يلّا نجدد♥ . . شويّه ترتيبات♥ :

 

السلام عليكم و رحمة الله و بركاته♥

. . كيف الجميلات؟؟ ♥.♥

طبعاً مافي شي أحلى من التجديد و التغير . . و لا في أحلى من التغيير بالأثاث خصوصاً♥♥♥♥

يمكن انا اكثر إنسانه تغير غرفتها حتى لو ب شي بسيط هههههه

حتى لو شلت شمعة و نقلتها مكان ثاني P=

كان عندي قبل مكتب و حسيت إن ضيّق علي المكان خصوصاً انه كان على زاوية فـ صعب مكانه

نقلته لغرفة أختي و ظليت فترة من غير مكتب . . فقدت قعدته ب شكل ههههههههه

تذكرت إن في مكتب مُهمل ب الصالة , محد يستخدمه ابد

بس مشكلته لونه كلش مو لايق على لون اثاث غرفتي "ابيض" كان لونه بيج على خشبي

فـ قمت افكر شلون اقدر اخليه يكون متناسق مع ألوان غرفتي :$!!

طلعت بيومها لـ إيكيا و مابغيت اطلع طبعاً هههههههه عشق العشق♥♥♥

هذا اهوا المكتب قبل إي تغييرات . . لونه داش عرض من قلب هههههههه

و مشكلته إن خشب ايكيا ماينصبغ ابد!

حبيته لأن فيه استاند و هالشي راح يعطي شكل عقب مش طبيعي♥

غير جذي واسع . . أحب جداً الأشياء اللي تعطي مساحة و بنفس الوقت تعطي مجال لإي شي

خصوصاً انه مكتب و الوسع شي مطلوب "هالشي ماكان موجود بمكتبي القديم"

و الحلو فيه إن فيه ارفف داخليه و أدراج♥ فـ مكتب مية مية على قولتهم p;

كنت رايحة لإيكيا و انا حاطة هالفكرة ب راسي

إن اشتري نفس خامة ستارتي  تكون نفس المفرش للمكتب♥ . . عشان يكونون متناسقين مع بعض و بنفس الوقت نفس اللون

و نفس النقشة لإن المكتب مكانه على الدريشة نفسها♥ سعرها 5 دنانير تقريباً♥

ماكنت حابة اشتري اكسسوارات للمكتب واجد

حبيته يكون بسيط جداً♥

شريت برواز القلب الكيوت♥ . . مع الشمعدان أتوقع اسمه :$ حبيته صغنون و كيوت♥

الشكل الغريب اللي ورا هههههه شدّني بشكل!

جنه يقولي تعالي خذيني هههههههه ♥.♥

و قاعدة الصحون اعتقد كانت P: كانت ب قسم المطبخ شدّتني انها مخططه و لايقه على ستايل غرفتي جداً♥

و بوكسات كيوت حبيتهم للأوراق و الكتب و غيرهم من الأشياء♥

* الشمعدان أو شي هيك ههههههه سعره كان بـ : نص دينار

* البرواز بـ نص دينار

* الدُمية أو الشكل الغريب اللي قلنا عنه ههههههه "توهقت" سعره كان بـ 5 دنانير

* قاعدة الصحون أو الأطباق أيا كان :$ بـ دينار اعتقد

* البوكسات البنكية بـ 1,250♥

الشكل النهائي :$

♥♥♥♥

♥.♥

هالبراويز البلاك . . كانت هدية من صديقتي : منال♥

و لا في أحلى من إني احطها قبالي و على مكتبي و اشوفها يومياً ♥.♥

احبج يـ بنيه♥

على فكرة ترى اهيّا مصممة كييييدااا (Y)

نطوا لها بـ إنستغرام :$ (  @manalalshammeri )

أدري راح انزف من عقب هالكلام هههههههه . . بس اللي حابة تصميم أو شي خل تتواصل معاها عالايميل :$

< خقت ههههههههه P:

*ترتيبات أخرى♥*

حبيت هالشي من إيكيا . . تروللي التخزين♥

الحلو فيه إن يشيل من قلب القلللللبببب!!

4 باسكت . . و تروللي ,, و قويّة يعني تشيل ثقل عااادي جداً

ماعرفت ابد اركبها فـ استعنت ب ثرية خدامتنا . . و اشكرها جداً عبر هذا المنبر

< على أساس تشوف يعني هههههههه P:

الموهيم إن الأجودية ماقصرت ابد . . ركبته لي و تمام التمام♥

تسريحتي كانت مضايقتني حبتين ,, الأدراج خصوصاً و لما أبي شغله صعب احصلها بسرعة

فـ طلعت كل البوكسات منها و رجعت رتبتهم

بعد الترتيب ♥.♥

بـ أول باسكت . . حبيت يكونون الأشياء اللي احتاجها يومياً . . أو اللي احب يكونون قراب مني♥

فـ كانوا "الكريميات اليومية أو السكرابز وبودي سبري وغيرهم"

و طبعاً السحر الميك أ

بس الأشياء اللي استعملهم دايم :$♥

ب . . طبعاً مو هذيل كل مكياجي هههههههه

الباسكت الثاني حبيت يكونون للشور و لعطوراتي و قطرات العين♥

و شويّه كريمات استعملهم بعد الشور ♥.♥

طبعاً غير مثبت الميك اب و غسول الفرش p;

الباسكت الثالث . . حبيته يكون للكماليات مثل مايقولون ههههههه

باندات الشعر و اكسسواراته♥

و كفرات الفون "نص الكفرات يمكن هذيل ههههههههه"

و بوكس لشغلات البديكير و المنيكير♥

البوكس الرابع ماصورته :$ بس كان حوسه حبتين ههههههه

كان فيه بوكس للإستيكرات التاتو و الأظافر و رموش وغيرهم♥

سعر الترولي بـ 11 دينار♥

*تسريحتي♥*

هالصور سبق و نزلتهم بـ إنستغرام♥

♥

♥.♥

كثير منا عنده ميك أب مايدري وين يحطه

خصوصاً صبغ الأظافر . . ألوان مختلفة و بماركات مختلفة و بأحجام مختلفه

ففكرت بـ إستاند الكب كيك يكون كإستاند للصبغ أظافر و أشياء ثانيه ♥.♥

هالإستاند كنت شاريته من لندن من سنه تقريباً . . و مشكلته إن تدمر من الماي و مانشف ابد

فكلش ماكان حلو يتقدم فيه حلو أو كب كيك أو أي شي ثاني

فـ فكرت فيه إنه يكون استاند بغرفتي بدال ماينقط ♥.♥

طبعاً في بالأسواق الوان مختلفة و بأشكال تآخذ العقل "لحد يدقق على أشكال إستاندي هههههههه"

< لو ساكته أحسن :$$

"

و بجذي خلص البوست :$ . . يارب أكون افدتكم لو شويّ

لا تنسون تشتركون بالمدونة عشان يوصل لكم كل جديد♥

و اللي حابة تتابعني ب إنستغرام أو تويتر تحصل الأكاونت على يمين الشاشة :$

أذكروني ب دعوة♥

1 comment behappy