* مشترياتي الرياضية♥ :

.
.

السلام عليكم و رحمة الله وبركاته♥ . . كيف الحال $:؟
. . محدثتكم أكسل إنسانه على وجه الأرض للأسف هههههه
ما أحب الرياضة ابد ابد,و اتكيسل عنها ب شكل مش طبيعي!
ولا كنت أحب حصة البدنية *الرياضة* أيام الثانوية..لدرجة كل حصه في كل أسبوع اتعذر للأبله و امثل قدامها إني مريضة هههههه حفظتني و اذكر من كثر ماقلتلها إني تعبانه من تشوفني تقولي أقعدي أعرف شبتقولين P:
ممكن أدور المدرسة كلها و لا أتعب..بس اسوي تمارين و ارفع ايدي و انزلها ومدري شنو ابداً هههههههه
بس حسيت إني غلطانة..و إني ضيعت على نفسي صحة لجسمي و لنفسيتي بعد *فيس يبجي*
بفترة سابقة طويلة حبتين بديت أشوف نظام التمارين شلون..و شنو اللي يشد اليدين مثلاً أو أجزاء ثانية من الجسم
على إني سولفت كذا مرة لـ صديقاتي أو أهلي ويقولون لي جسمج مايحتاج تمارين تكيسلت أكثر و أكثر!
. . مدري ليه هالفكرة منتشرة حيييل *من متى وزن الشخص مقياس ب إن يحتاج تمارين أو لا؟*
ماشفنا هالأجنبيات؟ عصاقيل و أهم شي عندهم الرياضة و المشي :((♥
. . الرياضة لـ صحة أفضل و لـ جسم أجمل و لـ نفسية أصفى♥,ماهو مقياس لوزن الشخص أبد
فـ عشان جذي واخيراً تحركت وبديت أهتم لنفسي صحياً و لله الحمد
كنت في حالة تتنيح هههههه, نزلت السوق قبل جم يوم وخصصت *50 دينار تقريباً* للأشياء الرياضية♥
*500 ريال تقريباً* كفت وزادت بعد♥, ماتكلف كثير :*



لقطة للمجموعة كلها♥
. . حبيت تكون مو أجهزة لأني ما أحبها صراحة :D
و أحسها مُكلفة على غير سنع ههههههه
حلو تكون الرياضة مجهود شخصي بحت بعيد عن الأجهزة اللي تتعب الواحد أكثر
خصوصاً كثير سمعنا أن جهاز الممشى أو السير مثلاً *يأثر عالركبة حيل*
فمالنا بالطلايب على قولتهم ههههههه xP



من الأشياء اللي كنت حاطتها ف بالي من فترة طويلة♥
مافي أحلى من جوتي رياضة *عزكم الله* مريح+يصلح للمشي+ينفع للتمارين
و مرن معاج بحركات الرجل مثل المشي أو الهروله♥
وغير هذا : لونه يآخذ العقل ♥_♥
ماركة أديداس: أحسها من أريّح الماركات عن تجربة♥,جربت من قبل كثير
ولا حسيت ب راحة إلا مع هالماركة الجميلة♥ 
سعره : 22 دينار *300 ريال تقريباً*
من محل S GO *مجمع البيرق♥*



Exercise Mat \ سجادة التمارين♥
. . من أهم أهم الأشياء بعد الشوز الرياضي!
ساعات نحتاج هالسجادة في بعض التمارين مثل *تمارين الظهر+البطن*
بحيث إنها ماتأثر عالجسم وخاصة منطقة الظهر..حتى لو كانت مفروشة الغرفة!
مريّحه جداً ماحسيت أبد إن تحتي سراميك xD
سمكها أحلى شي فيها,كأنها سفنج أو شي مُشابه له :$



أحلى شي فيها إن طابعين عليها التمارين المُناسبة كمساعدة♥
. . مع نبذه لكل تمرين,الطريقة+و لأي منطقة بالضبط♥
حبيت هالفكرة جداً,قدام عيننا بس وماعلينا إلا نطبق ♥_♥
هالسجادة مشهورة جداً و اعتقد ماره عليكم يعني xP
سعرها 5 دنانير *70 ريال تقريباً* من مركز النصر الرياضي♥



massage figure trimmer
من أكثر الأشياء اللي شدت إنتباهي بمركز النصر الرياضي
جهاز صغير لكن حسيته مفيد جداً جداً..أول ماشفت صورته عبالي ميزان صراحة هههههه!
ما انتبهت ل أسمه $:,بس شرحت لي الموظفة طريقته وحبيته جداً♥
الحلو فيه إن فيه شاشة يحسب كم لفه بحيث كل مرة تزيد عدد اللفات♥
و تزيد مرات شد المنطقة♥



طريقته♥ , حسيته مفيد بحيث تشد منطقة الفخذ+الخصر
و ايضاً تمارين للقدم و الساق♥
دورت فيديو ب اليوتيوب وحصلت شي مُشابه له..مع إن الجهاز اللي معاها موجود بنفس المركز
بس ماشدني كثر هذا ♥.♥



الجهاز اللي مع البنت بالفيديو جميل..يساعد على الوقوف
. . بس حسيته يدوده بعد ههههههه

سعر الجهاز: 6 ونص 

من مركز النصر الرياضي♥



plastic push-up bar \رافعة البوش أب
. . حسيتها تساعد جداً للي توه مبتدئ بالرياضة♥
خصوصاً بالنسبة لي تمرين البوش أب من أصعب التمارين اللي تهد الحيل :(
يُعتبر هالتمرين من أكثر التمارين اللي تشد الجسم كله♥
+ تخفف آلام الظهر *فيس ودّه يبجي* 
اللي حمسني عليها صورة البنت صراحة ههههه و الخط اللي ع ظهرها xP
حصلت فيديو للتمارين المُناسبه لها♥




بغض النظر عن آخر كم تمرين يخلي الواحد يتنح ههههههه
خلكم من السهل للصعب :$
كثير سمعت أن هالتمرين للي يبي يبني عضلات ب جسمه!
ومدري صراحة عن صحة هالمعلومة *فيس متنح*
اللي عنده خبر يبلغنا♥

سعره : دينارين ونص *30 ريال تقريباً*
من مركز النصر الرياضي



نط الحبل من أشهر و أسهل التمارين..و من أقدمها يمكن هههههه
من حنا وصغار ونحب هالتمرين أو كنا نسميها لعبه هههههه xD
. . طبعاً ياكثر ماطحنا على وجيهنا وحاشتنا رضات ب كل مكان هههه بس تظل جميلة
و أسرعها فعالية من أكثر تمرين ثاني♥
لأن النط من أكثر الطرق تخفيف الوزن♥
حصلت فيديو بغيت أتحطم عندها :(,ماشاء الله تبارك الرحمن بس! :(
شوفوا شوفوا بس :(♥



هاه عسى ما أغمى عليكم بس؟ ههههههههههه :(♥
طريقتها محترفة صراحة ماشاء الله..طبعاً غير جسمها,شي ثاني : )
*فيس منقهر : )*
أخاف اسوي نفسها و أتكرفس على وجهي هههههههههه
الله كريم :(♥

سعر الحبل: دينار من النصر الرياضي ايضاً♥
*15 ريال تقريباً*

نجي للملابس المُناسبة♥

. . لاحظت أن أغلب مدربين الرياضة ملابسهم مايله للنايلون أكثر!

مع أن أحس الجسم يتحسس منها مدري *فيس متنح*

أحس مافي أحلى من القطن خصوصاً بالتمارين أو بالمشي

لأن الجسم مُعرض اهني للتعرق..وعشان مايتحسس الجسم من إي مواد ثانيه مع العرق!

أخترت ليقنزين من مركز النصر همّن *نشبتلكم فيه ههههههههه*

قطن 100% .. غير ألوانهم اللي يجيبون العافية غصب غصب♥

سعرهم :6 دنانير♥

:

*همسة :

. . لاتخلين من حولج سبب يخليج تتكيسلين عن الرياضة,لصحتج مستقبلياً حتى لو ماكنتي تعانين من إي ألم أو عرض حالياً

أكثر أمراضنا أحنا يا العرب من قل الرياضة+الأكل الغير صحي , صح أحب الككاو صح أحب البوب كورن صح أحب الأكل الموصحي و آكله يومياً غير البيبسي و المشروبات الغازية والقهوة وغيره,لكن مو معناته نخلي هالأكل بجسمنا ونخلي الدهون تتراكم من غير نحرقنا ب نفسنا من خلال المشي أو الركض أو إي تمرين مُناسب..وطبعاً مافي أحلى من المشي و لا في أسهل! , الكسل ماراح يفيدنا ب شي بالعكس راح يتعبنا أكثر!..ويجيب لنا الأمراض و يخلي نفسيتنا أزفت شي بالدنيآ, هالكلام ايضاً مُوجه لي♥ و راح اخليه أقوى مُحفز لي ♥.♥

كل شي بالتدريج حلو..نبدي ب نص ساعة أو ربع ساعة ونزيدها يومياً للساعة و الساعة ونص♥

دُمتم ب صحة وعافية♥

4 comments hauls