dior BB cream review♥ . . بيبي كريم ديور♥

السلام عليكم و رحمه الله و بركاته♥ شلون الجميلات؟♥♥

طبعاً مثل ما اغلبكم عارف ان الفتره اللي طافت "هبوا الناس" بشكل غير طبيعي بالببي كريم

و انتشرت ماركات بدول مختلفه منها الكوريه و كانت من اول الشركات اللي نزلت هالبراند "غارنيه" 

و بوقتها كنت ف لندن و كان نازل الببي كريم هناك قبل الدول العربيه . . فجربته وقتها ماعجبني ابداً

ماناسب بشرتي كلللش،عطاها طله دهنيه لدرجه احس بشرتي جنه كاتين عليها زيت هههههههه

حيل كانت تلمع :"(

غير ان عطاني لون مو لوني ابداً ماكان في الا ٣ درجات رئيسية "الفاتحه\الميديم\السمرا"

فكنت ماخذه درجه الميديم و معطيها لون اغمق حيل من بشرتي!

عموماً فكرت بعدها ب ليش ما اجرب الببي كريمز من الماركات الكبيره!

فبديت ادور شالافضل♥

عموماً قبل ما نتكلم بالتفاصيل خل نعرف شنو هو اصلاً الببي كريم $:

بدايه الببي كريم :

BB cream

اختصار لـ " Blemish Balm Cream "

و هو كريم معالج للشوائب 

الببي كريم هو مستحضر غني بالفوائد منها ان فيه نسبه كبيره من الترطيب و يساعد على اخفاء مسامات البشرة الظاهرة و يعمل على تصفيه البشره من الآماكن الداكنه ليساعدها على الظهور بشكل صافي و كذلك البثور

و من فوائد الببي كريم ايضاً انه يحتوي على معامل وقاية من اشعة الشمس الفوق بنفسجيه و تختلف نسبه الوقاية من ماركه إلى اخرى و بعض المنتجات تحتوي على عناصر مكافحة للتجاعيد و تفتيح لون البشره

و غير هذا كله "انه فونديشن ب فوائد! عكس الفاونديش العادي♥"

نجي لببي كريم ديور

مقتطفات من النشره "الكريم يحتوي على واقى من اشعة الشمس بعامل حماية (SPF30)  ولاحتوائه على الهيدرا .. يحفز انتاج الخلايا وحمايه مضاده للأكسده"

بعد استعمالي له :

حيييل حيييل حبيته! الحلو فيه ان ناسب بشرتي و عطاها نعومه و اخفى لي مسامات خدي الواضحه حبتين 

غير جذي ان لونه جا بالضبط بالضبط نفس لون بشرتي و هالشي افتقده جدا بالماركات الباقيه! ♥♥♥

عطاني ملمس جميل حبيت بشرتي بعده . . و اضاءته جميله و تحسينه خفيف عالبشره

قوامه كريمي و تغطيته متوسطه ، يناسب جداً الطلعات الصباحيه او الدوام لان يعطي

البشره اضاءه جميله و حيويه بالصباح♥

استعمله للزوارات الخفيفه ، مايحتاج ابداً كريم مرطب قبلها او حمايه من الشمس لان غني بهالعاملين

و لا يحتاج كونسيلر و لا اي شي من الحوسه اللي يحتاجها الفاونديشن العادي

نوع بشرتي مختلطه و حيل ناسبها، ماعطاني الطله الدهنيه ابداً حسيت بشرتي فيها حيويه من بعده

و ماحسيت ان في شي ثقيل ع بشرتي او حتى اني حاطه شي اساسا :(((♥

الحلو فيه بعد ان مايقلب بشرتج رماديه مثل ما ممكن يسويه الفاونديشن العادي!

اقتصادي جداً جداً ضغطه منه كافي للتغطيه الكاملة، العبوه ٥٠ ممل

عكس الفاونديش العادي اللي يكون ٣٠ ملل بس♥!!

احس لو استخدمه يومياً ماراح يضر بشرتي كثر الفاونديشن العادي!

استعمله مع طبطبه بسيطه من الباودر عشان التغطيه تكون بيرفكت♥!!

مثل ماقلت اللون جا بالضبط "سواتش على ايدي فوق♥"

سواتش من النت

ماحصلت سواتش اوضح من جذي صراحه هههههه $:

سعره ٢٥ دينار من وجوه . . اشوف ان سعره مبالغ فيه شويه بس يستاهل صراحه♥

متوفر ب "سيفورا\وجوه\بيضون"

وبس $: ، ريفيو سريع حبتين . . اتمنى اني قدرت اغطي كل الجوانب عن المنتج♥

كونوا سعيدين♥

و لا تنسين تشتركين بالمدونه عشان يوصل لج كل جديد $:

اللي عندها اي استفسار لا تردد ابداً♥

بالبوكس تحت او باكاونتي " تويتر\انستغرام" على يمين الشاشه♥

5 comments beauty, reviews