متجر حكاية ، تغطية + مشترياتي :

بسم الله الرحمن الرحيم

السلام عليكم ورحمة الله وبركاته

كيف الجميلات؟

بآخر جيه لـ دبي ، من أهم الاماكن اللي كنت حاطتها من ضمن اللسته♥
هو متجر حكاية♥

مثل ماقلت ببوست الفندق ان كنت ساكنه في الشارقة بدل دبي
لان الهدف الرئيسي للسفر هو للعلاج♥

المتجر جداً جميل،فيه كل الاشياء اللي احبها :|
اكثر شي احبه بالدنيا القرطاسية والأكواب♥♥♥
وهالمتجر موفر هالاشياء وزيادة،،في اشياء تاخذ العقل اكثر♥

يالله ناخذ لنا جولة بالمتجر :*

من أهم الاشياء اللي تشد الزبون وتنجح المتجر
هي الفترينه او واجهة المحل ومايحتاج اتكلم عن كمية الجمال♥

المتجر بشكل كامل♥

قسم الكوشيات او الخداديات مع دراريع وتي شيرتات p;
مدري تنكتب تي شيرتات ولا لها جمع ثاني بس احبها جذي ههههههه :$

شوزات للأطفال،كيوت♥♥

وهمن ألعاب للأطفال♥
تصدقون صورتها بدون لا انتبه ان في العاب الا بالصورة الحين ههههههه
من كثر مافيه اشياء ما انتبهت

جناط للمدارس :*
حبيت البيضا مع اللي جنبها♥
وحبيت طريقه العرض،،مبتكرة جداً!!

أكواب،قوالب سيلكون،أكواب حرارية او مقز
علب صغار وجرات ومناديل وغيرها من الاشياء♥

خامات مختلفة ومنوعة
الموردات حبيتها،تخيلهم مفارش طاولات!♥♥♥
واللي تحتها اعتقد ينفعون يتفصلون لدراعات انسب شي :*

بوكسات خشب وقش،،حبيت البوكس الرمادي♥
لو ماعندي مشابهه له ما اتوقع يطوفني p;

كفرت تلفون تااااااخذ العقل @@!
بس للأسف ماكان في لأيفون ٦ بس فايف :(
ان شاء الله وفروها الحين♥♥♥

من الاشياء الكيوت اللي حبيتها بالمتجر♥♥♥
بس اتوقع الاغلب صارت عندها او هابين فيها p;
فما فضلت اشتريها صراحة :$

بوكسات للورد مع تزينه اعتقد كامل والشرايط ماخذه حته♥
حبيت نوع الورد،صناعي بس طالع جنه طبيعي @@♥♥♥

ثيمات او أعواد زينه للمزهريات او للورد♥

من الاشياء اللي كنت حاطتها ببالي من شفت بروفايلهم ب انستا
هالاكواب♥♥♥♥ بس للأسف ماحصلت حرفي،توه كان مبيوع حسافه p;

♥♥♥♥♥

بروايز فكتورية حبيت الزرقا تقدرين تحطين فيها كذا صورة
وديزاينها مو معتاد كلش♥

قرطاسيه بقرطاسيه وبقرطاسيه♥♥♥♥♥♥
من الاشياء اللي جد تنحت ما ادري شآخذ وشخلي :|♥♥
القرطاسية عندهم متنوعة بشكل
فكرة المتجر ان كذا مشروع صغير سواء قرطاسية ولا غيره
يعرضونه له بنسبه معينه♥
فعندهم : رزنامات
نوتات صغيره وكبيرة
فواصل كتب
منظمات
وغير هالاشياء واجد،اتوقع الصور تسولف بكل شي♥♥

شفت ب انستا بكذا اكاونت يسألون عن هالراديو♥
متوفر عندهم اعتقد ب ألف درهم اذا ماكنت غلطانه
نجي لمشترياتي
قبل ما اتكلم عنها،السموحه على التصوير المستعجل :$

السعادة احياناً شخص وقهوة♥
الكوب السنابي p; صار يلازمني جداً هاليومين♥
من اكثر الاشياء اللي قالتلي تعالي اخذيني ههههههه
والكوب اللي جنبه،لأختي♥ بحرفها♥

منظم من متجر ضاد الكويتي♥
معروف ب انستا،،خذا قلبي سييده
اللي حبيته فيه،،فيه قائمتين
قائمة للمشتريات وقائمة بالايام مع وجبات اليوم♥
غدا وعشا وريوق
يناسب اللي مسويه رجيم او عندها نظام غذائي خاص♥
كل يوم مع وجباته او الوصفات♥

المهام الاسبوعيه♥
منظم لأيام الاسبوع،،كل اسبوع مع ايامه واهدافه
قاعده احاول اني اكون منظمه كثر ما اقدر فهالمنظمات حيل تساعد على هالشي♥
كل يوم اكتب فيه شنو الاشياء اللي بسويها فيه عشان اشوف الاسبوع كامل شنو عندي فيه
مثل الجدول بالضبط بس يفتح النفس اكثر p;♥♥♥

فاصل كتاب بعبارة "لدي حلم لن أقبل بأقل منه" ♥
في فاصل كتاب ثاني بس ضايع مادري وينه :((
هالاشياء النتف بسرعه تضيع للأسف!
عموماً بحطه لكم تحت من ضمن الصور اللي صورتها بالمتجر♥

هذا هو♥
يارب القاه يارب :|♥♥♥♥

طريقه التواصل مع المتجر♥
ان شاء الله بيكون في تعاون قريب معاهم♥♥♥
مع رونق اكيد :$

ان شاء الله تكون جولة او تغطية كاملة وتفيد اللي مسافر دبي بالعطلة الربيعية p;♥♥

دمتم سعيدين♥

18 comments reviews