السلام عليكم و الرحمه♥♥ شلون الجميلات؟♥
مبارك عليكم الشهر و عسى ربي يتقبل منا و منكم صالح الاعمال♥
هالبوست كان المفروض ينزل من زماااااااان :(
بس التأجيل نعمل فيه ايه ههههههه
اعتذر منكم♥
بالبدايه..الكام صار من اكثر الاشياء اللي منتشره و قليل اللي ماعنده
سواء كام احترافيه كام نص احترافيه او حتى القالكسي!!
و اذا كنتي حابه تشترين كام و محتاره شنو تاخذين بالضبط . . فكملي البوست للآخر :$♥
بالبدايه حددي ليش تشترين كام؟
شنو اللي فاقدته من كام الفون؟
شنو ودج تصورين؟
رحلات؟
سفرات؟
للتوثيق؟
او للتصوير الاحترافي
او بس لإختيار زوايا معينه و بس لعرض الصور ب انستغرام
في واجد ماشاءالله مصورين محترفين يشاركون ب مسابقات محليه او عالميه حتى و يربحون
سواء جائزه او نتعرض صورهم ب معارض و تنباع!♥
طيب ماهم عندهم نفس الكام و كل شي ليه حنا بعد مانشارك؟ او حتى شاركنا و مافزنا
شي واحد بس الفرق
ان عرفوا شلون يصورون! بزوايا . . بفكره . . الصوره مستقيمه مافيها ميلان
ب ابعاد مختلفه
عرفوا شنو يصورون بالضبط
عزلوا بشكل ممتاز!
عرفوا شلون يستخدمون اعدادات الكام بشكل ممتاز
عرفوا خفايا التصوير و استغلوها لصالحهم!
و واجد معايير لازم ينتبه لها المصور
طيب لو قلنا انج حابه للتوثيق . . سواء سفر رحلات مناسبات
انصحج بالكام العاديه.. الصغنونه♥
للتوثيق ممتازه،حتى انها صغيره ووزنها مناسب للسفر
و اعداداتها سهله حيل . . و تقدرين تستعملينها لإي نوع ثاني من التصوير
بس راح تكون الصوره بسيطه الا لو اعتمدتي على الاضاءه البيرفكت و الفكره!♥
اما لو مو حابه الكام الصغيره و عندج نشاط ثاني او حابه تجربين كام قبل تشترين كام احترافيه
فأفضلج تجربين النص احترافيه . . لحد ماتتمكنين منها و تتعلمين عليها بشكل أكثر
و ممكن حتى تعتمدينها و ماتحتاجين الكام الاحترافيه♥!!
و هالفكره اشوفها مناسبه خصوصاً للي ميزانيتها على قدها او اللي موحابه تجرب شي هي ماعندها اي فكره عنه
او حتى مستصعبه الاحترافيه . . فهذا انسب اختيار♥
اما لو عاد عارفه شلون تصورين بزوايا تمام بكام الفون . . و حابه كام تخدمج اكثر
و عندج نفس "طويييل" تتعلمين عليها اكثر
لان الكام الاحترافيه . . لو شنو تتعلمين عليها ماراح تخلصين ههههههه
كل مره بتتعلمين اعدادات جديده او اضاءات و فتحه العدسه و الشتر و الايسو
و واجد اشياء راح تتنحين عليها نفسي ههههههه
الحلو بالكام الاحترافيه ان لها دروس تصوير بكل مكان . . بمواقع باليوتيوب
تقدرين تصورين فيها البورتيه بشكل ممتاز على حسب خلفيتج و اضاءتج
تقدرين تصورين فيها منتج بإستخدام بيئه تصوير ممتازه و واضحه او خلفيه ب لون ابيض
مع اضاءه بيضا . . او تستغلين اضاءه الشمس مع تضبيط الاعدادات
بس عيب الكام . . انها مكلفه جداً
+ عدساتها مكلفه
+ تختلف عدساتها على حسب نوع التصوير
+ اذا كنتي مو عارفه شي و جربتي تتعلمين من اليوتيوب وصار ماحسيتي ان فهمتي شي راح تضطرين تدخلين دوره تصوير ماتقل الدوره عن ٨٠ دينار! و تختلف انواع الدورات همن
+ حساسه جداً
+ تصليحها مكلف
+ اذا انكسرت عدسه صعب تتصلح
و مميزاتها طبعاً اكثر من عيوبها ، بس يظل السؤال لشنو الاستخدام؟
و على هالأساس راح تقدرين تحددين شنو حابه بالضبط $:
كذا قناه فادتني بالتصوير . . و منهم فهمت خفايا التصوير وشلون استغل مزايا الكام بصالحي
منهم المصور : خالد عبدالغفور ، و المصوره : تهاني الايوب
و كذا مصور سعودي مايحضروني اساميهم الحين للأسف♥
بس يوتيوب ماشاءالله ماخلا شي هههههههه
:
نجي الحين لخيمه التصوير $:
حدي حبيتها . . كنت شاريتها من الرياض ب اخر مره رحتلها قبل شهر تقريباً
من معرض ضوء العدسه بحي الحمرا سبق و نزلت صوره زيارتي له ب انستغرام♥
كانت ب احجام ، منها الصغير ب ١٠٠ ريال متر بمتر تقريباً
و الوسط ب ١٧٠ *اللي شريته صورته فوق♥* مقاسه مترين اتوقع ما ادري هههههه
بس حجمه حيل مناسب . . كنت بشتري الصغير بس فكرت بالاشياء اللي ممكن تكون كبيره
او ماتدخل، فهالحجم راح يناسب اكثر♥
مثل ما انتوا شايفين . . جا معاها ٤ الوان خلفيات
*ازرق اسود ابيض احمر*
"اعتذر على رداءه التصوير بس لان شمس فصار كل شي ابيض و اضطريت اغمقها بالفوتوشوب :$"
غمضوا عيونكم عنها هههههههه
ماحسيت راح احتاج اللون الازرق او الاحمر بس يلله زياده الخير خيرين ههههههه♥
ثبتت الخلفيه السودا اهني و استعملت اضاءه الشمس و خدمتني جداً
بس شسمونه
شسمونه هههههههه
كانت معفسه الخلفيه شوي :$
ف استحيت اصورها صراحه ههههههههههه يبيلها كوي :$♥
الحلو بالخيمه ان جوانبها تشتت الاضاءه بحيث ماتكون مركزه و تطلع الصوره فاتحه حيل
و اضاءتها قويه!!
و هم الحلو فيها انها بيضا ف خلفيتها ممتازه جداً لتصوير المنتجات خصوصاً!!♥
تجربتي لها :
اهني اضاءتي كانت صفرا . . ف صارت بهاللون :$
طبعا الافضل مصورتهم بالشمس عشان تطلع الخلفيه بيضا
بس حسيت انها مناسبه♥
اهني استخدمت الفلاش فصارت الاضاءه زرقا مع لانها انعكست بجوانب الخيمه و شتتها♥
تجربه اخرى :$
.
.
نقدر نستخدم لوحه فلين لونها ابيض كبديل بس راح نضطر نشتري مشتت فلاش او نستعمل اضاءه خارجيه♥
و كثيره هالافكار ب اليوتيوب♥♥
وبس :$
بوست سريع حبتين إن شاء الله اكون فدتكم لو شوي :$
لا تنسين تشتركين بالمدونه عشان يوصلج كل جديد :*♥
و اللي حابه تتابعني ب انستغرام او تويتر . . الاكاونت ع يمين الشاشه♥
كونوا سعيدين♥
0 comments:
Post a Comment