تجربتي مع الليزر و عيادة الصالحية♥ :

السلام عليكم و رحمة الله و بركاته♥

شلون جميلاتي :$؟♥

أول شي اعتذر جداً جداً إن صارلي جم عن البلوق :(

بس اختبارات ب بحوث ب شي ماحصلش :(♥

و الوقت يطير مدري على شنو! ههههههه عموماً

في بعضكم يدري إني بلشت ليزر من شهر 12 تقريباً :$

و من شهر تقريباً خلصت ثاني جلسة♥

و اعتذر جداً على رداءة الصور تصوير ايفون عاد 3\>

كنت افكر حيل إني اسوي ليزر للشعر و ارتاح لو جزئياً كل فترة اشيل

و تصير عالاقل من شهرين إلى ثلاثة لو خلصت كل جلساتي ♥.♥

شفت عرض بالصدفة لعيادة كانت جديدة بمجمع الصالحية و كان العرض ليزر الجسم كامل بـ 160 دينار

حسيت ان السعر مناسبني جداً جداً خصوصاً ان عندي خلفية بأسعار العيادات الباقية تقريباً

اللي يكون الايد كامله بـ60 دينار و الرجل كامله بـ80 غير الفيس والظهر وغيرهم

ففكرت فيها إنها ارخص طبعاً! و بشكل كبير همن

كنت متخوفه من العيادة و اني ماسمعت فيها ابد من قبل

بس قلت التجربة خير برهان مثل مايقولون xD

اتصلت عليهم آخذ لي موعد و تفاجأت ان فل لشهر جدام!

قلت ماشاء الله :| اكيد مو فل مني و الطريج يعني هههههه

فتطمنت جزئيا و خذيت لي موعد ب آخر 12

طبعاً انا رايحه ما أدري عن ولا شي @@

سواء إني لازم اشيل موس قبل ما اروح لهم

اول ماوصلت العيادة جميله بشكل!!! حبيت جوّهم ♥.♥

جوها هادي و مضبطين المواعيد حيل . . بحيث مايكون زحمة

نادراً احصل احد قدامي . . منظمين بشكل!♥

و روحهم حلوه حيل اللي بالرسبشن . . و خدمتهم جميلة♥

يدقون قبل الموعد بيوم يذكروني بالموعد دايماً هههههه

خصوصاً اني مو بس ليزر جربت عندهم حتى الجلدية ♥.♥

اوّل ماوصلت للرسبشن عطوني ورقة كالعادة مثل باقي العيادات

و بطلوا لي ملف عندهم و دايركت دخلوني على دكتور الجلدية

عشان يشرح لي شنو اللي متوقع و شنو اللي لا و شنو الدرجات اللي ممكن تناسبني و ممكن لا

و ملاحظات كثير 

أهمها : أن نتائج الليزر تختلف من شخص للثاني و على حسب نوع الشعر

و الماكسيموم للجلسات مابين 6-10 جلسات لنتيجة أضمن

و قال طبعاً مافي شعر مايطلع لو شنو كانت نوعية الجهاز

و وظيفة الليزر ماتشيل الشعره من جذورها لا! . . وظيفتها تضعف بصيلة الشعر

بحيث لو طلعت شعره مع الوقت تضعف و تطيح

مو بوضعها الطبيعي ابد انها تطول وغيرها من الحالات

و قال ايضاً عن الدرجات . . بأول جلسة شنو احتاج و بثاني جلسة و غيرها من الملاحظات♥!!!

خذتني السستر من قسم الجلدية إلى غرفة الليزر

كان الوضع غريب علي شويات ههههههههههه

و تنحت حبتين خصوصاً ان الغرفه كانت باااارررردة

"تكره البرد :("

السستر كانت فرندلي و حبوبة و قالتلي شنو اسوي بالضبط

و لبسوني هذا الشي :$

النظارة و طبعاً تحتها حطوا على عيوني شاش أتوقع او قطن مدري ههههههه

عشان كلش ما اشوف ضوء الليزر لان يأثر عالعين و يسبب عمى من غير شر

سألتني السستر شنو حابة بالضبط اسوي هالمرة . . و إني اقدر اجزء الجلسة لو حابة

فقلتلها إني حابه فل بدي و بلشت تشوف الشعر و نوعيته , طبعاً انا ماشلت جسمي كله

خليت منطقه ب ايدي ماشلتها عشان تقدر تقيّم الممرضة اي درجة أبلش فيها

شعري خفيف على وبري على شوي ثقيل مدري شلون ههههههههه

بلشت تخطط بالكحل الأبيض عشان تمشي صح وماترجع تعيد عالمنطقة و تسبب لي حساسية أو اعراض جانبية ثانية

بلشت بدرجة 12-13 أعتقد

و بفيسي أول شي . . منطقة الشارب و على رقبتي شويّ

أكثر منطقه ذبحتني ألم!!! :|

حطت الليزر على منطقة الشارب عادي و بلشت تسوي إلا عوار ب أسناني مو طبيعي

تذكرت إني مسويّه تبييض ليزر و هالشي يأثر عالاسنان و يسبب لها حساسية فظيعة

فـ هاذي أهم ملاحظه ماقلتها,,بلغتهم فيها عقب و حطت لي شاش على اسناني و بلشت طبيعي

مع لسعات 3\> رقبتي ماحسيت فيها كثر الشارب

و بلشت طبيعي على كامل الجسم كله

حسيت بفرق عقب الجلسة فظيع!

الشعر ب إيدي صار متباعد أكثر و ماطلعلي إلا عقب 3 اسابيع إلى شهر

العادة اسبوع-عشر ايام

و هالشي يقاس على الفل بدي ♥.♥

بعد الجلسة الثانية

النتيجة بيّنت أكثر معاي . . حسيت ب فرق شاسع

الشعر من نفسه قاعد يطيح خصوصاً بمنطقة البكيني

و الشعر كل ماله و يتباعد أكثر عن بعض لدرجة في مناطق في شعر و في لا

صارت إيدي جنها خريطة العالم ههههههههههههه

و رجلي الشعر فيها صار سميك و طبعاً متباعد عن بعض و قصار جداً

فحسيت بفرق عن قبل و بواااااااااجد و راح أكمل إن شاء الله♥

للي حابة الليزر اشياء لازم تعرفينها ♥ :

* غلط نربط تجربتها ب إي تجربة ثانية خصوصاً في ناس يخلصون ب 5 جلسات و في اللي يتمون للعشرة

* لو عندج حساسية أو اكزيما أو مسوية تبيض ليزر لازم تبلغينهم بهالشي

* بالجلسة الثانية غالباً راح يزيدون الدرجة فممكن تطلع شويّه حبوب و تروح بعد يوم أو بوقتها -انا خلال ربع ساعة-

* لازم تشيلين موس للمنطقة اللي حابتها من قبل ليلة كاملة من الجلسة مو قبلها بكم ساعة

* اذا كانت أول جلسة لا تنسين تخلين منطقه صغيره ب إيدج أو رجلج عشان يشوفون نوعية الشعر

* اذا حابه تسوين بعد فترة شهور ابدي استعملي الموس بين فترة و الثانيه عشان تعرضين الشعره و تنشال بسرعة معاج

* الشعر السميك نتيجة إضعافه أقوى من الشعر العادي أو الوبري

* تأكدي من نوعية الجهاز و أسمه و ابحثي عنه بالنت قبل تبدين الجلسات

و بجذي خلص البوست :$ . . يارب أكون افدتكم لو شويّ

لا تنسون تشتركون بالمدونة عشان يوصل لكم كل جديد♥

و اللي حابة تتابعني ب إنستغرام أو تويتر تحصل الأكاونت على يمين الشاشة :$

أذكروني ب دعوة♥

2 comments reviews