السلام عليكم و رحمه الله و بركاته♥ . . ولا مرة فكرت اكتب مثل هالنوع من البوستات زيارات لمطاعم او بوتيكات وغيرهم♥
مع اني دايماَ اجرب *مطاعم خصوصاَ* و بمواقع بعد p;
قلت افتتح هالنوع من البوستات بمطعم ابوي المفضل $:♥♥
« متعوبه ع كلمة افتتح ترى p;
ساعات لما نطلع مع ابوي و يأخذ رأينا بمطعم نتغدى فيه او نتفطر مرات
و يلقى كل واحد مطعم . . اللي مشتهي برجر و اللي باستا و اللي ورق عنب
و نختلف من يحب الثاني اكثر هههههههه
فدايركت نلقانا واصلين هالمطعم p; و طبعا مايحتاج اقول كم مرة اتفقنا ع مطعم لان ولا مرة هههههههه
مدخل المطعم . . تصميمه جداَ جميل مهتمين بأدق التفاصيل حتى الدرايش!♥
الحلو بهالمطعم غير اكله العجيب . . ان فيه كباين، و هالشي يكون مفتقد اقدر اقول بمطاعم الكويت ههههههه
خصوصا ان في ناس ماتحب تاكل جدام الناس او تحب تاخذ راحتها اكثر♥
فيه ساحة مبطلة لطاولات مكشوفه . . و في بعد ساحة للكباين على حسب عدد الاشخاص♥
بحيث يكون في حجمين . . حجم اصغر لأربع اشخاص + لأكثر من اربعه
و تصميمه يشوق . . احبه اكثر من فريج صويلح! ♥
اخترنا الكبينه الاكبر♥
مكان لوقو المدونه يعني كنت قاعده هناك هههههههه
Zoom ;p
*البلاك اللي عاليسار للجرس :$*
حيل احب سقفهم♥ . . فعلاً مهتمين ب ادق التفاصيل!
بهاللحظة طلبنا كذا طبق متنوع . . يعني بنسوي ناكل مع بعض p;
« آخر شي كل واحد متقضب بصحنه من الجوع هههههههه
ضيفونا اول ماوصلنا بقهوة عربيه مع لقيمات ♥.♥
تصوير وحدة جوعانه تتخيل الاكل بالصحن p;
نطرنا تقريبا عشر دقايق او اقل ب شوي♥
للأسف نسيت اصور المنيو . . بس كان منوع بين الاكل اللبناني و الكويتي و البحري بعد♥
الاطباق اللي لازم تكون عالسفرة لو شنو ♥
*ورق عنب-متبل-سلطة روب وخيار*
مع خبز تنور . . ياسلام سللم ♥.♥ » محد جاع :(
طلبي كان مجبوس لحم♥
أول مرة اجربه من عندهم . . العادة حمص و لا عرايس p;
بس بما اني كنت وقتها ميته جوع + وقت غدا . . مالك الا بالخمس و انت شاق الكشره p=♥
اتعب و انا اقول لذيذ ♥.♥ . . ماحسيت بعمري الا و انا مخلصه نص الصحن يمكن p;
الحلو فيهم ان الطبق راااهي و الاطباق تكون كبيره و من قلب القلب يشبّع و اكثر بعد
+ الطبق يكون لشخصين + سعره بس بدينارين ونص اذا ماخاب ظني !
طبق البابا♥ . . البحري الاصلي ههههههه p;
كل ماجينا هالمطعم يا مطبق زبيدي و لا مربيّن ♥.♥
اللي بتاع الاكل البحري راح يحبون هالمطعم حيل (Y)
ريحة الزبيدي لما وصل خنيييينه ♥.♥ . . حسيته مطبوخ من قلب
و طبعا ماقدرت ما اذوقه، حيل حلو♥
مع اني مو مع البحريات حيل . . من فترة للثانية بس دام مدحه الوالد خلاص p;
سعره ب ٤ او اقل مو متأكده $:
اطباق اخواني . . بتوع اللي بالخمس p;
مجبوس لحم + مجبوس دجاج . . حيل احبهم جربتهم من قبل
لذيذين♥ ، مع ان احب البرياني اكثر دجاج كان او لحم ♥.♥
احس طعمه غير غير♥♥♥♥
طبعاَ لا يغركم السفن . . كنا مغصوبين عليه :(
اوامر عليا هههههههه، يالله تمون يبا :$
انتي نفسي ابوج يشوف السفن افيّد من الببسي؟ p=
اسعارهم بدينارين وشي♥
لفته حلوه منهم . . انهم مهتمين بذوي الاحتياجات الخاصة و كبار السن بتوفير الويل جير♥
ادري ان مهتزه و تدوخ . . بس عاجبتني p;
بعد مادفعنا الحساب . . ضيفونا اقين ب فنجال قهوة + لقيمات♥
بتوع الرجيم احسنلكم لا تروحون له ههههههه p;
« اللي عاليسار قهوجي من الجنسية الاسيويه و ملبسينه دشداشه و وزار ههههههه p;
+ لفته هم لهم ان مهتمين لملابس الخدمة . . موظف كان او موظفه بدراعه و مسرّح♥
تقهوينا عالسريع قبل ماتنتهي الزياره ♥.♥
+ القهوجي يتفنن ب صبة القهوه بعد . . عن بُعد ههههههه p=
جانب من ديكور الاستقبال♥
للأسف ماقدرت اصور اكثر لان كان زحمة ماشاء الله♥
تقييمي للمطعم 8\10 . . لأن الخدمة كانت تتأخر او بالاحرى مانحصل احد صوب الكباين
فضطرينا ننطر اكثر من المعتاد منهم ! + المنيو مافيه صور و اشوف هالنقطه مهمه للزبون عشان يختار طلبه
لان مثل مايقولون العين تشتهي اكثر من البطن p;
رأيي النهائي :
اشوفه من افضل المطاعم التراثيه اللي جربتهم . . يتميز بديكور تراثي و مهتمين بأدق التفاصيل
حتى السقف،اكله منوع مابين اللبناني -مثل مايقولون الخفايف- و الأكل الكويتي مثل المجابيس و البحري والهريس
المو حلو ان المنيو مافيه صور للأطباق و اشوف هالشي يأثر مهما عرفنا شنو هي الاطباق احس ان لازم اشوف عشان اطلب . . احد نفسي ولا انا بس جذي ؟ P; ، الشي اللي يضيف لهم ان فيه كباين للعوايل مع اني ما احب آكل ب كبينه احس بغمته :$ احب الاماكن الواسعه p; بس ساعات الواحد وده ياخذ راحته خصوصا لو كان طالع مع اهله♥
معلومات المطعم ♥ :
مطعم الستينات للمأكولات الكويتيه
العنوان : حولي شارع بيروت
هاتف : 22665557
وبس . . جذي خلص البوست ع خير p;♥
لا تنسين تشتركين بالمدونه عشان يوصلج كل جديد :*♥
و اللي حابه تتابعني ب انستغرام او تويتر . . الاكاونت ع يمين الشاشه♥
كونوا سعيدين♥
0 comments:
Post a Comment