رحلتي إلى دبي♥ *القرية العالمية* :

السلام عليكم و رحمة الله و بركاته♥ صباح التفاؤل و كل شي جميل♥

من أحلى الأماكن اللي زرتها . . لا شنو أحلى , حتى هالكلمة شويّه عليها♥!!!

روعة . . ونيسة . . شرحة , يستانس فيها الكبير و الصغير

شقول عنها بعد؟؟؟♥♥

كل شي فيها حلو . . من مطاعم,أقسام,ألعاب

من أفضل الاماكن الترفيهية اللي تفتح كل فصل شتا♥!!

المو حلو فيها بس إن ساعاتها محدده جداً!

وماتبطل الصبح :( 

كنت احبها الصبح حيل . . عشان يكون الوقت مفتوح

خصوصاً انها كبيررررررررره جداً جداً

فيها أكثر من 70 دولة مشاركة بالقرية من خلال الأقسام و المطاعم

و العروض الترفيهية

في كل يوم عروض مختلفة,من كذا دولة

من خلال زيارتي شفت العرض الصيني و الماليزي

من أجمل العروض . . كان تجمع خيالي عليها♥!!

معلومات عن القرية :

* أوقات العمل : 4 العصر إلى 12 ليلا (السبت ، الاحد ، الاثنين ، الثلاثاء ، الاربعاء)

* 4 العصر إلى 1 ليلا (الخميس ، الجمعه)

* سعر التذاكر : 10 دراهم 

 * و مجانا للاطفال دون الثلاثه و ذوي الاحتياجات الخاصه 

* اوقات زياره القريه تبدأ من الساعه 4 بتوقيت دبي

* ويوم الثلاثاء مخصص للعائلات فقط

* يوجد بالقريه اجهزة صراف الكتروني

خريطة القرية من الموقع الرسمي :

زيارتي لها كانت بتاريخ 1-2-2014

كنا متواجدين قبل الساعة 4 العصر عند البوابة

و كانت زحمة فضيعة حتى من المواطنين الإماراتيين

بس منظمين الإدارة و كان تنسيقهم و لا أروع!♥

كانوا مبطلين شباك التذاكر عالثلاث يمكن

بحيث يخففون الزحمه عالبوابة و الواحد ينجز شوي هههههه

قبل فتح البوابات بربع ساعة . . طلّعوا لنا هالعربات

ناسيه اسعارهم للأسف . . بس جنه مكتوب 25 درهم :$

بس اتوقع أقل,يمكن 10 او 15 لنص ساعة! الله اعلم هههههه P;

بس لها حسبة معيّنه $:

هالعربات تسهّل للي بيركبها يآخذ لفة أوّليه بالقرية و يآخذ فكرة♥!!

:

كنت أشوف هالمنظر قبل ما البوابة تفتح . . ومتشوقه جداً ابي اشوفهم عن قرب♥♥♥♥!!!

يشوّقون حددددهم :|♥

لو مو الزحمه جان وقفت و قعدت اطالعهم :$

اوّل مابطلت دايركت رحنا ندور مطاعم♥ . . آآ صح نسيت اقول :$

مع التذاكر عطونا خصم 20% عالمطاعم كلها بمقابل 60 درهم

يعني لو حسابنا فوق الـ60 درهم يخصمون منها P;

< الشرح أليم أدري $:♥

طبعاً طنشت هالسايد من المطاعم السريعة,كنت حابة اجرب اشياء مو عندنا بالكويت♥

و رحنا لهالسايد من المطاعم الهنديه منها و التركية و الإيرانيه وغيرهم من المطاعم♥

احترنا صراحة شنجرب!

و بما إنه كان وقت غدا قلنا ماكو غير البرياني يسد الجوع P;

خصوصاً ورانا مشي " قآ آ آآ آ آ آ آ آد الدونييااا "

الوالد الله يحفظه اختار هذا الشي :$

انا تنحت من الاسم "دم" بس قلنا يالله نقعد و نعرف شالموضوع هههههه

المطعم من داخل . . أقل من عادي!

اخترنا نقعد برا طبعاً,الجو كان يشرح الصدر♥

همّ الطاولات كانت اقل من عادية..بس حلوة البساطة و الجو كفيل بهالشي :$♥

ميّنوهم مافيه ولا صورة!

و انا وحده لازم اشوف الصورة عشان اقتنع بالأكل :(

حسيّته جنه دفتر,اسامي غريبه . . ومافيه صور < متعقده هههههه

اخترت برياني دجاج " من غير فلفل " < تجيكم السالفه هههههه

و وصل الأكل♥!

طبعاً مايحتاج اتكلم عن الصحون :| زي ماهو باين

ماتعبّوا نفسهم ابد 

البرياني " فلللللللللللللفلللللللللللل " فلفل أكثر من كل شي :(

ما استمتعت بالاكل ابد! خصوصاً اني مو من ربع الفلفل كلش

لمّا استغربت طعمه,ناديّنا الموظف و قال انه من غير فلفل!

مادري شلون لو كان فلفل ههههههههه

عموماً اللي يحبون الفلفل اكيد راح يعجبهم هالشي :$

سعره كان 30 درهم اعتقد :$

هذا الشي . . لذذذذذذذذذه! نسيت شنو اسم الطبق :|

بس اعتقد مرق كاري بالدجاج , آي ثينك يعني :$♥

فضيع,حيل حيل حبيته! اصلاً خليت البرياني و خلصته عن ابوي هههههه

ما اذكر سعره :$♥

كان في ألعاب ترفيهية قريب من المطاعم . . تحمست كان ودي اركبها

بس شفت الاقسام و نسيتها هههههه < حرمه xD

يلله نعرف بالتفاصيل♥♥!!

كان في عرض قبل ندخل القسم الصيني . . مقابله بالضبط يسوّن عروض صينيه يومية

كان العرض حركات كارتيه و هيك شي :$ < نسيت الكلمة هههههه

كان عرض حلو و مميز و حسيّته مُتعب بعد خصوصاً لما خلصوا كلهم متسدحين ههههههه

طبعاً أدري متعوبه عاللقطات :$ لا داعي لا داعي P;

CHINA♥!!!

من أكثر الاقسام اللي كانت توّنس الواحد, خصوصاً إني اعشق الاشياء الكيوت اللي يسوّنها♥♥!!

من مقّات وغيرها من الكواته :|♥

القسم كان زحمة جداً,بس الجميل فيه إنه كبير حبتين

و الناس تقدر نتتشر بكل سهوله هههههه

القسم متنوع جداً . . من الميدالية ل أكبر شي بالدنيا P;

فيه كفرات للفون+جناط+ألعاب للأطفال+نفانيف+شوز+ميك اب♥!!

و بعد مقّات و اشياء تذكارية . . و اسعارهم حلوه و مو مبالغة فيها♥

حبيته جداً,حسيّته ونيس للكبير و للصغير . . و كل الاشياء موجودة فيه

طبعاً انا ماحسيته في شي جديد أو واو! خصوصاً ان هالمنتجات متوفرة بالكويت

و بالمعارض..بس همّ ينقال عنه حلو :$♥

خصوصاً هالتعليقات والاشياء الكيوته اللي معلقينها P;♥

.

INDIA♥!!

للأسف نسيت اصور القسم الهندي من جدام $:

هههههه حبيت هالتوك توك < جذي اسمه؟ :$

حسيت فيه بساطة ماحصلتتتتش♥♥♥♥!!!

صور من القسم :

القسم كان يتميز أكثر شي بالمطروزات الهندية . . و الجنط اللي تشّد الواحد غصب ♥.♥!!

و همّن الدراريع الهندية مثل ماهو باين P;

ماطوّلت بالقسم حيل,لفه عالسريع وطلعت xD

أكثر شي كان حلو و نسيت اصوره للأسف الشوز :(♥

يآخذون العقل ب شكل . . حبيتهم للدراريع القصيرة خصوصاً للرمضان ♥.♥

<- مستعجله هههههه

صورة من العرض الماليزي♥ . . حليّو,حركاتهم كيوت < ههههه :|

صدتهم عالسريع :$

من أكثر الاقسام اللي ظليت فيها و كنت مفكرة ما اروح لقسم ثاني بعدها هههههه♥!!

هالقسم بالذات راح يحبونه الحريم أكثر ♥.♥

يالله نشوف الصور :$

الحلاو التركي . . من أكثر الاشياء اللي شدت نظري

حسيته غريب :$ بس لحد يسألني ليه ماذقته هههههه

همّ نسيت :(

هالديباجات أو المفارش . . حبيتهم جداً جداً

ماخذين مكان و تميّز بالبوث♥♥♥!

عبالي إنه غالي . . أو اقدر اقول اغلى من المفارش عندنا

بس انصدمت ان نفس الاسعار بالضبط!

ألف درهم♥ . . حبيت نقشات المفارش, الكوشيّات,تصميم السرير

كل شي فيه يسحر ♥.♥

من البوثات اللي احترت شآخذ عندها و شنو اللي ما آخذه :|

على إن هبة الاكسسوارات التركية خلصت عندنا بس لازال عندي حب لها ♥.♥

مع إن اسعار هالبوث بالذات حسيتها مبالغ فيها و ارخص حيل عندنا و يمكن أحلى :|♥

أجل سوارة خام عليها جم كرستاله ب 300 درهم؟

إوكي نقدّر حيل الشغل اليدوي..بس لازم يكون في مصداقية بالسعر

لو ماركة قلنا اوكي D: بس اشياء عادية مثل جذي!

عموماً خذيت منهم 3 خواتم ب 100 درهم :$

هالبوث . . آ آ آ آ خ شقول شقول؟؟؟ ♥♥♥♥♥♥♥

من أجمل أجمل أجمل البوثات اللي اعطيها التوب ون هههههه

خيال خيال خيال♥

مع إني ماخذيت منهم ولا شيّ . . بس كافي إني وقفت واستمتعت بالالوان اللي تسحر

و التصاميم اللي تاخذ العقل ♥.♥

اتوقع إمي الله يحفظها لو انتبهت لهالبوث بالذات جان ماطلعنا هههههه♥

همّن كانوا متميزين بالإنارات النازله . . جميلة جداً لو تصميم الصاله مغربي أو تركي

بتعطي شكل ماحصلتش♥♥♥!!!

.

القسم المغربي كان متميّز بالأثاث أكثر شي و الإنارات♥!!

صور من القسم :

همّ ماطولت فيه حيل . . بس جكجكت لكم :$♥

القسم التونسي من اصغر الاقسام الموجودة ب القرية

ماحسيت فيه شي واو! . . كان اقل من عادي

حبيت طريقه محفظه الشوربه اعتقد اسمها ههههه

< محد توهق بالاسم :$

حبيتيهم . . اقدّر جداً الأعمال اليدوية ♥.♥

.

صور متفرقة♥!! :

.

كان يوم ممتع جداً..ومُتعب بعد

يبيله شوز رياضي بس و انطلاق ههههه P;

:

و بجذي خلص البوست :$ . . يارب أكون افدتكم لو شويّ

لا تنسون تشتركون بالمدونة عشان يوصل لكم كل جديد♥

و اللي حابة تتابعني ب إنستغرام أو تويتر تحصل الأكاونت على يمين الشاشة :$

أذكروني ب دعوة♥

2 comments reviews