مُشترياتي من دُبي♥ :

السلام عليكم و رحمة الله و بركاته♥ مرحبآ حُلواتي :$♥ < متعوب عالكلمة xP

. . هالبوست أحسّه من أكثر البوستات اللي توّنس و حلو إن تعطي خيارات للي حاب يروح بلد معيّن

أو ممكن تكون متوفرة ب نفس البلد اللي هم فيه♥

توني راجعه من دبي من أقل من اسبوع و كانت سفرة ممتعة جداً على إنها زحمه حبتين مو حبتين أكثر والله هههههه

 الله يتمم عليهم♥ و عقبال بلدانا العربية تكون جذي متطورة في كل مجال♥

سفرتي هالمرة ماكانت لهدف التسوق . . أغلبها تمشي و تغيير جو بعيد عن المولات هههههه

بس طبعاً لازم نمّر مانستغني $:

المولات اللي مريتها بس *دبي و إمارات مول,فيستيفال ستي D=*

دبي و إمارات فُل الفُل . . فيستيفال حبيته أكثر! هادي و فيه محلات تقريباً مثل دبي و امارات مول

سيفورا و 21 فورإيفر..اويشي و كثير♥!!

و حلو بهالمجمع إن فيه سينما+كافيهات عالبحر+ألعاب عالبحر تناسب الكبار و الصغار♥

حبيت أعطي فكرة أوليّه لو في أحد بيروح قريب أو حاب يفيد أحد :$

يلله نبدي بالبوست p;

كنت حابة جنطة جديدة و احترت بين مايكل كورس و جوسي♥

بس طاحت عيني على محل جوسي و انا افتر حبتين . . قلت خلاص تبيني و ابيها :$♥

مارديتها ابد ههههههه

ترتتتتتاااااا ههههههههههه :$

♥♥♥♥♥♥♥♥♥♥♥♥♥♥♥♥♥♥♥♥♥♥

حبيتها جداً من شفتها أول مرة..أصلاً يمكن اسرع جنطه اشتريها ههههههه

هاللون تحديداً عشق!♥

ماعندي مثل هاللون ابد,وكنت مخططه لو حصلت مثل هاللون او مقارب له ب آخذها سيده :$

و اللي شدّني أكثر فيها .. كروس صغنونه حبتين , لا حتى مو صغنونه ههههههه

حجمها مناسب جداً . . متوسطه تقريباً♥

حسيتها عملية و ذربه و ممكن تكون مناسبه لزيارات خفيفة♥

صورة أقرّب :$♥

. . حسيت قصة الجنطة مو تقليدية,مثل ماتكون احياناً مربعة,مستطيلة 

حبيت لوقو جوسي بعد♥♥ . . و النقشات اللي تجنن عالاطراف جايه بشكل حلو جداً♥!

حجمها من داخل حلو..ماهو كبير و لا هو صغير

مناسب لأشياء بسيطة, بوك ممكن و عطر تمتلي الجنطه D:

مو عميقه حيل, بس بالنسبة لحجمها الخارجي جداً مناسب♥

و الحلو فيها بعد أن لو حطينا فيها اشياء واجد ماتبيّن من برا, مثل ما احياناً نضطر نحط كل شي فيها هههههه و تكون مبيّنه ان متروسه :$

بس لا . . حسيت هاذي تخشّ شويّه P:

صور ثانية :$♥

تفاصيل الجنطة :

* سعرها بالدرهم : 999 درهم تحديداً :D

* نظامها كروس و لها شكل ثاني بالمحل♥

* محل جوسي . . امارات مول تحديداً

* لونها بنفسجي عجيب♥ . . في منها أسود بذهبي♥

:

♥

أحد يقدر يدش محل جوسي و مايطلع حتى ب سوارة؟♥♥♥

. . ماكان في سوارات حلوة عندهم للأسف D:

ما أدري ممكن عشان مهرجان دبي؟

بس ماحصلت سوارات تاخذ العقل مثل الايام العادية

حصلت عادية ب شكل و باسعار ماتسوى D:

ليما طاحت عيني على هالشي♥♥♥♥♥

حبيييييييييت♥!

 

صور أقرب♥

. . حسيتها كيوت و قريبه للقلب $:

خصوصاً فيها اشياء صغننه يحبونها بنات العالم ههههههه ♥

حبيت لونها . . الذهبي اللي يهبل♥

و الحلو فيها بعد ان الحُمرا مثلاً لون غير . . و الخاتم لون غير بعد

ف معطيه شكل ب اختلاف الالوان < فهمتوا شي؟ ههههههه

المهم اللي كنت بقوله ان معطي مكس جميل و حلو و نايس و كيوت < :$

حبيت شكلها على ايدي و دايركت خذيتها :$♥

سعرها : 450 درهم♥

:

حصلت كاونتر جوس ايبر بالصدفة ب ستي سنتر الديرة♥

. . و تذكرت ان استريتي قرب يعطيني عمره ههههههه

كانت ماركته بانسونك . . صعب بالاستعمال,و يزّهق الواحد -_-!

و قلت حان وقت التغيير هههههه,صبرنا بما فيه الكفايه D:

شفتوا شكثر كيوت؟

ينوكل من الكاوته اللي هو فيها هههههه :(♥

شدّني لونه جداً . . فوشي المحمر

و انا إنسانه أعشق الألوان ♥.♥

. . حسيته يناديني من بعيد يقولي تعالي ههههههه

طبعاً عقب ماشريته استغربت نفسي ليش شريت هالحجم :|

بس جربته حسيته أرحم من استريتي القديم D:

و حسيت حلو حق القذله+أقدر اسوي فيه ويفي و كيرلي و حركات يعني ههههههه

مع ان كان ودي بالحجم الكبير بس مدري شاللي ردني $:

عموماً التجارب كفيلة بكل شي هههههه

حسيته سهل بالاستعمال . . مايتعب, ينحني بشكل سلسل♥

و حجمه يجنن, يدخل الجنطه لو رحت لمناسبه معينه و احتاجه ♥.♥

سعره : 250 درهم♥

سيفورا كان له نصيب الاسد على قولتهم ههههههه

. . من أكثر المحلات اللي لو أروح مليون محل ألقى نفسي راجعتله♥

أعشقه عشق!♥

من أحلى محلات التجميل ب الدونيا . . و احس اسعاره "اشوه" من غيره P:

متعوب على اشوه ترى :$

نبدأ بماركة اربن ديكاي ♥.♥

. . من أول استعمالي لنيكد قبل سنتين و انا معلّقه عليها هههههه

كل ما امرّ سيفورا لازم لازم امر اشوف شالجديد عندهم♥

و القى نفسي اجرب منهم كل شي و اطلع هههههه

حبيت هالباليت من فترة . . من كذا ارتست اجنبيه باليوتيوب♥

ألوانه "تخبّل" على قولة اخواننا الأماراتين :$

عليه مدح مو طبيعي . . و أشوفه متكرر ب كذا بوست ب كذا بلوق و ب كذا اكاونت ب انستغرام حتن

قلت لازم اجرّبه بنفسي و أحكم♥

الوانه بعيده كلياً عن باليتات هالماركة♥

. . و متنوعة بين المات و القليتر و المخملي اذا ماخاب ظني بالكلمة :$

و الحلو فيه أن فرشته جميلة . . و تشابهه فرشة نيكيد2♥!

بعض اللوكات عن ألوانه♥

سواتش من النت :

حسيت ألوانه حيّويه . . مو إعتيادية و منوعة

و تفتح خيارات واجد ل كذا لوك , منها السموكي و غيرهم♥

سعره : 220 درهم اتوقع :$

برايمر اورجينال للآي شدو . . استعملته من قبل مع باليت نيكيد1♥

حبيته حسيت يثبت الآي شدو أكثر من غيره

. . مع إني استعملته قليل لان كانت عبوته صغيره D:

بس قلت يستاهل أجربّه اكثر♥

خصوصاً جربت بينفت وماعطاني نتيجة أقرب من تكون ممتازة يعني :$

مكتوب عن منتجهم استعماله قبل الآي شدو عشان يثبته أكثر

+ يطلّع الوان الاي شدو أكثر . . و كاتبين أن ثباته 24 ساعة!

شرايكم فيه؟ :$

سعره : 90 درهم

سبري مثبت الميك أب

. . قبل ما اطلع تذكرت ان كنت ابي مثبت ميك اب :$

و سألت موظفة سيفورا شنو في ماركات للمثبت

ماكان في آربن ديكاي . . و قلت أكيد بيكون حلو مثل ربعه الباقي ههههه♥

ماكان عندي اي خلفية عنه..وكيف استعماله و ثباته

نرجع و نقول التجربه خير برهان D: 

سعره : 127 درهم

نجي لمنتجات سيفورا الخطيرة ♥.♥

كنت محتاجة مقوي أظافر..خصوصاً هالفترة بالذات تتكسر اظافري بسهوله و جنه العيد :(

< سهوله و جنه العيد؟

ماعلينا :$

سألت عن مقوي الاظافر لو عندهم سيفورا
و قالتلي الموظفه عن هالمقوي . . قبل صبغ الأظافر طريقته♥
يحمي + يقوي ♥.♥
سعره : 45 درهم

اللون المفقود من فترة طويله ههههههه
. . هالدرجة بالذات كنت ادورها من زمان و حصلتها بالصدفه
و يازينها من صدفه ♥.♥
كنت حابه عنابي لونه مو غامج . . مايسمّر ايدي
أحسّه زاهي على قولة امي ههههههه
. . . جربته لي الموظفة على اظافري كلها
حبيته قد الدونيااا ♥.♥
ماسمّر ايدي مثل الدرجات الثانيه, لونه كان خطير
لا هو كرزي و لا عنابي غامج و لا أحمر♥
رقمه : L43
سعره : 48 درهم
للأسف ماحصلت سواتش للدرجه :(

:

قلم الفرش اتوقع هههههه
ماحصلت له كلمه مناسبه :$

أول شي كنت كاتبه تعبير . . بس طار
و طارت تير ر ر ن . . ثم طاررررت ههههههه
هالشي حبيته جداً جداً . . كنت حابه اجرّب فرش سيفورا
اللي عليها مدح مو صاحي هههههه, فكنت حابه آخذ مجموعة فرش العيون كاملة
بس ماحصلت للأسف, تنباع كل فرشة لحالها
حبيت فكره قلم الفرش . . حسيته عملي ومميز و ينعرف مابين الفرش كلها :$
كل ماحبيت استخدم فرشه معينه بس ابدل مكانها و تمام♥
. . حبيت ملمس الفرش,ناعمين و حسيتهم راح يطولون معاي عكس الباقي
أكثر فرشه حبيتها المشطوفه,حسيتها سهله بالاستخدام و أقدر استخدمها بالآيلاينر
و رسم الحواجب بالبودر♥
سعره للأسف مو متذكرته :(
"كنت محتفظة بالفواتير عشان اكتب الاسعار بكل دقة,بس للأسف فاتورته بالذات ضاعت ههههه"
بس مو غالي كلش :$ يمكن 50 درهم♥
الحلو بعد فيه إن مكتوب خلف كل فرشه . . نبذه عن الفرشه و شنو استخدامها بالضبط♥

نجي لباريس غاليري الجميل♥
. . هالمحل بالذات إذا دخلته ودي آخذ كل اللي فيه هههههه
خدمة الموظفين عندهم بفاستيفال دبي بالذات عجيبه!
أكثر من موظف و موظفه تمّوا معاي ليمّا طلعت . . هو طبعاً اول شي حسيتهم نشبه ههههه
خصوصاً بالموظفين ما ارتاح اسأله عن ميك اب أو شي , مايفيدني أحس D:
مع انه العكس تماماً,يعرفون أكثر مني و منكم ههههههه

كنت حابه منتج يخفي لي عيوب البشره من آثار حب الشباب اللي احسها واضحه على بشرتي
و اللي ممكن يبيلها فترة طويلة تروح D: , و كنت حابه توحيد أكثر♥
جربت برايمر جفنشي من قبل و للأسف ماشفت منه إي نتيجة
حسافه فيه الـ15 دينار!
مريت على كذا ماركة بهالمحل, و كنت محتارة جداً
بس قلت مالي غير ميك اب فور ايفر♥
هالماركة بالذات ماتحسفت إني شريت منها ابد . . حبيت منهم الفاونديشن
و قلت اكيد البرايمر مع هالفاونديشن بالذات راح يكون واو!
خصوصاً منتاجتهم وحده,وأكيد راح يطلّع فرق أكثر من ماركة ثانيه
شرحت للموظفه مشكلتي بالضبط و رشحت لي هالمنتج
و اهم شي فيه إنه "فُل كافر" . . تغطية كاملة و هذا اللي حبيته فيه تحديداً
و الحلو فيه بعد إنه درجات,ماهو اللي جربته من جفنشي كان لونه أزرق!
خذيت افتح من بشرتي بدرجة,حسيتها تناسب أكثر
خصوصاً انها تغمق عالبشره بعد دقايق
فماحبيت أغمق من بشرتي أكثر♥
إن شاء الله من اجربه اكثر و احصل نتيجة راح اكتب رأيي بإنستغرام♥

سعره : 120 درهم

نجي للأشياء البطططططله ♥.♥
. . أزرق يا أزرق♥

هالعطر كان بخاطري من قبل لاينزل عندنا بالخليج♥
حسيت ريبيرتو كفالي خلاص صارت ماركتي المفضله من بد كل الماركات♥
ماركة فاهمتني ♥.♥
طوّل حيل على مانزل عندنا . . كان نازل ب اوروبا من 6 شهور أو أكثر يمكن!
ريحته؟ خيااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااال♥
< متعوب على الـ ااااااااااااااا ههههههههه
صج صج صج صج أكثر من خيال
يعني شقول عنه؟
ريحه ولا أروع . . ثبات فضيع!
تحسين من ترشينه ودج تصرخين " الللللللله "
< شفيني تحمست حيل؟ :$
عموماً . . ما أقدر أوصف هالعطر بالذات♥
من تمرون من سيفورا لازم تشمونه ب نفسكم :$
هو صج ليه يعني مايصير نشمم اللابتوب العطر أو نرش عليه
و كل من يفتح البوست نخليه يشم ريحه حلوه نفس جذي :$
ليه ياليابان ليه هههههه :|♥
تختلف ريحته حتى عن اللي قبله و عن اللي بعده♥


سعره : 360 درهم♥

تحمست عليه من شميت هالعطر ♥.♥
مادري شفيني فصلت على شانيل هههههه!
عطر للشعر . . حبيته من شانيل حيل♥
ماعمري جربت عطر فرنسي للشعر,غير الخمريه وهيك
بس اكيد راح تكون تجربه حلوه معاه♥
خصوصاً ريحته قريبه من القلب . . سويت ♥.♥

سعره : 220 درهم



الاسعار بالدينار الكويتي :

* جنطة جوسي كتور : 75 دينار
* سوارة جوسي كتور : 35 دينار
* إستريت جوس إيبر : 23 دينار
* باليت vice2 : 20 دينار
* برايمر اربن ديكاي : 6 دنانير
* مثبت الميك اب من اربن ديكاي : 10 دنانير
* مقوي الأظافر من سيفورا : 4 دنانير
* صبغ الأظافر : 4 دنانير وربع
* قلم الفرش من سيفورا : 5 دنانير
* برايمر ميك اب فورإيفر : 10 دنانير
* عطر ريبيرتو كفالي : 30 دينار
* عطر جانس من شانيل : 19 دينار


و بجذي خلص البوست :$ . . يارب أكون افدتكم لو شويّ
لا تنسون تشتركون بالمدونة عشان يوصل لكم كل جديد♥
و اللي حابة تتابعني ب إنستغرام أو تويتر تحصل الأكاونت على يمين الشاشة :$

أذكروني ب دعوة♥

3 comments hauls