* مفضلات 2013 . . BEST OF 2013♥ :

السلام عليكم و رحمة الله و بركاته

شلونكم حبيباتي؟ :$

هالنوع من البوستات أو من مقاطع فيديو اليوتيوب من أحب الأشياء على قلبي♥

لأن شي حلو نعرف شنو كانت مفضلات الأغلب للسنة أو حتى ب الشهور♥

و نختار الأفضل بالنسبة لتجارب غيرنا♥

طبعاً اللي بنشوفه بهالبوست من الأشياء البيرفيكت اللي عندي طول السنة

و اللي دايركت أختارهم من بد كل الأشياء♥

راح يكون بوست مُنوع إن شاء الله $:

هيا بنا P;

نبدأ بالميك أب ♥.♥

و انا اختار الأفضل من الميك أب أحترت صراحة

. . كثير شريت السنة اللي فاتت *2013 قصدي هههههه*

و تقريباً حبيتهم كلهم,مافي شي ندمت إني شريته إلا كذا شي وبسيطين كانوا

أما يكون صبغ أظافر لونه بايخ أو يكون خفيف أو حُمرة ماناسبت لون بشرتي D=

اخترت الاشياء اللي استعملهم دايم و راح ارجع اشتريهم إن شاء الله لو خلصوا ♥.♥

TROPL CORAL&ROCKSTAR PALETTE

من الأشياء اللي تفك أزمة ب شكل♥!!!!

يلله نعرف عنها بالتفصيل $:!

TROPL CORAL

من أفضل البوكسات من بنيفت *BENEFIT*

أحبّه جداً,يفك أزمة..يخدم حيل ب كذا شي

الحلو فيه إنه في مراية+يدخل الجنطة عادي+حجمة صغنون ومناسب

يروح معانا إي مكان والبوكس نفسه فيه هالأوراق المبيّنه بالصورة أو الطرق المناسبة $:

< ماعرفت شنو الكلمة المناسبة هههههه p:!

*لحد يسأل وين فرشة البلشر هههههه*

صورتها قبل ما القاها سوّ طنشو المكان الفاضي $:

هالبوكس مثل ما انتوا شايفين فيه كذا شي بططططططل

♥.♥

إضاءة+مُورد+بلشر+قلوس♥

يخدم جداً للمكياج الخفيف أو النهاري أو حتى الميك أب الثقيل♥

يكمّلون التغطية..حلو للمكياج الصيفي بعد 

أحب هالاشياء الخفيفة خصوصاً مكياجي دايماً خفيف إلا بالمناسبات الكبيرة D=

يساعدون ب شكل . . و يعطون طلة كيوت♥

HIGH BEAM

من الإضاءات السائلة اللي اعشقها ب شكل ♥.♥

. . الحلو فيها إن تغطيتها حلوه+كمية صغيرة منها تكفي+صغنون ينحط ب إي مكان♥

فرشتها حلوة . . لونها أحلى♥

مدري شلون صاير صراحة ههههههه

تحسينه صدفي على وردي فاتح على سلفر . . لونه غريب♥!!

ممكن تستعملينه ب كذا مكان بعد تغطية الفاونديشن أو الباودر

ممكن على عظمة الخد أو تحت الحاجب أو على عظمة الخشم xD

طبعاً المقدار على حسب . . ممكن 3 نقطات على عظمة الخد أو ب نقطتين تحت الحاجب و الخشم♥

الحلو ب لون الاضاءة أن مو قوي حيل . . يبرز المنطقة ب شكل حلو و ناعم

و ممكن لو الميك اب للمناسبات الكبيرة أو حبيتوه فخم

نخلط الاضاءة مع الفاونديشن . . همّ تعطي طلة غير و حيوية أكثر ♥.♥

سواتش له :

♥.♥

CHA CHA TINT

المُورد الكيييييوت . . أقرب كلمة ممكن توصف هالمنتج من بوكس تروبل♥

من أذكى المنتجات من بينفت . . لونه حلو مشمشي و صيفي أكثر شي ♥.♥

يعطي حيوية ماحصلتش < من الحماس قلبت هههههههه $:

مُورد للشفايف و للخدود . . من جربته أحسّ ما كأني حاطه شي ابد

بمعنى ثاني هههههههه , ماكأنه بلشر ولا كأنه قلوس و لا حُمرة

مُورد يحل محلهم كلهم ♥.♥ . . لونه حيويّ مثل ماقلنا + صيفي+طبيعي

يساعد على تغطية البلشر أكثر و يثبته . . ويحل محل الحُمرة بعد أو القلوس $:

يساعد على طلة خفيفة و حلوة♥

و جميل جداً للصبايا اللي توها مبتدئة للميك أب,راح يساعد جداً♥

سواتش له :

♥.♥

CORALISTA

قلوس صغنون يجنن♥ . . لونه مشمشي عجيب ♥.♥

يكمّل الطلة ويعطي الشفايف لون كله حياااة ♥.♥

. . . ريحته حلوة+لونه خفيف وكيوت ,حسيت أن عطى شفايفي إمتلاء

ما أدري لو فعلاً يعطي الشفايف امتلاء أو ممكن من اللون الطبيعي أكثر!

ولا ننسى البلشر المشمشي الكيوت,يكمّل الطلة بعد و يعطي حيوية للخدود D=

خذيت البوكس من سيفورا الافنيوز ب 10 اعتقد $:

سواتش له:

♥.♥

ROCKSTAR PALETTE

من أحب الباليتات على قلبي . . طبعاً الباليت من ماركة ذا بالم اللي تجنن♥

كل الألوان اللي فيه .. من آي شادو ,إضاءة,بلشر,حُمرتين ♥.♥

خل نشوف الألوان و التفاصيل $:

*طنشوا ان رايح فيها الباليت هههههههه*

كليته شكلي $:♥

. . . من الألوان اللي أحسها من أهم ألوان الآي شدو

ممكن تشوفون إن ألوان آي شدو ممكن تكون شويّه بالنسبة للباليتات الثانيه مثل نيكيد

بس لو ركزنا شويّ بنشوف أن الألوان قوية حبتين فممكن يبقى عندنا لمدة أطوّل

و نستفيد منه بشكل أكبر بالمناسبات . . أو حتى بالزوارات الخفيفة♥

متنوعة بين ألوان مات وألوان مخملية و قليتر خفيف

الحلو بالباليت أنه متنوع كثير . . و الألوان ممكن من أكثر الألوان اللي نحتاجها♥!!

و اللي حلو بعد بالباليت المراية على شكل قلب كيوت *اقصى اليمين $:*

من أهم الاشياء اللي تساعد على انتشار الباليت و استخدامه هو المراية و فكرة ذكية خذتها ذا بالم 

مثل غيرها من الماركات!

سواتش للآي شادو :

♥.♥

البلشر لونه قريب للقلب♥ . . بنك يآخذ العقل♥

مُناسب لأغلب اللوكات ودايماً يكون الخيار الأول أو البديل ل إي لون ثاني♥

حبيت هاللون من هالباليت تحديداً ودايماً استخدمه (♥) !

و الاضاءة الصدفية الجميلة . . لمعتها جميلة و أحسّها تصلح ل لوكات المناسبات♥

ثباتها يجنن,ما احتاج أرجع أحط منها بعد كذا ساعة إلا نادراً

و الحُمرتين ألوانها جميلة . . كرزي تقريباً و لحمي♥

و يصلحون ايضاً ك بلشر كريمي بس ماجربت صراحة ولا اتخيل لون كرزي على خدي ههههههه

سعر الباليت ب 12 , و خذيته من مركز التجميل ب جمعية الشامية

سواتش:

بعض اللوكات ♥.♥

و حصلت فيديويّن جميلين $:

و

♥.♥

نروح للأشياء البطلة الثانية من مُفضلات الميك اب♥

من الألوان و الماركات اللي أتعب و انا اقول تجنن . . تآخذ العقل . . تهبل . . اللي شقول عنها بس :(♥

هاللون تحديداً من الألوان اللي مستحيل ما أحط منها ب الاسبوع مرتين ثلاث

لدرجة ممكن احط منه و امسحه عشان اتوضى و ممكن ارجع احطه مرة ثانيه و جنه العيد هههههههه

جد جد أتعب و انا اقول واو و واو واو :((((♥

خلوني اعبّر شوي بس :(♥

تكلمت عنها من قبل بمفضلات يونيو أعتقد :$

بس ما اتوقع وقتها اني تعلقت فيها بهالشكل هههههه

هاللون من أحلى درجات البنفسجي . . ماكنت احب البنفسجي حيل

بس هاللون حببني ب البنفسجي غصب♥♥♥♥♥♥

من ماركة برجوا . . سعره كان ب 4 اعتقد

رقم الدرجة : 5901 . . ينشف ب سرعة و يكفي طبقتين ما احتاج أحط أكثر

حسيت ان فتح ايدي ماغمقها مثل كذا لون D=

*سنتر بوينت*

سواتش :

♥.♥

آي لاينر من ماركة ريميل

شقول؟ شحجي؟ ♥♥♥♥♥

على كثر ماجربت آي لاينرات < حلو الجمع ههههههه

على كثر ما ارتحت إلا لهذا . . سواد + ثبات 

فرشته؟ من أجمل الفرش اللي ماتعبت و انا ارسم ابد

تنحني معاي ب الزوايا و الحلو فيها أنها تعرض لي بسهوله 

و ماتخليني حيل أركز مثل الفرش الضعيفه أو الرفيعه حبتين

أتوقع تكلمت عنه من قبل بعد $:

بس لا مانع من إني اتكلم عنه مرة ثانيه P;

استعملت من قبل ماركة محمود سعيد+ذا بالم+برجوا

بس مافي شي مثل هذا ابد ابد! ♥♥♥♥

اذا كان عندي مشوار سريع أو ماعندي وقت للتركيز وجذي

يكون الخيار الأول و ياكثر ماتصير يعني هههههه xD

سعره ب 3 اعتقد . . سنتر بوينت ايضاً♥

ماسكرا بينفت♥

. . تكلمت عنها أهني

هاذي ثانية وحدة خلصتها ههههههه,حبيتها جداً

و يعجبني انها كريمية . . و ما أحس أن على رموشي ثقل مثل ماتسوي الماسكرات الثانيه

طلوا على البوست اللي كتبت عنها من قبل $:♥

فرشة بلشر أو كونتور من ماركة ريل تكنيك

من أفضل الفرش بمجموعة فرش الوجه♥!

. . . الحلو فيها ان ممكن تنحتين فيها وجهج ب الكونتور أو ممكن تستخدمينها بتغطية البلشر

الكونتور ماني معاه و لا حاولت اعرف شلون $:

بس إن شاء الله اتعلمه لأنه عجيب و حبيته جداً♥

استخدم هالفرشة للبلشر . . عجييبه!♥

على كثر ما استخدمت فرش من قبل للبلشر,ماحسيت بفرق إلا مع ريل تكنيك

بيّن اللون معاي أكثر . . و الفرشه صغيّرونه بالنسبة لفرش البلشر

و حسيتها مناسبه جداً♥

عطر 212 . . من العطورات اللي ناشبه ب حياتي و بتظل ناشبه ههههههههه

عطر فخم,مهما شريت من عطورات ممكن ريحتها تكون أحلى منها

بس ما اشوف أن في عطر ثباته مثل ثبات هالاختراع هذا!!!!♥

خامس عطر اشتريه يمكن أو سادس ♥.♥

على ان العطر مو جديد . . بسنه 2012 اعتقد , قبل سنتين يمكن

بس اشوفه أفضل من العطورات الجديدة حتى ♥♥♥♥♥

تكلمت عنه ب أول بوست *لحد يروح يشوفه مدري شكتبت ههههههه*

ثبات . . فخامة . . ريّحه و لا أروع

ما احتار ارشه حق ليش, من كثر ما احبه ساعات ارش منه و اروح انام ههههههه

عندكم هالنوع من العطورات اللي ودج تنومينه معاج حتى xD؟

مرطب ايفين للبشرة المختلطة

. . من أفضل المرطبات اللي جربتها♥!

على انه ثقيل شويّتين بس يرطب من قلب , مستمرة استعمله من سنة تقريباً

مرتاحه له كثير,بس عيبه انه يخلص بسرعه /:!

و ماله علبة أكبر . . ساعات اضطر أشتري منه اثنين احتياط

بس يظل الأفضل عندي♥

سعره ما اذكر $:

جنطة صغننه من روبيرتو كفالي♥

. . جتني هدية مع عطر روبيرتو وصارت من أقرب الجناط على قلبي♥

أحبها جداً, على انها صغيره و ممكن تشيل اشياء بسيطة بس ستايلها يعجبني 

و الوانه قريبه من جناطي كلها xD < لازم تطقيم ههههههه

لا مو لازم تطقيم بس حلاته يكون متقارب شويّه $:

العطر شريته من لندن..ف مادري لو يعطون اهني مثلها أو لا $:♥

PARFOIS BAG $:♥

. . من أجمل المحلات اللي أحبها و اللي قريبة من قلبي♥

و اللي لازم و انا مارة المجمع اللي يكون فيه أمرّه اشوف شمنزلين حتى لو مابي اشتري xD

. . كثير جناط شريت منهم بس هالجنطه مادري ليه حبيتها وعلّقت عليها هالكثر

ممكن عشان لونها اللي ما التزم معاها ب اي شي أو لبس مُعين $:♥

الحلو فيها أنها كبيره . . ووسيعة و الخيار الاول لو ابيها للكلية♥!

و الأحلى انها كروس,و مريّحها ب شكل , اللي موحلو بهالمحل ان جناطه ثقيله حبتين

حتى لو ماحطيتي ب الجنطة شي بس مع هالجنطة تحديداً ماحسيت ب الثقل مثل باقي الجناط

. . لازم تتأكدين من هالناحية,لا تقولين وزنها اوكي وهي نص ونص وتاكلينها نفسي ههههههه

لان لازم تخف خفيفه حيل عشان لما تحطين فيها شغلج ماتتضايقين♥

ممكن اللي كتبته عن هالجنطه مايفيد لانها مو ماركة ادري ههههه,بس عادي اني وي يعني xD

الحلو بهالمحل بعد ان اسعاره مناسبه للجميع ^.^

فروعه الافنيوز-الكوت وغيرهم

:

و بجذي خلصنا البوست :$

. . سامحونا عالقطاعة♥ + نحتاج اقترحاتكم و افكاركم للبوستات الجاية♥

خبروني شنو ودكم أتكلم عنه؟ وانا حاضر :$♥

ولا تبخلين علينا ب رأيج . . يهمني جداً♥.♥

لا تنسون تشتركون بالمدونة عشان يوصل لكم كل جديد♥

و اللي حابة تتابعني ب إنستغرام أو تويتر تحصل الأكاونت على يمين الشاشة :$

و شكراً عفواً♥

4 comments reviews