. . * تنسيقات دولابيه♥ ، B&W♥ :

السلام عليكم ورحمة الله و بركاته♥ ، و رجعنا ببوست مختلف تماماً عن اي بوست من قبل :$

هالفكرة كانت ف بالي من زمان . . و كل مرة أأجلها :(

لما صار عندي مجموعة تنسيقات كافية♥

فكرة هالبوست راح تكون تنسيقات بالابيض و الاسود مع شويه ألوان تعطي طلة حيوية مع فخامة الاسود♥

اذا عجبكم البوست بإذن الله بيكون فيه بوستات بنفس الفكرة ب الوان مختلفه :$

"لا تنسين تقولين رأيج بالبوكس تحت♥*

نبدأ بهالتنسيق . . أحبه حيل♥ خصوصاً الجنطة احبها بشششكل!♥

اللي يعرفني اتوقع مل من كثر مايشوفها ب ايدي ههههههه

النفنوف طوله فوق الركبه بشوي . . لبسته مع ليقنز اسود + بدون 

حبيته اكثر مع الليقنز ، حسيته معطيه فخامة

غير ان النفنوف فنكي شويتين . . بس مع الليقنز + القلادة + الجنطه

عطته فخامة ماحصلتش♥

الحلو بهالنفنوف غير انه بنوتي وفنكي . . خامته تجنن♥

خفيفه صيفيه ماحسيت و انا لابسته ب اي ضيق♥

شفاف شويتين . . يحتاج بدي من تحته ابيض $:

و يطلع جميل جدا لو لون صيفي مثل الفوشي او البنفسجي♥♥♥♥

مع هاي هيلز بنفس لون البدي الداخلي . . و نقدر نغير القلاده للفوشي او سيلفر ملون!

+ الباق تتغير هم $:

و اذا حبيناه رسمي ممكن نضيف عليه جاكيت اسود♥!!

نرجع للحب p; . . شريتها من تاجرة بإحدى المعارض، اول ماشفتها شدتي حيل♥♥♥♥♥

كان في منها غير الاسود ، احمر و كحلي و فوشي

بس مافي مثل فخامة الاسود ♥.♥

شاريتها من سنه اتوقع او اكثر . . زهايمر بعيد عنكم :|

قريبه لقلبي حيل، تلوق على كل شي . . الابيض و الاسود و اللحمي و اي شي فيه قولد :(♥♥

حسيتها فنكيه على فخامة على كل شي جميل ♥

القطع ثابته الحمدلله على كثر استعمالي لها + كبيره من داخل

لدرجة كفت عباتي و زادت مساحه اكثر بعد هههههه . . لها سحابين من فوق و عاليسار♥

كانت بـ ٤٠ دينار و ان شاء الله من احصل حسابها انزله ب انستغرام :*

تفاصيل التنسيق :

النفنوف : H&M♥ 6KD

القلاده : H&M♥ 4KD

الجنطه : من تاجرة بإذن الله بنزل حسابها ب انستا♥

نجي للتنسيق الثاني . . مدري ليش مالبسته الا مرة وحدة :$!

توب بتشجيرة السنيك . . جوبنيز خامته خفيفه حيل 

شفاف همن و يحتاج بدي داخلي p; . . حبيت يكون التنسيق اسود

الهاي هيلز + العقد . . و اعطي تش حلو بالباق الفوشي عشان يعطي حيويه♥

خصوصا ان الفوشي احسها الاقرب للبلاك وايت!♥

العقد حيل احبه دايماً انسقه مع قميص ابيض رسمي $:

احسه يعطي تج حلو للستايل الرسمي♥

هالتوب لبسته مع ليقنز جلد اسود . . طلع عجيييب!

+ نقدر نلبسه مع ليقنز ترتر رمادي او اسود . . اللي يكون ترتر خفيف مو اللمعه الاوفر :$

ولو اني افضل الليقنز السادة لان احسه انسب من اي ليقنز ثاني :$

خصوصا انه مشجر♥

هاللون دمااار! . . الفوشي الفوشي ههههههه ♥.♥

صيفي من قلب . . فنكي من قلب . . منعش من قلب ههههههه

غير انها  كروس ♥

و ممكن ننسق معاها هاي هيلز فوشي ، بيطلع عجيب ♥.♥

تفاصيل التنسيق♥

التوب : H&M 6KD♥

العقد : Newlook london 5KD♥

الجنطه : Parfois 10KD♥

التنسيق الثالث . . مالبسته ولا مرة للأسف ههههههه

اللي يعرفوني سوّ نفسكم ماشفتوه اذا لبسته عندكم p; 

نظام النفنوف سكيني و ميدي♥ . . على حد الكعب بالضبط $:

نسقته مع عقد ملون عشان يعطي تج حلو ♥.♥

+ باق تيفاني♥

احب العقود الملونه و اللي يكون فيها حركه . . و احس ماتتنسق الا مع نفنوف ساده او بسيط♥

نسقتها من قبل مع نفنوف ابيض و طلع عجيب ♥.♥

عقود زارا دايماً فيها شغل او حركة تخدم القطع الساده او البسيطة♥

 هالعقد خصوصا عطى نعومة عالنفوف ♥.♥

الباق التيفاني همن خدم الطلة♥ . . حسيته لايق عالعقد خصوصا فيه القولد+التيفاني الفاتح

صج ان اللون التيفاني اللي بالعقد بسيط جداً و مايتلاحظ بسهولة 

بس اي جنطة فيها قولد + لون قريب من العقد ممكن يخدم

و ممكن ننسق معاها اورنج باق♥ او بصلي . . او بنك او رمادي!

و ممكن ننسق معاه هاي هيلز اسود مع تج ذهبي :$

النفنوف خامته سترج متين شويتين ماسك ♥

تفاصيل التنسيق♥

النفنوف : H&M 8KD♥

العقد : Zara 9KD♥

الجنطة : من تاجر بإحدى المعارض 10KD

ع فكرة الجنطه كنت شاريتها عشان فيها سماعه داخليه :$ مافكرت ابد انسقها مع اي شي ههههههه

*اذا حابين تشوفونها اكثر بلغوني انزلها ب انستا♥*

نجي للتنسيق الرابع♥

ابداً مافكرت انسقها مع هالعقد! . . الا لما شارت علي بنت خالتي♥

و جربته فعلاً حلو و عطى النفنوف طلة حلوة ♥.♥

خامة النفنوف دانتيل من تحت و شفاف مع بطانيه قصيره♥

طبعاً كانت البطانه قصيره حيل . . فأضطريت اوصلها و اخليها لحد الركبه

اغلب السوق قصير حيل! فمالنا غير التوصيل هههههه

نسقته مع جنطة جوسي القميله♥

حسيت اللون لايق حيل خصوصا ان الجنطة فيها تج ذهبي

*لازم ندقق عالتفاصيل الصغيرة وقت التنسيق ♥.♥ لان ممكن لون بسيط ننسقه يغير الطله ١٨٠ درجه*

العقد اساساً كان لبدلة استقبال عندي من قبل فصلتها عند مصممه

لبستها بمناسبة . . حسيت التنسيق ناعم مع شويه فخامة♥

صج ان شوي كان يضايق العقد ، خصوصا خامته كانت تور :(

متوفر عقد مشابهه له بالمعارض + ممكن يتقلد همن p;

خصوصا ان فكرته بسيطة♥

ممكن ننسق معاه هاي هيلز اسود مع ذهبي ♥.♥

تفاصيل التنسيق♥

النفنوف : Splash 10KD

العقد : من تاجرة اللي حابه رقمها تكلمني انستا♥

الجنطه : جوسي كتور 80KD♥

التنسيق قبل الاخير♥

حسيته قريب ع قلبي . . خصوصاً العصافير اللي عليه ♥.♥

تشجيرته شبابية . . ب الوان صيفيه قريبه للقلب، خامة النفنوف قطن سترج بقصه وسيعة شويتين♥

حبيت انسقها مع الوان عشان تعطي الطلة اكثر حيوية

و انا ادور جنطه مناسبه للنفنوف . . تفاجأت بهالجنطه جايه بالضبط نفس لون العصافير :|♥♥♥♥

حيل حبييتها♥ كروس تضيف للطلة همن 

مع عقد ملون♥

مع ان تشجيرة النفنوف مافيها فوشي بس حسيتها لابقه حيل♥

عطى الطلة لمسة كيدا (Y)♥

بهالتنسيق بالذات نقدر ننسق معاه اي لون يخطر ف بالكم هههههه

و افضٌل يكون لون فسفوري ♥.♥ 

تطلع الطلة صيفيه فسفوريه من قلب p;

خصوصاً الالوان الفسفوريه رجعت ب قوة♥

تفاصيل التنسيق♥

النفنوف : Splash 5KD

العقد : H&M 3KD

الجنطة : من تاجرة همن :$ 10KD

و و و التنسيق الاخير♥

حبيته يكون سبوري مع تج ذهبي و فسفوري ♥.♥ 

حبيت الفسفوري الاصفر مع الذهبي . . حسيتهم قريبين من بعض♥

انا انسانه ما استغني عن الذهبي لو شنو هههههه 

بكل شي . . و بكل الوان ♥.♥

ممكن ننسق التي شيرت مع جاكيت وبنطلون اسود رسمي♥

+ شوز اسود مع تج فسفوري 

هالتي شيرت لبسته من قبل مع جينز سكيني فوشي♥

+ مع جنطة سوداء » ءءءء ههههههه :|

و فلات اسود♥ و العقد اللي مساع كان فوشي مع سيلفر :$

بس حبيت اللمسة الفسفوريه اكثر ♥.♥

التي شيرت شفاف شويتين فلازم بدي داخلي . . ممكن انسق معاه بدي فسفوري اصفر مثل لون الجنطه :$

تفاصيل التنسيق :

التي شيرت :  H&M 4KD♥

العقد : H&M 3KD

الجنطة :  Bersheca 10KD

ملاحظين اغلب نفانيفي من اج اند ام؟ ♥♥♥♥♥♥

اعشق هالمحل . . مختلف و متنوع وكل شي حلو فيه :(♥

فكرة :

شرايكم نتشارك التنسيقات باللون الاسود&الابيض ب انستا؟♥

اللي حابة تنسق و اعرضها ب الاكاونت ♥.♥ خصوصاً بالتنسيقات الجامعية♥

اللي حابه بكون بالانتظار♥

+ نزلت فيديو ب اليوتيوب بالتنسيقات واضحة اكثر من اهني . . طلي عليه ياجميله (هنا♥)

وبس . . جذي خلص البوست ع خير p;♥

لا تنسين تشتركين بالمدونه عشان يوصلج كل جديد :*♥

و اللي حابه تتابعني ب انستغرام او تويتر . . الاكاونت ع يمين الشاشه♥

كونوا سعيدين♥

6 comments fashion