. . كلام من القلب♥ *شويّه سواليف*

السلام عليكم و رحمة الله و بركاته♥

شلون الجميلات؟ ♥♥♥♥♥♥

طبعاً ادري الصورة مالها دخل بالموضوع ههههههه

بس دايماً أحس جني قاعدة معاكم فعلاً ب قعدة جميلة جذي و نسولف عن كل شي♥!!!

تسعدني أرائكم دايماً و اتمنى لو احدث فرق لو بسيط بحياة أحد♥!

كثير مرات نحس نفسنا سلبيين..نطالع الحياة بنظرة سوداوية,بسبّة موقف بسبّة شخص بسبّة اي شيء كان

و كثير مرات مايهمنا اي شي . . و نقول "يالله هاذي الحياة مافيها راحة"

طبعاً هالحياة مافيها راحة مُطلقة لكن مو معناته نعيشها بسلبية و بتكديرة حال مهما صار!

كلنا نمر بظروف . . قاسية كانت أو لا

كلنا تحصل لنا مواقف . . مواقف محرجة مواقف مؤلمة اياً كانت

مو عيب نتألم, ولا غلط . . مو عيب نتعلم من اخطائنا , هذا الصح!

كلنا نحس و كلنا نتألم وفي منّا اللي يتعلم من اخطائه . . لكن مو معناته إن نحوّل حياتنا إلى كومة سلبية لا تُطاق

انا عن نفسي؟

تصير لي مواقف,يخيب ظني بأشخاص كثير . . أمر بظروف,تتعكر نفسيتي

بس باليوم الثاني؟

ألقاني إنسانة غير . . متفائلة أكثر . . متيقنة إن الحياة مثل مافيها اشخاص سئيين فيها اشخاص ينحطون عالجرح ويبرى♥!!!

تغيّرت صداقاتي,أكره إن ابني علاقة صداقة أو حتى زمالة ب طاقة سلبية

. . لانها لو انبنت على هالطاقة, راح تأثر حيل فيننا!

كلنا نتأثر,و بالذات لو كانت علاقة صداقة . . لو بنسولف عن موقف حلو صار لنا لشخص ثاني "يفكر بطريقة سلبية حتى لو كانت شويّه" بيطلع ألف سلبية و سلبية بهالموقف, يمكن يكرهك بالساعة اللي سولفت فيها هههههههه

و هالفئة منتشرة كثييييييير!!! . . بشكل لا يُطاق

لو قلنا فكرة جميلة بتسوي فرق كبير . . همّن بنلقى رد "ماله داعي\مو خوش فكرة\مو لازم"

حلو نتبادل الاراء,حلو تقول لي وجهة نظرك . . بس مو معناته تحاول تأثر فيني إني اغيّر نظرتي للموضوع

يكفي " انا نفسي " مقتنعة بالموضوع

اياً كان الموضوع . . حتى لوكان بسيط جداً

حتى لو كان تغيير بسيط بالغرفة . . تغيير بسيط باللبس , إي موضوع كان xD

. . . . أكره التحطيم . . اكره كلمة "لو و لو و لو و لو"

أكره الناس اللي تقوّل هالكلمة . . لو صار جذي جان جذي

اكره الناس اللي تظل بمكانها و بس تتمنى و هي مكانها واحد!!!

طيب كلنا نعرف ان كلمة "لو تفتح عمل الشيطان" و كلنا نعرف ان هالكلمة بالذات تجيب سلبية لا تُطاق

طيب ليه مانحمد ربنا دايماً بدال مانقول هالكلمة؟

و انا نفسهم . . كثير تطري علي هالكلمة,واعتبر هالشي فيني سلبية واعترف فيها

تطري علي كثير و اقولها كثير . . لكن القى نفسي اخفف منها عقب

و افكر بإيجابية أكثر . . و افكر  إن الحمدلله الله خلقني سليمة أهلي حولي حبايبي حولي و اقول "مالها داعي هالكلمة بحياتي♥!!"

لو بنقول هالكلمة كثير,ماراح ننجز شي . . بنظل مكاننا , لا بننهض بمجتمعنا و لا بنفيده ب ولا شي!!!

مانقول إن الحياة كلها إيجابية كلها جمال . . بالعكس الله خلق الايجابية و السلبية عشان تتزن الحياة

عشان يكون في توافق ب كل شي, الله خلق البراكين و خلق الثلوج . . شتان مابين درجات الحرارة لكن بدونها ما اتزنت الأرض

السلبية نعمة مثل ما الإيجابية نعمة , حلو نفكر بالامور السلبية بالموضوع مثل مانفكر بالامور الإيجابية

لكن لكل شخص مقياس . . في ناس تفكر بالامور السلبية أكثر من الأمور الايجابية

و هالشي بالذات يقتل جمال الموضوع,لازم يكون في إتزان بكل شي . . كل موضوع بالدنيا له حسنات و له مساوئ

لكن مو معناته "نتخذ المساوئ عذر بعدم تتميم الموضوع!!"

ياما مواضيع سلبياتها أكثر من ايجابيته مع هذا مشينا فيه لأننا حابينه . . و ياما مواضيع ايجابياته أكثر من سلبياته و همّ عطلناه!

كثير اسمع بنات. . "فلانه سافرت الديرة الفلّانيه و تذم بحظها :|" , "فلانه شرت هالجنطة و همّ تذم بنفسها :|"

. . لي متى بنطالع اللي عند الناس و ننسى الاشياء الجميلة اللي عندنا و اللي حولنا؟

لي متى بنكون "تافهين" , و نترك الاشياء اللي الله رزقنا اياها و مانحس بقيمتها؟

ماندري هالفلانه الله شخذا منها و شرزقها . . . ممكن حالتها أصعب منا و بطيب نيتها الله رزقها هالشي♥!!!

غلط نربط حالتنا النفسية بشي مادي . . غلط نقول لولا هالشي "كان مزاجنا مافيه أحسن منه"

لو سافرنا هالعطلة . . لو رحنا هالمكان . . لو شرينا هالشغله!

ما نختلف إن تغيير الجو شي هايل . . و يلعب بالنفسية لعب و يخليها توب التوب

لو حصلت لنا الفرصة ف شي جداً جميل!!

لكن المشكلة "لو ماحصلت" إهني تقوم القيامة ههههههه استغفر الله

*طبعاً انا اهني اوصف حالتي بالضبط و ما اقول إني كاملة بالعكس اقول هالشي عشان احسّن من نفسي أول*

. . شي حلو جداً لو نقول بإي شي ماحصل لنا حتى لو كان بسيط *الخيرة فيما اختاره الله*

يا الله شكثر راح تتغير حياتنا . . و تكون نقطة تحول هائلة!!!♥

حلو يكون عندنا حيز بحياتنا لمّا يتعكر مزاجننا نلقانا نروح له من غير حتى مانفكر شنو نختار♥

. . سواء كان شخص,كان مكان..كان هواية, إي شيّ يخلي مزاجننا أحسن و أحسن♥

انا لما يتعكر مزاجي و احس إني خلاص مو قادرة آخذ و لا اعطي مع اي احد

إلقاني رايحة زاويتي بغرفتي♥!! *جلسة مسويتها ومنزله صورتها بإنستغرام :$*

. . آخذلي شور دافي,اسويلي كوفي . . اروح لهالجلسة و ابطل اللابتوب, افتح فلم . . افتح فوتوشوب

افتح يوتيوب . . اشوف لقاءات سياسية,إجتماعية,برامج حوارية,إي شي ممكن يغير مزاجي و *استفيد اولاً و آخراً*

*الحياة تتطلب ذاكرة ضعيفة*

. . كثير نمر بمواقف ننصدم فيها,نحط فبالنا توقعات و تطلع لنا توقعات ثانيه تماماً

كثير نمر بمشاكل ممكن تكون متأزمة,كثير يخيب ظنا بأشخاص

هذي هي الحياة . . تجارب فتجارب فتجارب , و خيبة ظن و بنفس الوقت ممكن هالظن هو اللي ينتصر بالاخير *تدور كلمة مناسبه ماعرفت هههههه*

. . لولا نعمة النسيان جان ماقدرنا نعيش ولا لحظة, ولا قدرنا نتأقلم

حلو نقول لنفسنا مهما مرينا *لسى الحياة قدامنا,مستقبلنا أحلى*

حلو ننسى أو نتناسى إي شي يصير ف حياتنا . . و نبدي بيننا و بين نفسنا بداية و نتعلم من اللي فات

. . لان الحياة تتطلب ذاكرة ضعيفة,تتطلب مانثبت حياتنا عند نقطة معينة . . مانقول خلاص هاذي هي الحياة! لا!!

حلو نستمر فيها بروح حلوة . . نقول لنفسنا لسى قدامنا تجارب حلوة تجارب نستفيد منها و نتعلم♥♥♥♥!

. . حلو نذّكر نفسنا بأشياء خلقت لنا نقطة تحول كبيرة فحياتنا,حلو نملّي عقلنا و المكان اللي حنا فيه بعبارات كلها تفاؤل

مثلاً, الوورك بورد *لوحة الأعمال* . . مثل ماهو يكون نوتس تذكيرية . . نملّيها بعبارات تحفيزية نحفز فيها نفسنا و تكون قريبة كثير القرب لنا♥♥♥!!! *مثل الوورك بورد اللي حطيتها بإنستغرام :$ طلوا عليها♥*

لما مانتعكر عشان شي,لما مانطالع اللي عند غيرنا وننسى اللي بين إيدينا,لما نونس نفسنا بنفسنا

لما نغير جونا حتى لو كنا بالبيت,لما نحس علاقاتنا بالآخرين بحذر وبثقة *موعالية*,لما نتخذ الكتاب خير جليس

لما يزيد ذكرنا لربنا أكثر و أكثر . . لما نقوم الليل و ماننسى الوتر

لما نخلق جمال بحياتنا و ماننتظر أحد يخلقه لنا . . لما نعيش عشان نفسنا و عشان اهلنا أكثر من إي شي ثاني

لما نحدد هدف و ننجزه,لما نتفائل مهما تحبطنا, لما ننسى مهما مرينا من مشاكل و مواقف تعكر يومنا

جذي بس بتكون حياتنا ولا أحلى . . حياة مليئة بالإنجازات , كلها تفاؤل إيجابية♥♥♥

. . مافي شي مستحيل, غلط نملي حياتنا بكلمة *مستحيل* بإي شي 

مافي شي مستحيل!!!!♥

المستحيل حنا اللي نخلقه,مجتمعنا ممكن يخلقه و يخلي له مكان قوي بحياتنا!

يكفي يكون لنا هدف واضح . . نسعى عشانه و نعيش عشانه مهما تعبنا . . مهما كلفنا الأمر!!♥

الحياة لسى قدامكم . . كونوا متفائلين♥♥♥!!

كونوا شي إنتوا ودكم فيه . . مو غيركم!!

كونوا مُنجزين . . ياحلات الإنجاز!!!♥♥

يسعدكم ربي♥

5 comments talk