. . أول يوم دراسي♥

السلام عليكم والرحمة♥

. . كيف الصبايا؟ $:

و كيف الدوام P:♥

و جت الكلية ودوامها..وبلشنا أول يوم :(♥

يوم مُتعب مُتعب مُتعب!

بدأ بتجهيزات,وإنتهى بـ حدة الحيل : (

. . ماعمري مر علي يوم يتعب كثر اليوم @@

لـ درجة حسيت و أنا أمشي أن بيغمى علي @@

شمسنا ماتقصر صراحة♥

أوكي أطلع معاج؟ نحوس السوق كله ونشيل ونحط

و اسوي كل اللي تبينه بس لا تطلعيني بالشمس :(

خليني أرتب وانا ما أحب بس لاتخليني بالشمس :(

هههههههههههه باين إني متعقدة؟

كنت أقول و انا امشي اليوم

"الشمس مفيدة ولازم نتعرض لها اصلاً شفيها"

و انا بقلبي اتحلطم وماتبقى كلمة ما أقولها ههههههه xD

الوضع جديد علي حبتين

لأننا كنا بمبنى ثاني وصغير و كل شي قريب من بعض

و مانتعرض للشمس واجد

على إنه كان "خرااااابه" وقديييييم من سنة 70

إلا إني حنيييت له الييوم واجد :(

و اتذكر ايامه♥♥

/

قمت من النوم ب نشاط و قبل المنبه بنص ساعة P;

من الأشياء النادرة اللي اسويها,لأني "دراااااام" نوم

و عادي ب إي وقت و ب إي مكان أنام ههههههه

"قولوا ماشاء الله هاااه,كافي هالفترة ما أنام عدل وطالعتلي هالات :("

شكلي بغيّر موضوع البوست واتكلم عن نومي ههههههه

لا خلاص xD

نزلت إلا أحصل اهلي مجتمعين عالريوق الله يديم هالجمعة يارب♥

و أخواني يحوسون..اللي يلبس جوتيه عزكم الله

و اللي يدور جنطته 

عزااااااااه يا ايام الثانوية :(♥

عزااااااااه يامريولي و حجابي اللي زانطه عمري فيه

عزااااه ياكول حاقة قميلة :(♥

و خذيت أقرّب جاي حليب ♥_♥

. . من زماااااااان عنه حيييل حييييل

أحس ماعرفت طعمه اليوم من كثر البطا هههههه

أدري التصوير عادي بس ماكان عندي وقت أكشخه P:

خلكم من التصوير بس $:

عقب الحليب صعدت جهزت قشي xP

"كنت حاطة الصورة بإنستغرام حبيب الشعب"

الشي الاسود اللي فوق عبايتي ترى ههههههه

و أنطلقت بعدها بكل حماس ونفسية كيييذااا♥

. . وصلت بعد ساعة ونص تقريباً

كانت الشوارع دممممممممممار

الخطوط السريعة واقفه,الدوارات واقفه

الإشارات واقفه

شكيت إني ماراح أوصل الكلية,وبيني وبينكم هوّنت من شفت الزحمه

قلت ارجع انام احسن لي ههههههههه

بس قلت لااا نبدي بداية صحيحة $:

خصوصاً إني كثيره الغياب $:

و عادي جداً أسحب عالمحاضرة و أنام xD

أول مادخلت من البوابة

كنت ضايعه طبعاً مثلي مثل البنت اللي توها داخله الروضة

و ماتعرف شي ههههههههه

دخلت أول مبنى ورا البنات..لحقتهم xD

وبالصدفة طلعت محاضرتي فيه @@"

عاد قلنا لا شي طيب..أول شي كيذا

اجل تمام xP

الغريب إن الكلاس اللي فيه أول محاضرة

"مادة طبخ $:"

. . كان حوسة ودمار! مو مرتب ابد

الفرن ب صوب ..الطاولة ب صوب

المغسلة ب صوب,الثلاجة ب صوب @@

باين إن مافي محاضرة فيه ابد

و فعلاً -_-

قلنا نتمشى شوي بالمبنى الجديد

. . خطير صراحة♥

بعض الصور $:♥

المبنى ككل جميل

لكن للأسف إن مو مرتبين أرقام عدل :(

يعني خبري .. إن المباني تكون ارقامها

1 2 3 4 5

و جنب بعض..أو يكونون قراب من بعض

لكن في كليتي؟ عادي جداً تحصلين مبنى رقم 1

و جنبه مبنى رقم 5 : )

عاد تعالي فهمي عقلي إني لازم أحفظ هالحوسة :(♥

و أكثر شي عجبني برج الساعة..أو ميني برج ساعة ههههههههه

نتفه من برج ساعة لندن xD

أحلى شي بالكلية هالشي ♥_♥

تطور تطور ههههههه

يعني كلية زايد أحسن منا؟ لا لا ههههه

زوم♥

زاوية ثانية♥

/

كانت حوسة عالمية صج

خصوصاً أن اغلب وقتي كنت بروحي

أو مع رفيجتي وهبلة نفسي ماتدل شي

< آسفه ساره ههههههههههههه

أدري تشوفين البوست و تطلعين إنتقادات أدري والله

xP

و أحب أبشرج إن كله إنتقادات هههههههه

:

أقول لرفيجتي أحتاج قناع اتمشى فيه بهالشمس

مو بس حمماية ههههههههه

لأن جد جد ماعمري طلعت بهالشمس

3 ساعات تحتها @@

كريم الحماية أحترق ماسوى شي :( *قلب منجرح*

و من هذا المنبر اللي عنده قناع يقولي ههههههه

أهم شي يكون كيوت مابي أخرع الأوادم *فيس ميت ضحك*

كان يوم مُتعب وجميل ب نفس الوقت

و أرجعت الأيام الدراسة ب حلوها و بمرها لوضعها الطبيعي

وشفنا حبايبنا وسلمنا على دكاترتنا♥

بالتوفيق يارب لنا جميعاً

و يكون عام دراسي جميل لي ولكم 

و كله نجاح بإذن الله♥

دُمتم ب حب♥

4 comments talk, university