّا وصل الحليب إلى ثلاث أرباع الكوب نخّلي القلم أو الجزء الطويل اللي ب أعلى المكينه بالوسط 

. . يعني نوقف الماي♥

نطلّع الكبسولة ايضاً بنفس الطريقه اللي دخلناها فيها♥!!

و نحط الكبسوله الثانيه -نكهة الككاو الجميله♥-

بنفس الطريقة نخلي مقياس الحرارة و البرودة إلى الأحمر♥

<- طلعت اسامي الدنيا اليوم ههههههههه P=

شفتوا اللون الجميل بس؟ و التدرج؟ 

النتيجة♥ :

أحلى هوت تشوكليت بالدونيآ آ آ آ آ آ آ آ ♥♥♥

/

Dolce gusto

كوفي ميكر من شركة نيسكافيه المعروفه طبعاً♥

قدمت مجموعة من مكينات القهوة . . ب أحجام و أنواع

لكن ماجازتلي الا هاذي صراحة xD

ك حجم جداً مناسب . . و خفيفه نوعاً ما و لها نكهات مختلفة جداً

و كسعر و لا أحلى!♥

انا للأمانه شريتها من لندن . . ماكنت أدري أن بالكويت موجوده اصلاً

و سعرها كان تقريباً 35 دينار♥ -70- باوند

. . متوفرة بالخليج فقط بالكويت و قطر للأسف!

لا بالسعودية في و لا حتى دبي : (

متوفرة بالكويت : في جمعية الشامية,و جمعيه جنوب السرة فقط

سعرها حوالي 50 دينار و في أحجام و أسعار مختلفة

:

من خلال بحثي بالنت عن إي مكان توفرها بالسعودية

و حصلت هالحساب في تويتر : ebaay3

تقدرون تستفسرون منهم♥

و ايضاً عرفت بعد ان موقع أمازون يوفرها♥

و بعد موقع الرسمي للشركه توفرها♥

شتبون بعد؟ xD

إي وحده محتارة ب كوفي ميكر . . و مو عارفة شنو يناسبها

. .مالها الا هالكوفي ميكر♥

تويتر المدونة♥ : cloud9_s

انستغرامي الشخصي♥ : sarontah_

إيميل المدونة♥ : cloud.9nine@live.com

و أتشرف جداً ويفرحني تعليقاتكم و أرائكم♥

سآرة : غيمة تسعة♥

2 comments cooking, reviews