تجربتي مع الفينير وابتسامة هوليود♥ عيادة بسمة :

السلام عليكم ورحمة الله وبركاتة♥

من زمان عنكم حيل ، او انا من زماني عني؟ هههههه

اول شي شكراً على كل الكلام اللي يجيني بسناب او الدايركت

ماتتصورون شكثر يفرحني ويعنيلي كثير♥

اني اشوف لو وحدة بين الألاف تستفيد . . كافي علي♥

و اعتذر لو تأخرت ماكتبت بوست اهني . . بس مخليته للمواضيع الكبيرة او اللي فيها قرقة قرقة p;

و النتف بسناب او بانستا D; 

:

قبل شهر ونص تقريباً،وصلني اعلان لعروض عيادة "بسمة"

الفينير او التاج . . بـ ١٥٧ بدال ٢٧٥!

و طبعاً راجعت عيادات ثانية  بـ ٣٠٠ الفينير وطالع و التيجان تختلف اسعارها بعد

غير جذي لو عندج تسوسات بالضروس الخلفية..مايرضون تسوينها برا :\

" بالمستوصف او مستشفى العدان..الخ"

ولما قلت تمام اذا مع الحشوات اللي هي ماتنعد عالاصابع الايد الوحدة حسبوها لي بـ ٧ الاف

او اذا كلش كلش بـ ٤ الاف بعيادة ثانية . . و ماعندهم نظام الاقساط واذا في لازم ادفع نص المبلغ

و بما اني طالبة ماعندي هالمبلغ طبعاً، وحتى لو جمعت ماراح اوصل له هههههه

شفت نتيجه الفينير لعيادة بسمة بأخوي..وتحمست حدي

نطرت شهرين تقريباً بعد ماركبه عشان اشوف شالانسب لي . . كنت مترددة بشكل مو طبيعي

وخفت اركبه تصير اسناني ليتات والله ههههههه p;

و توكلت على الله بعد ماشفت كل شي تمام معاه

خذيت موعد لـ التركيبات سيده . . والحمدلله علطول خذوا قياسات المؤقت -اللي هو بعد الحفر p;-

طبيعة اسناني♥ :

خنقولكم شنو كانت p; . . كنت مهملة اسناني من و انا صغيرة

مثل غيري واجد، يعلمونا بالمدرسة وماكو فايدة مانحب طعم المعجون هههههه

ونخاف من طبيب الاسنان بشكل 

صارت معاي تسوسات بالاسنان الامامية و عالجتهم من دخلت الثانوية

بس العلاج ماكان كافي،اللون كلش مو متقبلته

لا تتخيلون اصفر حيل لا هههههه . . بس كل ضرس لون غير عن الثاني

وبفترة من الفترات كنت استحي اضحك بصراحة p;

جربت تبييض الليزر كلش مافاني . . جربت لصقات التبييض هم مافادتني

فـ اضطريت للفينير ، و لا ماكنت ابي نهائياً :$

فـ اللي تفكر تضبط . . تجرب كل الطرق الثانية اهمها تبييض الليزر او القوالب

و اذا ماضبط؟ تفكر بالتيجان او الفينير♥

شنو صار معاي♥ :

مثل ماقلت خذيت موعد للتركيبات سيده..لاني الحمدلله مو محتاجه تقويم او شي ثاني

فكنت عارفه وين اروح بالضبط 

فكان كل شي تمام وخذوا قياسات للمؤقت -راح اقولكم عنه تحت p;-

اتفقنا على ٦ فينير -اللي هي مثل الستيكر-

و تاجين -التلبيسة-

و الاسنان الامامية التحتية ماكانت محتاجة شي الحمدلله الا توحيد لون -قوالب تبييض-

 خذيت موعد لتنظيف اللثة عشان نبلش على لثة نظيفة + قوالب تبييض للاسنان التحتية

" تذكرتوا القوالب السنابيين؟ هههههه p:"

استعملتها علطول القوالب . . عشان نتفق على اللون اللي ابيه للاسنان الفوقية

ماكنت ابي اللي تحت لون و اللي فوق لون

نصحوني اني استخدمها اثناء النوم . . بس ماكنت متقبلة بصراحة :|

فاستعملتها و بيالله بعد . . ساعتين كل يومين تقريباً

-اذا حابه ابيض حيل استعمليها كل يوم-

كان موعد التركيب المؤقت الاسبوع اللي بعد التنظيف والقوالب

كنت متجهزة وحابه لون اسناني التحتية . . مدة الجلسة كانت ٣ ساعات

٣ ساعات من العذاب هههههه ،، صج ان مليون ابرة عطوها لي بس هم رعب p;

شالوا لي التسوسات وشالوا قشرة المينا -طبقة من الاسنان-

عشان يقدرون يركبون عليهم . . بيني وبينكم ماكنت متقبله بصراحة!

بس كان ضروري ، صج ان ماحفروا حيل حيل . . مجرد طبقة شالوها

بس قلت بيني وبين نفسي "راحت اسناني ههههههه"

تخيلت نفسي عجوز والله p;

خذوا مني اقين قياسات للفينير والتيجان على "النيو تيث هههههه" بعد الحفر

اللي هي القياسات الاخيرة . . و عقب ركبوا لي المؤقت -مدته اسبوع-

لان اكيد ماراح اطلع واخرع الناس بأسناني . . اصير زومبي D:

+ اخترت لون الفينير والتيجان . . اول درجة من درجات اللون الطبيعي♥

الجلسة الاخيرة♥ :

وعلطول ابر تخدير . . ماعندهم مجال

الا خايفين افضحهم بصراخي شكلهم ههههههه :$

شالوا مني المؤقت و بلشوا بالتنظيف من بعده عشان يتأكدون من سلامة الاسنان

بعد التركيب الاخير . . ركبوه لي قبل التلصيق

عشان اذا عجبوني او لا . . واعتمدت الحمدلله♥

وضبطوها لي ♥.♥

كنت محتاجة اعدل عالعضة شوي . . صارت مرتفعة ولا بعرف أكل

و الحمدلله كل شي تعدل♥

صفة الاسنان ممتازة . . وطبيعية بشكل

كلش ماحبيت تكون اسناني صفه وحدة جني حاطه جبس عليهم ههههه

فصايرة طبيعية . . و يمكن اللي موعارفني ويشوفني او مرة ماراح يعرف اذا كانت هذي اسناني

او الفينير p;

بس كا انتوا عرفتوا ههههههه

لو مو منقبة جان حطيت لكم قبل وبعد D:

عيادة بسمة♥ :

اللي حبيته بهالعيادة . . ان يأخذون رأي المراجع بكل شي ويحطونه بالصورة

+ مايغصبون احد على شي و ماحسيت هدفهم الفلوس كثر رضا المراجع

مع ان قالولي اني احتاج حشوات بالاسنان الخلفية بس نهائياً ماقالولي

لازم تسويها عندنا ولا ماراح نسويلج فينير! هههههههه

شر البلية مايضحك p;

بالاخير الناس تبي المعاملة الزينة والاحترام . . مو عشان انت دكتور معناته بتاخذ مراجعك على قد عقله

وتحاول تلوي ذراعه عشان الفلوس @@

هذاك اول . . الناس الحين واعية وتعرف عدل شلون تختار وتقرر اللي يناسبها p;

تفاصيل الاسعار والاوقات♥ :

١٧٥ الفينير او التيجان

كلفتني ١٤٠٠ دينار

على ٣ جلسات،، اول جلسة كانت فحص والثانية الحفر والمؤقت والثالثة التركيب النهائي♥

وبعد التركيب ب اسبوع كان في فحص لو كل شي اوكي والحمدلله♥

التنظيف مع قوالب التبييض بـ ٦٠ دينار
قاسطتهم على ٣ شهور . . كل شهر ٤٠٠-٥٠٠ دينار

و الحين هم عندهم عروض حلوة للتقويم وغيره♥

تفاصيل العيادة♥ :

anstagram : @basmaclinic

T : 25656010

ان شاء الله عجبكم البوست وفدتكم لو حبتين♥

و اي سؤال حنا بالشوفه :****♥♥♥♥♥

34 comments reviews