تجهيزات الجامعة-الدوام . . كيفكم p; ج١ ♥

السلام عليكم و رحمة الله و بركاته♥ . . شلون الجميلات مع الدوام ؟ p;

السعودية مبلشين من اسبوعين ، و هذا احنا بنبلش هالأحد :( 

اول تسعة كنت متحمسة بشكل . . خصوصاً اني معطله صارلي ٥ شهور تقريبا ههههههه 

ماخذيت صيفي p;

بس من قرب الدوام حسيت ان العطله خلاص خلصت . . و ب اول الشهر نومي ميه ميه :(

انام ١٠ - ١١ و اقعد الصبح . . بس طبعا و كالعاده من يقرب الدوام لازم النوم يخترب ههههههه

شلون مايخترب بس؟ اذا ما اخترب نومج ف انتي مادري شقول p;

عطينا الوصفه السريه :P♥

و الدليل هذاني اكتب لكم و دلة القهوة جنبي و المود ميه الميه و نحاول نواصل :(

« كلش ماتقاوم النوم :(♥

بعد الافتتاحية الأليمة للبوست . . كل عام و انتوا ب الف خير♥

و عساها سنه دراسية جديده مليئة بالنجاح و التوفيق♥

« شرايكم بس p;

:

بالبداية تجهيزاتي كانت بسيطة حبتين . . بين شوزات و نظارة شمسية و جنطة و شويه ميك اب p:

« و بسيطة بعد؟ ههههههههههه لا اتغشمر :$

هالنظارة شريتها بالصدفه! شلون مدري هههههههه

ماكانت ف بالي نهائياً . . بس سبحان من دخّلنا محلهم p:

تعرفون بعد ، ساره ماتتحمل هالجمال ♥.♥

miu miu♥

لا جد يعني . . انتوا شايفين الجمال؟ :((((

من جربتها خذت قلبي . . ماتحملت ما اشتريها صراحة ههههههه

كان في مثلها تايقر، بس ماكو احلى من الساده طبعاً♥

اكثر مايميز ماركة ميو ميو . . نظاراتها♥ . . تصاميمهم عجيبه و جديده

تشوق ب شكل، تحسين فيهم سحر من تجربينهم لازم تاخذينهم ههههههه ♥.♥

هالنظاره بالذات مشهوره حيل لانها تناسب اغلب الناس 

هني شكلها عالوجه . . حيل حيل حلوه! 

تصميمها بيضاوي . . كان في منها دائري ماحبيتها $:

حسيت تناسب اللي مو محجبه . . لان حيل حلوه مع الشعر♥

خصوصاً الموردين،يشوقون♥

♥.♥

العدسة لونها بني . . ومو غامجه حيل يعني تبيّن العين من تحت النظاره

اللي هوايتهم الخز لا يشترونها هههههههه p;

اللي حبيتها فيها انها مو غامجه . . و ان عدستها مو سودا!

لان احس تغمت و اشوف الدنيا سودا من تحتها p=

البوكس كان يحتوي على . . حافظه مخمل للنظاره و منظف مع كفالتها♥

+ علبه النظاره طبعا p:

تستاهل سعرها صراحه♥ . . كانت ب ١٠١ دينار

و كفالتها سنتين ، للتوسيع او التضييق او للبراغي 

من ٣٦٠ مول♥

♥.♥

هالماركة بالذات اموت عليها♥ . . مناسبه للكل اسعارها حلوه جودتها ممتازة

+ منوعه

لازم اذا رحت ٣٦٠ امر عليه♥ . . و لا ما احس اني تسوقت p;

"حسافه كان مقلوب جيس الجنطه P:"

ترارارارا 

العنونه وصلت ههههههه :$

اول ماطاحت عيني عليها دشت قلبي ب شكل♥

لا تغركم الصوره مكبرتها و لا اهيا صغييييره نقطه هههههههه♥

تتميز بمثل ماهو مبين . . بالسلاسل الذهبيه اللي هابين فيها العموم p;

مثل السورات و الهاي هيلز وغيرهم 

احب الذهبي حيل و اميل له اكثر من السلفر♥

فخامة ما احسها موجوده باي لون ثاني غير الاسود طبعا p; ♥!

معاها الكروس . . حبيتها لانها عمليه ، تنفع تنلبس و ب ايدي كتب الكليه مثلاً

ما احب الجناط الكبيره للكليه :$

عكس الناس ادري ههههههه 

ما احب يتركز الثقل ع ايد وحده . . متعبه بشكل راح تكون و مو مريحة كلش كلش :(

خصوصاً اللي كلاساتها واجد او كتبها ثقال

*مايحتاج اتكلم عن تخصصي شكثر مذكراتنا خفيفه:(*

سببتلي تعب الجنطة الكبيرة . . صارت معاي مشكلة بظهري بسبتها و اضطريت ما اداوم اسبوع

+ ملازمة الفراش

لا تستغربون كلش، مضره بشكل للعامود الفقري و للكتف!

حلو يتوزع الوزن بين الجنطه و بالايد الثانيه 

طبعا بتفكرون ما نفس الشي شدعوه الكروس بتكفي كتب؟

ههههههه ادري فكرتوا فيها p;

بس همن . . تظل فيه اغراض بالجنطه مثل الميك اب + العطر + الشحن و الايباد يمكن و و و و 

فهالاشياء همن تزيد من الثقل 

خصوصا العطر :( لا و يكون ١٥٠ مل و لا ٢٠٠ . . ياحلااااوه ههههههه

لقيته و انا افتش الجنطه ههههههه..نسيت ان مع الجنطه ميداليه!

لا شكلها طلع احلى مع الميداليه $: اشوه حصلتها p;

♥

حجمها من داخل حلو . . ملمومه♥

حطيت فيها الشحن + كلنكس مرطب + عطر + بوك + كريم مرطب و كفت ههههههه

فكلش لا تغركم صغرها . . من داخل تشيل من قلب♥

الحلو بهالجنطه بعد . . ان مافيها سحاب كلش ملش

شحلات المغناطيس بس♥

ما احب السحاب كلش اتلعوز فيه :| و شكثر اغراضي تنفقد اذا نسيت اصكر الجنطه *فيس رافع حاجب* :P

طبعا غير قصات الجناط اللي مبطله ع جنب مثل جنطتي من جوسي 

كل شي طاااايح برا :( مع انها مغناطيس همن بس قصتها كلش ماتساعد! *نزلت الجنطه ببوست قبل :$*

ملمس الجنطه ممتاز . . سعرها شويه بحقها صراحة على هالجوده♥!

+ لونها غريب و هذا اللي شدني فيها تحديداً 

لاهو البني و لاهو البيج و لاهو الرمادي :$!

حيل حبيتها♥ . . ما حبيت اكرر اللون المعتاد للجناط و خصوصاً عندي مثل الاسود بيج بني 

سعرها بـ ٨٣ دينار . . بمحل دكن واي بمجمع ثري سيكستي♥

من الكولكشن الجديد

*منزلين اشياء تخقق p;♥*

:

نجي للشوزات عزكم الله♥

. . تتوقعون جم مرة امر ع محلهم اسأل متى تجيبون سايزي و متى و متى :(

حتى صرت اوصي رفيجاتي مروا هزار شوفيه جاب شوزي ولا لا ههههههه

ابتلشوا فيني p;

اخذ قلبي♥

مع اني كلش ما احب هالقصات من الفلات . . بس يالله قلنا نغيّر p;

نيو لوك شوزي هههههههه

الوانه تشد حيل♥ . . كان خالص منه و ماحصلت مقاس اصغر مني و زين يدخل

بس عاد شنسوي اذا الواحد دخل بخاطره شي . . نجيبه يعني نجيبه p;

طبعا ماقصروا شركة محلات هزار اهما اللي اتصلوا علي يبلغوني ان وفرناه من المخزن

شكراً ع اهتمامك ب زباينكم♥ . . لو احد ثاني عطاني احلى سكب ، خلوها ع الله بس ههههههه

سعره حلو و فيه♥ . . كان بـ ١٠ دنانير

ملمسه من داخل مريح *اهم شي عندي :(♥* 

الهبه الفالينتاويه P=

طبعا همن ماحصلت سايزي و نفس القصه و و و و p;

لا و اللي يجلط . . خالص اللون اللي كنت ابيه :(

لا اسود . . و لا لحمي . . و لا بيجي . . و لا حتى اي درجه من البيج

ياجماعة شفيكم؟ ترى حتى انا بشتري شفيكم علي هههههههه :(

بس هم هذا لونه حلو :$ . . ولا شرايكم p;

ترى جويتي بس اهني مادري شفيه قلب . . مو عاجبه لونه الظاهر :P

حبيته عاللبس حيل و التصوير ظالمه ترى . . عالطبيعه قمال موش اي قمال ههههههه

*انتوا ملاحظين اني محششه؟ لا صح تأثير السهر معاكم حق*

عموماً ههههههه

ما احب الكعب العالي الا بالمناسبات . . و هذا كعبه حلو للكليه نوعاً ما

خليته لو عندي كلاس كلاسين ، مش بطال p;

طبعا وقتها اخذ فلات احتياط مافيها كلام هههههه :(

اللي تلبس كعب بالجامعه . . شلون؟

لا يعني شلون صابره :(♥

سعره بـ ١٥ دينار من هزار همن

انتوا متخيلات اشتري نفس هالشوز اصفر مع كحلي؟ اشوه ماشريته♥

بس صج صج لونه كان عجيب :(

شكلي برد اشتريه . . بس طبعا مو للكليه عشان لا اعمي احد باللون p;

على كثر ماشفته من قبل . . مادري ليش خذيته هالمره :P

الي يشفع له انه مريح مريح مريح مريح مريح :(♥

مع ان لونه ماتوفقت فيه للأسف . . ماينفع كلش الوان فاتحه و عباة :$

مو موضوع لون وبس . . يعني ممكن البسه مره مرتين ثلاث وعقب خلاص 

من اول لبسه راح يبدي اللون يغمج و يغمج و يغمج . . فكلش مو موفق!

خذيته من محل ايلي بوتيك اجيال مول . . بـ ٧ دنانير

اللون الآسر♥ . . من الالوان اللي احب اشتريها بين فترة و الثانية

اياً كان شنو الشي . . لازم بنفسجي♥

من الالوان المريحة حيل و القريبه لقلبي♥ . . تبين تجيبين لي بوكيه ورد؟ جيبيلي جوري بنفسجي :(

تبين تجيبين لي هدية؟ غلفيها بنفسجي هههههههه

اكثر شي شدني . . اللون + قصه الشوز + الفيونكه

و ركزوا عالفيونكه متعوب عليها صدقوني :P

فيه كمية راحة لما لبسته♥ . . هالقصات من الفلاتات غالباً تكون مريحة حيل

ماتضايق كلش♥

خذيته بـ ٨ دنانير ، من ايلي بوتيك همن p;

من التجهيزات الاساسية لهالكورس ان شاء الله♥ 

و بإذن الله بيكون في ج٢ للميك اب اللي شريته للدوام :*

يارب اكون فدتكم لو شوي ب اي خيارات او عالاقل استمتعوا بالبوست :$♥

كونوا سعيدين♥

4 comments fashion, university