. . * روتين الليل "ماقبل النوم♥" :

السلام عليكم و رحمه الله و بركاته

. . . شلون الجميلات؟؟؟♥

< واضح ماخليت شي ماحطيته ههههههههه

مبلشه روتين من شهر تقريباً و ارتحت عليه جداً ♥.♥

مع اني اكره الروتين جداً و لا احب امشي يومي ب إنتظام او رتم معين

< هي رتم و لا رتن؟ ههههههههههه المهم وصل اللي ف بالي ادري :$

بس بالبيوتي تحديداً لازم روتين معين نمشي فيه عشان نحصل نتيجة ترضينا♥

اعتمد هالروتين قبل النوم تحديداً . . حتى اني ساعات من التعب احطهم ب الكوميدينا عند راسي جني عجوز هههههههه

اهم شي التزم :$

يلله نشوف التفاصيل♥♥ : 

نبدأ بالبشره $:

. . هالاشياء احب استعملها بالليل خصوصاً 

عشان تاخذ فعاليتها اثناء النوم اكثر و لا اتعرض للشمس و لا شي♥

فرشة كليراسونيك

توني شاريتها من اسبوعين تقريباً

بتكلم عن تجربتي طول هالاسبوعين..لأن طبعاً تو الناس على رأيي النهائي $:

شريت هالفرشه من مدح "الواو" عليها, من البلوقرز الاجانب خصوصاً

و عجيبه حدها بعد الميك اب "ودها تبجي :(("

امبيه حدي انصدمت بعد غسول بشرتي بعد الميك اب!!

مع اني مسحت مكياجي ب غسول بايوديرما . . بس كلش ماكان كافي

تفاجأت بكمية الفاونديشن و الباودر على البشره :|

ماكأني مسحت الميك اب ابداً 

ممتازه جداً بعد الميك اب!!!!

خل اتكلم عن بشرتي بعد استعمالها هالاسبوعين♥

. . . ب اول اسبوع كلش ماحسيت ب إحمرار و حسيت بنعومه فظيعه!!!!♥

و حسيت بشرتي نظيفه تماماً

بس بعد الاسبوع الثاني . . بلش الاحمرار يبين ,, و طلعتلي حبوب تحت الجلد :"(

استغربت حدي! المفروض الإحمرار عالاقل او حتى الحبوب تبلش تطلع بالاسبوع الاول

بس بالاسبوع الثاني؟ 

يعني ممكن اتقبل تبلش تطلع معاي من اول اسبوع لشهر بس جذي مدري هههههههه

استعملت الغسول اللي مع كليراسونيك ,, ماكان عندي إي خلفية عن هالغسول تحديداً

بس موظف سيفورا مدحه لي و قاعده اجربه هالفتره و يبين عقب معاي :P♥

عموماً . . البشره بعد هالاسبوعين نعومة نعومة نعومة!!!♥

و الاحمرار و الحبوب شي طبيعي بالبداية بس مع الاهتمام ب الكريمات وغيرها راح تخف إن شاء الله♥

شريتها من سيفورا الافنيوز بسعر 55 دينار

بعد ماشريتها و استعملتها تحسفت ماشريت فرشه البودي :|

فرق السعر بس 30 دينار!

حسافه من قلب هههههههه :"(

بالبوكس فيه فرشه اساسية للبشره الحساسه. . طيب ليه بس للبشره الحساسه؟ لانها راح تكون مناسبه لكل انواع البشرات

و خفيفه عليها , , و المكينه و الشحن♥

عمر الفرشه : 3 اشهر , نقدر نستبدلها بعدين ب نوع البشره الاساسيه♥

تفاصيل اكثر♥ :

"اللي مبطلين البوست بالفون راح احط الفيديو ب تويتر :$"

بعد استعمالي للكليراسونيك♥

استخدم هالمرطب البطل من مدة 3 شهور تقريباً ♥.♥

عجيب حده, خفيف عالبشره حيل♥

و ما احس اني حاطه شي على بشرتي كللش

يشابهه قوام مرطب ايفين♥

. . . منتجات بايوديرما كل مالها و تبيّن لي انها الافضل ♥.♥

العيب فيها ان هالعلبه ماتطول كلش,حدها شهر :)

و اسعار هالماركه كل مالها و ترتفع! عادي جداً اروح الصيدلية اشتري هالمرطب ب 4 دنانير

و لما يخلص اشتري علبه ثانيه و القاها ب خمسه :|

مادري شالموضوع بالضبط! يبيله اشتري درزن المرة الجاية ههههههههه

احب استعمله حيل بعد استعمالي للكليراسونيك لان احسه يبرد عالبشرة من قلب♥

بعد المرطب نجي للأشياء الثانوية مثل مايقولون P;

deakni♥

اللي صاير جنه مرهم *تحت :$*

هالمرهم اتعب و انا اقول عجيب عجيب عجيب!

وظيفته يخفي الحبه الكبيره اللي تطلع فجأه من الضغط او ساعات المود المش ولابد p;

طبعاً عقب استعمالي للكليراسونيك طلعتلي حبوب بكل مكان خصوصاً خدي

ف زاد استعمالي لهالمرهم . . صرفه لي دكتور الجلدية بس ماكنت استعمله حيل

لان اغلب اللي اعاني منها ببشرتي آثار الحبوب . . لكن مو فترة للثانية لازم تطلع مثل هالنوع من الحبوب

ف أفضل حل بالنسبة لي هالمرهم♥

صناعته كورية وماعندي علم لو موجود بالصيدليات . . لكن موجود ب عيادة الصالحية♥

ما اقدر اقول انه سحري خصوصاً ان الحبه الكبيره يبيلها يومين إلى ثلاثه ليما تروح

فادني بعد ب الحبوب الصغيرة اللي احياناً يكون مكانها ب الجبين او الجبهة p;

تكون متجمعة ب مكان معين . . فحده حلو و خففهم لي بظرف يومين

و لنتيجة أفضل طبعاً لابد من الاستمرار لحد مايختفون♥

سعره حوالي 8 دنانير

مرطب الشفايف من بايوديرما *فوق يمين*

شكثثثثر عجيب و يرطب من قلب قلب قلب :"(

كنت استعمل قبله مرطب ايفين حسيته دهني |:

ما كملت استعمله..صادف البيوديرما كان في عرض بصيدلية جمعية منطقتنا

بسعر دينار,, ف خذيت منه حبتين p;

الحلو ب هالمرطب تحسين ان شفايفج صج صج مترطبه

و مترطبه بمرطب خفيف.. مو مثل المرطبات اللي تكون ثقيله و ودج تمسحينه ههههههه

قرب يخلص و طبعاً من غير اي تردد راح اظل اشتري منه أكثر و أكثر♥

mavala

مقوي الرموش و الحواجب . . طبعاً هالمقوي غني عن التعريف

و الاغلب يعرفه إذا مو الكل p;

حسيت ب تحسن كبير ب رموشي بعد استعماله♥

خصوصاً رموشي كانت خفيفه و مو طويله حيل . . و كنت استعمل الماسكرا يومياً

ف صارت ضعيفه و تطيح من فتره للثانيه :"(

بعد هالمقوي حسيت ان صج صارت ثقيلة و قوية . . و كان في تجارب كثير لصديقاتي و يمدحونه

و لاحظوا الفرق من اول استعمال♥

التجارب كانت متعددة لما سويت سيرج . . في اللي لقوا فرق كبير بالبداية

و في اللي ظلوا يستعملونه ليما حصلوا الفرق اللي يبونه 

احدى التجارب♥ :

مثل ماهو باين . . رموشها كلش مو مبينه و ضعاف و قصار بس صج

فرق كبير! حسيت كأنها حاطه ماسكرا هههههه ماشاء الله

تجربه ثانيه :

اهني اللي صج صج وااااااااااااو :|

رموشها ماشاء الله قبل طويله بس ضعيفه . . طبعاً بعدها واضح حاطه ماسكرا

بس صج ب تعققققد p;

سعره حوالي 8 دنانير♥

نجي للأشياء الطبية يمكن ههههههه

طبعاً بعد ماصورت قلت شكو حاطه حبوب الكالسيوم بس يلله ابي تفيدوني :$

عندي نقص بالكالسيوم.. بسبب اني كنت اشرب واجد مشروبات غازية

فهالشي مع الوقت نقص من الكالسيوم,مع اني كنت اشرب الحليب بين فترة و الثانيه

بس ماكان كافي ,, و مع الوقت صار عندي الآم بالظهر و كله حاسه ب كسل بدني

و ان جسمي يعورني, و ممكن لو ما اهتميت راح يزيد نقص الكالسيوم و يصير معاي إنتكاسة :"(

الموهيم ان هالحبوب ثقيله حيل على معدتي! و لازم ما آكل معاها شي من مشتقات الحليب

ف اللي معاها هالشي و عندها حبوب خفيفة و مرتاحة فيها فيديني :$♥

blink♥

سبق و تكلمت عن قطرات الريفريش "البوكس الاخضر"

بس لقيت شي ابطل منها p;

هالبوكس حيل مناسب للي عندها جفاف . . او تعاني من إحمرار

او حتى تضايقها العدسات و تحس انها ثقيلة على عينها♥

حسيت انها خفيفه حيل معاي خصوصاً بعد ما احط العدسات..ترطب لي عيني

مع الجفاف اللي احس فيه بعد العدسات

طبعاً اتوقع الكل يعرف سالفتي مع العدسات الاخيره ههههههههه

حالة مأساوية p;

الموحلو فيها ان غطاة القطرة ماترد تتصكر مثل القرين بوكس /:

ف اضطر استعمل القطرة كلها عشان ما تتلوث و تضر عيني♥

زبدة الشيا♥

من أفضل أفضل المرطبات بالدنيييياااا

ما كنت احب استخدم هالنوع من المرطبات اللي يكون قوامها ثقيل

بس كنت غلطانه ♥.♥!!

أحب استخدمها بالليل.. و انام و انا احس جسمي مترطب♥

الحلو بهالزبدة ان من فوائدها تفتح الأماكن الغامقه بالجسم مثل الركب و الأكواع

فيزيد استعمالها بهالاماكن..و ياحبذا تستخدم مرتين باليوم p;

بس لان ما احس افضى الا وقت النوم ف اضطر استعملها مره باليوم

الحلو فيها بعد ان تنعم البشرة♥ . . و ترطيبها عميق جداً

لدرجة اقوم من النوم و انا احس ان جسمي مو جاف♥

و من فوائد زبدة الشيا بعد انها تجدد خلايا البشرة و غنية بفيتامين E

اللي يساعد على تفتيح المنطقة♥

< شلوني و انا اتكلم جذي؟ ههههههههههه

العلبة الكبيرة من l’occitane الافنيوز بسعر 12 دينار♥

و بالاخير عاد نرش لنا جم رشه عطر فكتوريا p;

و نشغل الشمعة ليما ندوخ و ننام $:

< ماله شغل هالفقره بس غصب بحطها ههههههههه

:

اتوقع كانت سواليف اكثر من انها فقرات مفيدة $:

< بتنطق p;

"

و بجذي خلص البوست :$ . . يارب أكون افدتكم لو شويّ

لا تنسون تشتركون بالمدونة عشان يوصل لكم كل جديد♥

و اللي حابة تتابعني ب إنستغرام أو تويتر تحصل الأكاونت على يمين الشاشة :$

أذكروني ب دعوة♥

2 comments beauty, reviews