السلام عليكم و رحمه الله و بركاته♥
شلون الجميلات؟♥
كذا جميلة طلبت انزل التفاصيل سواء ب انستغرام او تويتر♥
البداية كانت بتصميم ثيم العيد
كنت حابته يكون فرفوشي شبابي بعيد عن الرسمية و حاولت انوع كثر ما اقدر
مع ان جمعة العيد كانت حريمية اكثر شي بس حسيت ان الثيم نفسه خلّا الجو شبابي اكثر♥♥♥♥
و العبارات اللي حطيتها كانت تضحكهم بشكل ههههههه الحمدلله♥
صممت الثيم و كان متكون
١- بلاستر الماي
٢- بوب كورن
٣- بلاستر الكوفي
٤- ثيم الشيبس
٥- ثيم البرجر
٦- ثيم القهوة والشاي
٧- الهدايا -الكرفته-
للأسف ماصورت الطاولة كلها :$
بس اهني جزء منها
عاليسار كلش *الجزء اللي مو مبين بالصوره* زاوية الهدايا للأطفال
كنت منوعة بالهدايا . . بين السيارات الصغار و الطيارات و العاب الاواني للبنات وتيجان♥
مع شويه جراغيات ههههههه
حاولت انوع بالتزيين نفسه . . عشان اعرف شنو للبنات و شنو للصبيان
الكرفتات كانوا للصبيان♥ . . العاب سيارات او طيارات مثل ماقلت فوق و كراسات رسم و فونات♥
اهني كانوا للبنوتات . . تيجان+مواعين هههههه+جراغيات
مدري ليش حطيتهم عند البنات ههههههههه
بس يمكن لاني كنت استانس فيهم لما كنت صغيره :$ يعني حاسه فيهم وجذي
صج ان صار حوسه ان الكل يبي جراغيات بس كنت حاطه احتياطي ف الكل اخذ عقب♥
ماكلفوني الهدايا كلش . . ب ٦ دنانير اعتقد كلها و كانت مجموعة كبيرة و زادت همن♥
اكياس الهدايا مع الدانتيل الازرق من الرياض *سوق الربيع* و من هذا المنبر اشكر خالتي اللي تحملت حنتي وجابتهم لي :$♥
جنب الهدايا كان هالاستاند . . استاند حلا بر الوالدين اتوقع :$
مع الكوفي القميل♥
العبارات كانت تضحك حتى لما كنت اصممها هههههههه
"تخيل انه ستاربكس شنسويلك بعد"
"صب قهوة ياولد"
طول عمري يطلع مني بس محد يصدق » ههههههههههه♥
بعد ماطبعت بلاستر الكوفي و لزقته . . قلت شلون عالكبتشينو عقب؟
شلون ياساره شلون ياساره
جان اجرب اربطه على جنب . . و صار شكله جذي :$♥
حسيته يكون احلى من اني احطه بنفس الكوب او بستاند
اللي داخل المق معمول بالككاو . . شغلته بس يثبت المق عالاستاند ههههههه
توهقت فيهم صاروا مايلين ع جنب و يطيحون . . قلت مالج الا المعمول ياساره P;
و اللي جنبهم ماي حار $:
جنب الحلو و الكوفي . . البرجرز مع الشيبس والببسي♥
"خذلك برجر عالماشي" . . "لذة اللذة" . . "همممم"
حيل حبيت شكلهم اهني :((♥
خصوصا ان الاعواد ساعدت عالاكل . . او حتى لما احد يطلب مني ما احتاج امسك الساندويش
من العود و هوباااااااا هههههههه
البرجر كان متنوع . . بين تشيكن و ميت، طبعا الكمية كانت اكبر بس مثل مايقولون هذا الدور الاول هههههههه
الاحمر . . كان الكاتشب للي يبي زياده للبرجر و للشيبس♥
"شبشبس على راحتك" . . "كاتشاب ياولد" . . " لاتنسى الببسي معاه"
و وظيفه الاعواد الخشبية اهني مثل الشوكة بالضبط P;
و كانت اسهل همن :*
كنت حابه اثبت كاتشب صغير معاه . . مثل ملوت المطاعم بس للأسف ماحصلت!
بس هم حبيت فكرة الكاتشاب الاحمر♥!!!
بعدهم . . نوع حلا ثاني "لقيمات" ، ما ادري ان كان يصنفونه من الحلويات او لا هههههه
بس بما ان تو رمضان خلص الله يعوده علينا بالخير ماكنت حابه تنقطع اللقيمات كلش
فطلبت من الماما تسويها ♥.♥ وماقصرت كلش الله يحفظها♥
و زيناها بنفس الفكره مثل الشوكة :*♥
الاستاند اللي ورا اللقيمات . . كانت توزيعات حلويات للأطفال+عصاير♥
اعواد العصير حبيتهم حيييل . . من اسواق الربيع همن♥
الجزء الاخير من الطاوله
نافوره التشوكليت مع المارشميلو و البسكوت♥
زوم اكثر♥
نافوره التشوكليت شاريتها من زمان . . بحدود السنه يمكن
من يوريكا ب١٠ اعتقد♥
+ البوب كورن ميكر من مركز فرصة *عنيزة* بحدود ال١٠٠
+ ثيمات البوب كورن صممتها بهالشكل "بوب كورنه عالماشي" او شكل البوب كورن♥
الغرش الكبار كنت شاريتهم من مجمع الكوت بس نسيت اسم المحل للأسف :$
بس اهوا معروف حيل♥
كانوا عباره عن مكس كوكيز وانواع البسكويت♥
+ بسكويت بالفستق
الغرشة الكبيرة بعشر دنانير و الوسط ب خمسة اتوقع :*
الاشياء اللي على جنب كانوا انواع من الموالح . . سمبوسة+رولات البطاط+بيتزا♥
البسكويت الحلزوني♥ . . حبيته حيل من الحطب *عنيزة*
بحدود ال٢٠٠ اتوقع . . ماذقته بس الكل حبه♥
كان ودي يكونون على ستاند بس للأسف خلصوا ههههههه
فاضطريت احطهم عالطاوله و تحتهم دانتيل عشان يكونون ارتب شوي♥
اكثر شي ضحكني اهني لما يقولون لي نبي ماي بس عبارة حلوه
و اعطيهم "شوي شوي لاتغص" ههههههههه
و اللي يضحك بالموضوع ان وحده فيهم غصت جان تقول ليش ماعطيتيني شوي شوي لا تغص هذي عشان لا اغص هههههههه
العبارات كانوا "ثلاث دفعات مو تنسى" . . "شوي شوي لاتغص" . . "مطرح مايسري يمري"
و اللي يضحك اكثر ان اللي على عبارة "مطرح مايسري يمري" خلصوا قبل الباقي هههههههه
صوره ثانيه♥
الثلاث توزيعات الي صوب الكاتشاب كانوا عبارة عن اسئلة متنوعة كتبهم وطبعتهم وقصيتهم♥
في منها اللي يضحك و في اللي شخصي
كانت امتع لحظات وقت هالاسئلة . . الاجوبة عجيبه هههههههه
و كراسات الرسم اللي ع صوب كانت مسابقة للأطفال نقلتهم لصالة ثانيه وخليتهم يرسمون وعقب يوروني
عطيت للأمهات اجازه شوي ههههههه♥♥♥♥♥
بالاخير . . مادري شلون طرت علي هالفكره!♥
بطاقات المطارات او الدلال . . حيل طلع شكلها حلو مع الثيم ♥.♥!
القهوة : "البن الاشقر كيفنا و اقهوتنا،ماهوب كيف القهوة التركية،فنجالها يشفي ولو ماروتنا، ويطرد هموم القلب والنفسيه♥" انشهد هالله هالله » ههههههههه :|
الشاي : "اشرب بياله الشاي و روّق مزاجك،وخل الهموم تذوب في بياله الشاي،وخل الضحك يفرد حجاجك،ترى الحزن ينبت على بحة الناي♥"
اهني شكلها مع سفرة القهوة♥
كانت هالفعاليات بالقصيم . . ادري مخكم دار شوي مرة الرياض ومرة عنيزه ومرة الكويت هههههههه
اغلب ترتيباتي خذيتهم معاي من اهني♥
بس ماقصر الربيع وفرصه صراحة ♥.♥
اللي حابة الثيم كامل او تصميم ثاني تقدر تكلمني على اكاونت رونق ب انستغرام (@rawnaq_kw)
كل تفاصيل التواصل او الطلب موجودة بالبايو♥
+ خصم خاص لمتابعاتي♥♥
إن شاءالله فدتكم لو شوي ب افكار او ترتيبات معينة . . و اي استفسار انا موجودة♥
اللي حابة تتابعني ب انستغرام او تويتر الاكاونت على يمين الشاشة♥
كونوا سعيدين♥
نظرة المجتمع و الزواج! . . شويه سواليف♥
أشتري اللي يعجبني مو بس عشانه هبّه! ، شويه سواليف
. . كلام من القلب♥ *شويّه سواليف*
مرررررررره حبيت شغلك من جد مبدددعه والله يرزقني روقانك بس عند شي جميل خصوصا العبارات ههههههههههههههههههههههههه وابغى اسالك يالحب كويتية ولا سعودية
ReplyDeleteسميتك/ ساره
حبيت الافكار تغير عن العاده ..العبارات تجنن مبدعه ماشاء الله ...تحمست العيد ايي
ReplyDeleteحبيت الافكار تغير عن العاده ..العبارات تجنن مبدعه ماشاء الله ...تحمست العيد ايي
ReplyDeleteيجب أن أعترف أن رسالتك رائعة. لقد قضيت الكثير من وقت فراغي في قراءة المحتوى الخاص بك. شكرا جزيلا! وإذا كنت بحاجة عبايات حديثه ثم اتصل بنا!
ReplyDelete