* كيف اختار عدسات تناسبني ؟

السلام عليكم و رحمه الله و بركاته♥

. . كيف الصبايا :* ؟

كثير منّا يحتار شنو يختار ماركة عدسات تناسبه و تناسب عينه و مريحه♥

و كثير منّا اختار ماركة تحسست عينه منها أو ماناسبته ابداً!

و كثير منّا يختار مثل ما اختار صديقه أو إي أحد يشير عليه بماركة معينة!

أول شي لازم نعرف :

* مو كل شي ناسب غيرنا أكيد راح يناسبنا .. لا!

* و لا كل ماركة عدسات راح تناسب كل عين..هم لا!

قبل مانختار.. لازم نعالج عيننا 

إذا كنتي تعانين من حرقان مُسبق أو قبل ماتلبسين العدسات

أو إذا كنتي تعانين من إحمرار أو ضباب في حال لبستي العدسات

أو حساسية وغيرها من الاشياء المزعجة و اللي ماتخلينا نستمتع :(♥

في حال حسيتي بالأشياء اللي ذكرتها فوق..لازم لازم ترطبين عينج بشكل مستمر

و لازم تنظفين عينج بماء صافي و عمل مساج ايضاً للجفن لأن هالشي راح يساعد

في حال في انتفاخ أو إحمرار♥ . . و أفضل تهتمين بعينج قبل المناسبة بيوم أو يومين

و كرري المساج و الترطيب كل مرة♥

من أفضل المرطبات :

Refresh plus

Refresh tears plus

جداً جميلين و تناسب كل عين.. ومريّحة

استعملهم قبل ما ألبس العدسات و بعدها..تريّح العين

و توخر الإحمرار بشكل تدريجي إلى نهائي+تخفف الإنتفاخ

ايضاً سعرهم مناسب♥

و ضروري تستعملينهم بعد ماتنشال العدسات عشان ماتجف العين

+ 6 مرات في اليوم♥

كل ماترطبت العين كل ماتخلصنا من مشاكل الحرقان و الإحمرار♥

خل نستعرض مع بعض أهم ماركات العدسات $:

FreshLooK

من أحلى الماركات و اريّحها للعين

. . أحبها جداً جداً,لكن مشكلتها ألوانها محدودة

و في ماركات ألوانها أحلى منها ب وااااجد

لكن لو نتكلم شكثر هي مريحة؟ فهي مريحة مريحه يعني P:

. . و أكثر الفنانات يحبون يستعملونها مثل "هيفاء وهبي\نوال الزغبي"

و غيرهم من النجمات♥

ألوانها

تتميز ب ألوانها الأقرب إلى الطبيعة,خصوصاً البني منها والعسلي♥

. . حبيت منهم البنفسجي

طبيعي هاللون من هالماركة جداً,متداخل معاه اللون العسلي

اللي يخليه غصب طبيعي هههههه xD

حلو منهم بعد الأزرق يطلع هادي ب شكل♥

الحلو ب هالماركة إن تدمج الألوان بشكل جميل جداً

و مٌلفت♥
سعرها 7 إلى 8 دنانير

- 100/120 ريال-

acuvue

تكلمت من قبل عن هالماركة من جونسون♥

أحبها كطبية شفافة محدده ب بني بس!

شوفوا إهني♥

. . نشوف ألوانها $:

كأنها لون طبيعي للعين ما كأنها عدسة ابداً
هذا مايميزها,و ألوانها جميلة
لكن للأمانة ماجربت من هالماركة إلا المحددة ف بني
و مستمرة معاي إلى الآن وجداً مرتاحة لها♥
سعرها أغلى من الفريش لوك.. من 9 إلى 10 دنانير
و ممكن في بعض المحلات يكون عندها عروض لهالماركة♥
-120/140ريال-

Bella
أطلق عدساااااااات بالوجود♥
. . حدها عجيبة عجيبة,أتعب أقول شكثر ألوانها تآخذ العقل♥♥
تتميز هالماركة..بإن لكل سنة لها وجه إعلاني معروف جداً
مثل -كيم,حصة اللوغاني,غادة عبدالرازق,مي عز الدين-
و إنتشرت ماركة هالعدسة تحديداً من خلالهم, حتى صار الناس
يتداولون هالشي بما معنى -عدسات كيم أو عدسات غادة- xD
تتميز هالماركة ايضاً إنها متجددة بشكل موسمي, و كل موسم تنزل
كميات و ألوان فضيعة و بتحديد و بدون تحديد..و بشتى الأشكال اللي تستهوي الجميع,بالنسبة لي هالعدسة النمبر ون واللي ما اتردد ابداً بإستعمالها♥

عدسات كيم 2013
من أشهر العدسات اللي انتشرت بشكل رهيب بالفترة الأخيرة
شلون ما تنتشر و كيم هي الوجة الأعلاني xD؟
. . بغض النظر عن إني اكرهها أو لا < هههههههه
بس الألوان جداً فضيعه ♥_♥
استعملت اللي لابستها كيم عاليسار :$
حبيتها جداً ولو إنها فاتحة شويّ,و أنا من عشاق العدسات الغامقة
ما أحب الفاتح ابداً,لكن حلو التغير xD
سعرها ب 11 ,ومتوفرة ب أغلب المحلات♥

عدسات غادة عبدالرازق
ايضاً من العدسات المشهورة و المنتشرة جداً
تتميز بإنها أكثر الالوان موجودة فيها+في بتحديد و في ب لا
و تتميز ايضاً إن بكل لون لازم يدخل الأسود فيها و يعطيها فخامة♥
و طلةة غيير♥ ,, استعملت منها الكحلي+الرمادي+العسلي♥
و ايضاً الاسود♥ . . من أكثر الماركات اللي عندي اياها هالمجموعة
مميزة و أحبها وغير جذي مريحة و مدتها كافية -سنة من أول إستعمال-
سعرها ما أذكر بس أقل من عشر دنانير أكيد♥ -اقل من ال120 ريال-

:

طيب كيف أعرف إذا العدسات ناسبتي أو لا؟

* مثل ماحنا عارفين إن في عدسات تكون بتحديد أو إيطار أسود
و في إللي لا بإيطار أو حتى تحديد أسود

طيب ليه اصلاً هالتحديد؟

وظيفة التحديد : تكبير بؤبؤ العين و الإيحاء ب كبر حجم العين
و هو اصلاً لا xD

*التحديد بـ إيطار أسود : مُناسب لصاحبات العين الصغيرة
بحيث تكبر العين بشكل حلو,وتعطي طلة غير للعين♥

*التحديد بـ رمادي : احسه مُناسب لجميع أحجام العين,للعين الصغيرة والوسط والكبيرة!♥ ,, للعين الصغيرة يعطيها شويّه حجم مو مبيّن حيل,والوسط و الكبيرة راح يبين معاها أكثر♥

*بدون تحديد : أحسّها أفضل أنواع العدسات و انعمها وتناسب لكل شي♥

/

انتبهوا أحد ينام بالعدسة! ,لو شنو يصير معاج ديري بالج تنامين فيها :((♥
. . و عن تجربة أتكلم عن هالموضوع :
 صادف مرة من التعب كنت رادة من مُناسبة
و نمت بالعدسة ماحسيت بنفسي أبد,وقمت عادي و رحت الكلية,و جت وحدة قالت لي
عينج حمرة حيل حيل! @@
انا تنحت قلت حمرة ليش! مو قاعدة أحس فيها /:
و فعلاً لما شفتها كأن دم متجمع بعيني :( مو حَمَار عادي!
علطول رحت لطوارئ العيون..وحاول الدكتور يطلع العدسة ومو راضية
جفت ب عيني وظلت ناشبة الاخت هههههههههه :’(♥
سوّا كل شي و مابقى قطرة ما انحطت و هم نفس الشي :((
و قال الدكتور لازم عملية..أو راح تنعمي البنت :/
يممما!! كل ما اتذكر السالفة قلبي يعورني :(((♥
انا تنحت وقتها و قلت حاولوا مرة ثانية..عملية! و بالعين!
و الحمدلله قدر يطلع العدستين :(♥♥♥
و ماقدرت لا أفتح الليت و لا أمسك التلفون..ولا أجيب لنفسي إي ضوء
لمدة يومين-3 ايام
. . كااااان عذذذذذذذذااااااااااب :((((
تخيلي قاعدة و بالظلمة حتى ب عز النهار,و لا تقدرين تكتبين شي أو حتى تمسكين
التلفون تشوفين إنستغرام تويتر وتسب..عشان يمر الوقت بس :((
اخييييه بس♥
الحمدلله على كل حال♥

عشان جذي بنات ديروا بالكم على عينكم..خصوصاً اللي يلبسون العدسات دايماً وبشكل مستمر
* رطبي عينج بشكل مستمر بإي قطرة ترطيب♥
* قبل ماتلبسين العدسات و بعدها لازم ترطبينها
* إذا شريتي عدسات جديدة إنتبهي تلبسينها بمحلولها! ,لازم تحطينها ب محلولها اللي معاها بعلبتها لمدة 8 ساعات
و عقبها إلبسيها..لأن العدسة الجديدة يكون محلولها عبارة عن مواد حافظة تضر العين جداً
*إذا رحتي مناسبة خلي قطرة الترطيب بجنطتج ورطبيها كل ساعة أو ساعتين عشان ماتجف معاج وتأذيج♥

بوست خفيف و سريع,لاني من زمان عن المدونة $:
. . يارب أكون افدتكم ولوّ شويّه♥♥♥♥♥

تابعوني على تويتر أو إنستغرام..النك على يمين الشاشة♥
أو اشتركي بالمدونة ياجميلة عشان تشوفين كل جديد♥

7 comments reviews