سلسلة " وطارت الإعانة " P:♥

السلام عليكم و رحمة الله و بركاته♥

. . . شلون الجميلات؟ 

حبيت اسوي هالنوع من البوستات "سلسلة" و شفت ان اقرب شي لي و اللي بعمري

مشتريات الإعانة الجامعية او المكافأة عند حبيباتي السعوديات و غيرهم♥

طبعاَ من تنزل بس و يجيني مسج بإن "تم إيداع ٢٠٠ دينار في حسابك"

جنه صاير عندي عرس هههههههه و لازم " اليسسسسس "

لدرجة ان من اقول " يسسس " تقول امي نزلت اعانتج اكيد هههههههه :(♥

من يقول الفلوس تونس اصلا؟ هههههههه

في يومها طلعت للافنيوز و حرقت الكرت على قولتهم ههههههه♥

يلا نشوف المشتريات $:

هالمحل صرت اعشقه عشق!! ♥♥♥♥♥♥

من أول المحلات اللي لازم امر عليها حتى لو ماشريت شي ♥.♥

صايرين يجيبون اشياء لذيذةةةةة♥

من الاشياء اللذيذة اللي شدتني هالشوز♥♥♥♥

صايرة احب السبورتيات بس هالنوع حده عجيب ، دانتيل لونه اوفايت تقريباَ على بيج

حسيته لونه يناسب كل الإستايلات . . صيفي ، اول ماشفته قلت راح يكون مناسب لستايل عملي♥

مثل قميص مع سكارف وحزام و ليقنز مشجر♥ وغيرهم $:

من بيرشكا بسعر ١٥ دينار 

جنطه كيوت من بيرشكا همن، أسرتني هالألوان صيفيه من قلب القلب♥

مع كفر لإيفون فايف حبيت لونه عجيييييييب :"(♥

مع ان عيبه ان بسرعه بيتغير لونه مع مسكة الايد وجذي . . و هالشي ينطبق همن مع الآلوان الفاتحة

بس قلت ياساره اخذيه و حافظي عليه هههههههه $:

الجنطه كانت ب ١٠ تقريباً♥

و الكفر ب ٤ تقريباَ♥

الكفر عن قرب $: . . مع الأناناس الصغنون ♥.♥

عموماً كفرات بيرشكا يجيبون العافيه مثل مايقولون ههههههه $:♥

نجي لـ H&M♥

وقتها كان فيه تنزيلات وماحصلت شي ، و اذا حصلت فما احصل مقاسي

فقلت مالچ امل ياساره ههههههه . . و حولت عالكماليات اقدر اقول $:

اقرب كلمه ههههههه

نتكلم عنها حبه حبه $:

. . . حبيت هالدلاغات او الشرابات هههههه 

حسيتها خفيفه و للبيت خصوصاً و ممكن للفلاتات همن♥!!

كنت ابي مكس من الالوان بس ماحصلت الا اسود و ابيض للاسف :(

سعرهم ب ٣ تقريباً

و نفس الشي الدانتيل♥

و الالوان الجميله هاذي . . حبيييييت حبيييييت :(

حلوه للترتيب للادراج و همن للميك اب و همن لترتيب جنطه السفر♥♥♥

استعملتها دايركت للسفر . . احجامهم جميله ٣ سايزات

الصغير لمقويات الاظافر و الرموش مع مرطب الشفايف♥

و الوسط خليته لباليتات الآي شدو♥ و عاد الكبير كان للكريمات و الاشياء الباقيه

حسيت صارت الجنطه معاها مرتبه و عرفت بالضبط اغراضي وين♥

سعرهم ب ٣ اتوقع $:

ماك ماك ماك ماك ماك :(((((♥♥♥♥♥♥♥♥♥

من جيت صوب البلشرز بماك و انا ادوخ هههههههه

لذة على حاقه مش طبيعيه :(♥♥♥♥♥♥♥♥♥♥♥♥

احترت ماعرفت شنو آخذ بالضبط صراحه ههههههه ♥.♥

بس من شفت هاللون نسيت الالوان كلها♥

التصوير ظالمه صراحه :"( مو مطلع لونه الطبيعي ابد

لونه صاير اللحمي على بنفسجي مع لمعة خفيفه

ماكنت حابته مات خصوصاً اغلب البلشرز اللي عندي مات♥!

اسمه ( gentle mineralize blush ) ♥

صور ثانيه♥

سواتش من النت♥

\

شفتوا الحلاوه بس ههههههههه :"(♥

من الألوان اللي كنت حاطه ف بالي ان ممكن يسمر الوجه $:!!

اللون البينك ولو يمكن ما اصرت علي موظفه ماك جان يمكن ماخذيته ههههههه

< هبله :(

اللون اتعب و انا اقول " دمااااااار " حيل حيل عجيب!

ماسمرني ابد ابد 

عطى وجهي حيويه و بيني وبينكم ماعرفتني ههههههه

و درجه هالبينك تحديداً حيل ناسبتني . . لاهو البينك الفاتح اللي اتوقع ولا بنت تحبه هههههه

و لا هو الغامج♥

و الأحلى فيه انه مات!!! وثباته بطل♥

رقمه ( B63 please me )

سواتش له 

شايفين الحلاة بس $:♥

من الالوان الغريبه اللي شدتني!!!♥

حيل شدني احسه جنه يقولي اخذيني ساره ههههههه

لونه مشمشي غامق على لحمي على ما ادري شنو♥♥♥

من اكثر الناس اللي تموت عالحمر الغامجه انا هههههههه

مع ان الالوان الغامجه تكبر الواحد بس عاد شنسوي لي صار العشق :(♥♥!!!

اللون يسطل على قوله اخواننا السعودين ههههههه

واضح ما اعرف اعبر؟ :$

عموما خنشوف سواتش له $:

للاسف ماحصلت سواتش واضح له

بس تقريبا الصوره رقم ١ للبنوته♥

رقمه ( amplified a43 )

نجي للون اللي ماتحملت اصوره قبل استخدمه هههههههه

من الالوان اللي حسيت اني تجرأت لما شريته :$

طبعا التصوير ظالمه من قلللللللب لونه خيال خيال خيال

و صيفي من قلب♥♥♥♥♥♥

اللون احس وضح اهني :$

شايفين شحلاته :((( . . اللون البنفسجي الحلو 

الصيفي اللي تحسينه يعطي للطلة حيويه و كواته بعد ههههههه

رقمه ( amplified up the amp A43 )

حبيت حيل اختياراتي لحمر ماك لهالصيف♥

و ماك هالصيف منزل الوان حيل عجيبه و صيفيه من آلب الآلب♥♥♥♥

سعر حمر ماك ب ٨ ونص :*

هلا هلا :$ هههههههه

من بعد ماضاعت لي جم فرشه شريتها من ماك قبل و هم حمر و انا احس شبه اني خايفه اشتري منهم و يضيعون بعد ههههههههههه :(

بس ماقاومت هالفرشه صراحه :$

حيل حبيتها و حسيتها شبه مشطوفه على جنب . . تصلح رسمة الاي شادو بالزاويه الخارجيه

غير جذي تدمج و حلوه لكونتور الخشم♥♥

و هم ممكن للحواجب بس ما استخدمتها صراحه . . حيل حبيتها للزاويه الخارجيه للعين!!

تعطي رسمه حلوه ♥.♥

سعرها ب ١٤ اذا ماخاب ظني :$

شانييييل!!!♥

هالعطر شفته من قبل ب دبي وكان سعره حوالي ٩٠ دينار!

ف انصدمت بسعره صراحه. . صج انها ماركة كبيره بس ماتوصل ل٩٠ دينار!

عاد ظل بخاطري لما مريت دبنهامز و قلت بشوف كم سعره اهني

انصدمت انه ١٠٠ مل ب ٥٢ دينار بس!

٣٨ دينار فرق :|!

و ال٢٠٠ مل ب ٨٠ دينار . . يعني حتى مو تسعين ههههههه

شتان مابين الاسعار و الماركة وحده!

خنتكلم عن ريحته :$

من العطور اللي تحتاج وقت على ماتبين ريحته صح!

اذكر اني رشيت شوي على عباتي و ربع ساعه الا اشم ريحه فواحه حيل

و قويه بس على سويت اكثر . . حيل حبيتها

تتميز ب انها خفيفه بس ثباتها اقوى و اللي تظل ايام عادي♥♥♥

ما اقدر اوصف ريحته صراحه هههههههه

ياليت لو تقدرون تشمون معاي و تطلع لكم ريحه العطر من الشاشه هههههههه

متى بس يطلعون بهالاختراع ههههههه اين انتم ياليابان :(♥

حيل حبيت غرشه العطر همن . . تدخل القلب :$♥

في منه ٥٠ مل . . ب ٣٧ دينار

نجي لمشترياتي من بوتس حبيب البنات ههههههه

طبعاً ابد ماكان ف بالي اشتري منه بس ما اقاوم ما ادخله :(♥♥♥♥

انصدمت من فرش ريل تكنيك متوفره عندنا بالكويت!

لا و ببوتس . . ماكان عندي خبر ابد ولو ماقالتلي الموظفه جان مادريت كلش هههههه

بخاطري من زمان و كنت بطلبها من اكاونت ب انستغرام . . بس زين حصلتها :$

احسها من افضل الفرش اللي ماراح اندم اني شريتها♥

لان ماجربت من قبل منهم مجموعة فرش الوجه . . بططططللله!

قلت لازم اشتري منهم مجموعة العين♥♥!!

الحلو فيها ان سعرها مناسب جدا مقارنه ب مجموعة الفرش الثانيه من الماركات المختلفه

و همن انها منوعه . . ٣ فرش للاي شدو ، و فرشه للايلاينر و المشطوفه♥♥♥!

يعني خمسه ب ١٠ بس! بلاش صراحة♥♥♥

جودتها ممتازه و الاحلى فيها همن ان معاها باق♥

ماكان ف بالي اشتري هالشي . . لو ماشافت ايدي الموظفه

كنت اعاني من اكزيما ب اصابع ايدي و هالشي سبب بقع او اقدر اقول اصابعي صارت داكنه شوي

و تحتاج علاج طبعاً وكنت شبه يأسه ان ممكن آثار الاكزيما تروح كلش

و اعتمدت على ترطيب الايد بس . . و ممكن فعلاً الترطيب يفتح الاماكن الداكنه

عموما رشحتلي هالسيروم ل إيدي و قالت مناسب لايدج و للاكواع و الركب

و استخدمه مع كريم التبييض من نفس ماركته . . كان عندي بس اتوقع خلص لاني مو محصلته :$

مع شويه كريم مرطب عشان مايسبب تقشر او اعراض جانبيه لاسمح الله!

بيني وبينكم لسه ماجربته . . لازم ارجع لهم اشتري كريم التبييض من نفس هالماركة

عشان احصل نتيجة حلوة! متفائله صراحه بس توالناس على هالكلام ههههههه

سعره ب ١٠ 

رشحتلي هالصابونه همن . . بعد استعمالي للسيروم في الليل قبل انام 

اقعد الصبح و اغسل ايدي بهالصابونه و هم مناسبه للبشره بس قلت اخليها ل ايدي اضمن

خصوصا اني ما احتاج صابونه لاني استعمل كليراسونيك♥

سعرها ب ٥ دنانير

طلعت بسيفورا بهالشي الصغنون بس :$

ستيكر للاظافر للصبغ الفرنسي . . يدوم اكثر من البيس كوت

و يعطي لمعه طبيعيه اكثر . . غير جذي يكون ك حماية للاظافر♥

جربته و حبيته صراحه!!! ♥

سعره ب ٤ ونص♥

و بجذي خلص البوست . . ان شاء الله لو فدت بعض من الجميلات :$!!

و بإذن الله راح تكون هالسلسله شهريه من مشترياتي و حاقات قميله♥♥♥

و لو في اي استفسار لاترددين ابد.. بالبوكس تحت او ب اكاونتي بتويتر&انستغرام 

على يمين الشاشه♥

كونوا سعيدات♥♥♥♥♥♥

1 comment hauls