misslyn♥ و اشياء ثانيةة

السلام عليكم و رحمة الله و بركاته♥

اعتذر جداً عالغيبه الطويله حبتين :$ كانت شوية لخبطة وعديناها ع خير p;

كان كان المفروض يكون بوست منوع و جزء ثاني لتجهيزات الدوام "لكن"

باق الميك اب اللي جهزته للدوام نسيته بالكلاس و طار ههههههه

حسيت قلبي ضاع معاه (U) « نذكركم بالماسنجر شوي هههههه

لعلها خيرة p;

عاد كان من النخبه :( باودر ماك + حمر ماك + ماسكرا شانيل ، زين ما انتحرت p;

ف قلت نسوي بوست عن ماركة جديدة علي حبيتها و ان شاء الله تحبونها بعد p;

شريتها من شهرين تقريباً . . كنت رايحة سنتر بوينت على أساس بس ب أجرب

بلش nyx . . و طبعاً مستحيل احد يروح عندهم و ماياخذ شي ثاني p;

نبلش بهالماركة . . ماكنت اعرفها نهائياً و لا سامعة عنها لو نتفه p;

خذتني الموظفة و بصي حضرتك . . و حضرتك و حضرتك

عاد انا سحرتني كلمة حضرتك هذي و مارديتها p;

لا اتغشمر . . الماركة حيل حلوه و اسعارها مناسبة جداً جداً♥

misslyn 

ماركة المانية منتجاتها منوعة جداً و خصوصاً الوان صبغ الاظافر :|♥

اللي صدمني صج ان اغلب منتجاتهم ب دينارين ونص بس!

و كواليتي حلو بعد ♥.♥

ترى مو قاعدة اسويلهم دعاية p;

لان مادروا عني اصلاً  :P

اخترت من هالماركة . . ٣ اقلام كحل + ايلاينر + لونين بلشر + مقوي اظافر + صبغ + محدد ♥

نبلش بالكحل p;

كحل ازرق حبيته حيل♥

ما احب الالوان الصارخة داخل العين بس هاللون تعمدت ما استعمله حيل داخل عيني

عشان يكون هادي و كافي بس يعطي تج حلو للعين . . لان كلش ما احط كحل p;

احد نفسي؟ P;

و ماحسيته يسيح كلش . . يمكن عشان استعملته ساعتين ثلاث و مسحته $:

او عشان طبقتي كانت خفيفه . . عقدتي كانت من الكحل اللي يسيح برا العين و يطلع الشكل X كبييير

فتعمدت ما احط منه طبقة ثقيلة . . لان من خبرتي الصغيرونه ماشفت كحل للحين يظل بمكانه فترة طويلة :$!

هاللون بالذات من الالوان اللي كنت مترددة اشتريها

ساعات احسها تكبر العين و تطلعها بشكل مو حلو . . و ساعات اقول يمكن على استعمال الشخص نفسه

فتوكلت ع الله و خذيته p;

اللون كلش مو مبين بالصوره :| . . لونه مو ابيض كلش :$

اوفوايت هادي حيل ، استعملته بالعيد مع ميك اب رمادي حيل حيل حبيته♥

و طبعاً مو طبقة ثقيله مثل ماقلنا p;

استعملته جذي شخطة شخطتين هههههههه » متعوب عالكلمة ادري p;

احسه ضروري هاللون مهما كانت ماركته . . يكون ب درج كل بنت♥

لان احسه يعطي حيويه للعين لو كانت تعبانه او مع ماسكرا وبس♥

+ نقدر نستعمله لمدمع العين مع دمج شويتين يعطي تج حلو♥

هاللون قصته قصه هههههههه

يا يضيع يا اعطيه احد يا ينكسر! . . لا تقولين شلون ينكسر مدري ههههههه

مسحور p;

اول ماشفته عالكاونتر جربته على ايدي علطول♥

حبيته للدوام . . طبعاً مو داخل العين :$ 

ينرسم شوي مثل ايلاينر و يندمج بفرشه . . يصير جنه شدو بس خفيف حيل و لاين

صج ان مايكون مبين حيل ، بس انا حابته جذي :$

مع ماسكرا و جل حواجب . . و صل الله و بارك p;

ملاحظين ما احب الا الخفيف؟ ههههههه لان اذا حطيت اثقل شوي ما اعرف نفسي 

مدري ليش p;

+ ينفع ينحط ع مدامع العين او عالزاوية الخارجية و يندمج♥

نسيت اذكر بعد ان كنت رايحه بعد لجل ريميل!

بس قصت علي الموظفة للأسف p;

فاشل الى ابعد درجه . . تقول ان سهل ينرسم فيه و مدري ايش :|

و توريني اياه اسود فاحم مدري شحاطه فيه ههههههه

جربته بالبيت . . سواده عادي جداً

و كلش فرشته مو سهله! ، اصلاً رسمت خرايط بعيني هههههه :$

غير جذي ، ينطبع بكل مكان :|

يعني عادي جداً اكون حاطته و ينشف وكل شي

و فجأه اشوف نفسي بالمراية "دراكولا" ههههههههه :(

مطبع عالجفن كله p;

ماعندي اخت صغيرونه اعطيها تحط لعروستها صراحة p;

ف اللي قلته فوق ان حلوه . . هي حلوه الا ربع :$

محدد شفايف . . انا من الناس اللي ما احب استعمل المحدد كلش كلش :|

مدري ليه!

احس تتيبس شفايفي :$

مع ان المفروض تتحدد الشفايف عقب طبقة الحمرة

بس عندي تختلف القواعد شوي p;

قلت بجرب اشتري محدد ب لون احبه . . يمكن اتقبله و يمكن لا 

و مو خسارة فيه الدينارين ونص p;

سعر وجبه "يعني كنت اقنع نفسي فيه بوقتها ههههههه :("

تقبلته شوي . . استعماله بروحه كلش مو حلو

جربت احط بعده حمرة لمحية ب قلتر من ماك

 حسيت وقتها هه ممكن p;

بس ماراح ارجع اشتريه . . و لا حتى من اي ماركة ثانيه :$

هالشي؟ لا يعلى عليييييييه :|♥♥♥♥♥♥♥♥

من الالوان اللي اموت اموت فيها♥

اليمين : احبه حيل واعتمدته لمكياجي المعتاد ♥.♥

لحمي ب قلتر خفيف، احب استعمله مع الكونتور 

يعطي تج حيل حلو♥

اخترت منهم الالوان الهادية هالمرة p;

كنت معتمده بس البلش البرونز من ميك اب فور ايفر

مع شويه اضاءة . . بس هالبلش بالذات عطاه قلتر خفييييف و لون♥

طبعاً لونه قوي فوق ماتتخيلون هههههه

بفرشة بلش ريل تكنيك خذيت منه بس لمسة وحده و طلع قوي معاي شويتين :$

اللونين فيه اختلاف بسيط شوي 

عاليسار افتح و مات اكثر♥

نروح للمقوي + صبغ الاظافر p;

مالاحظت شي من المقوي لاني استعمل مقوي مافالا وماكو اي مقارنة بين ال٢ ♥

بس استعملته كطبقة حماية من الصبغ اكثر من خاصية المقوي p;

اما صبغ الاظافر لونه عجيب بشكل♥

* السواج نزلته من قبل ب سناب p;*

حبيته مع اسود مات او طبقه خفيفه♥

صج ان يغث شويتين لما اشيله مثل اي قلتر ثاني p;

بس الوان هالماركة بالذات تشوق و الدرجات متنوعة بشكل ♥.♥

تفاصيل الاسعار :

كل منتج عندهم ب دينارين ونص . . ماعدا كذا منتج ناسية اسعاره للأسف :$

:

اسفنجه ريل تكنيك العجيبه ♥♥♥♥♥♥♥

كنت ناويه اطلب بيوتي بلندر بس سويت سيرج عنها و الفرق بينهم

و شفت ماكو اي فرق بينهم . . نفس الشكل و نفس الخاصيات و نفس الدمج♥

كنت استخدم فرشه ريل تكنيك بس بعدها كنت احتاج دمج اكثر

خصوصاً الفرشه اياً كانت ماركتها تسبب خطوط وماتدمج الفاونديشن عدل!

فصرت بعدها استغني عن الفرشة تقريباً و استخدم هالاسفنجه بالتوزيع + الدمج♥

الحلو ان فيها زوايا بحيث توصل لكل زوايا الفيس p;♥

و تنفع تدمج الفاونديشن + الكونتور + الكونسيلر ♥

طبعاً قبلها تبلل بالماي شويتين . . عشان تكبر و تدمج عدل مدل ♥.♥

فيديو عن طريقة استخدامها :

و اللي مبطلين من الفون اهني تقدر تشوف (♥)

حسيت معاها ب دمج الفاونديشن حيل ♥.♥ 

سعرها ب ٤ دنانير♥

من سنتر بوينت او بوتس♥

nyx blush♥

انصدمت بجودته الحلوه! . . بلش ان يو اكس من افضل المنتجات بهالماركة خصوصاً

و هالشي سمعت عنه و جربته مع هالبلش♥

لونه قوي قوي :|♥

هالدرجة فوشيه :$ . . اخترتها لان اغلب البلشرز اللي عندي برونز او لحميات

فحبيت استعملها مع ميك اب هادي♥

اللون جودته ممتازة ، وتقدرين تخففين منه و بسرعه يتثقل بعد :|♥

ما اذكر سعره بس مو غالي كلش :$

راح ارجع اشتري الوان ثانيه اكيد♥

\

وبجذي خلص البوست :$

سريع حبتين للرجعه ان شاء الله♥

يارب اكون فدتكم لو شوي ب اي خيارات او عالاقل استمتعوا بالبوست :$♥

كونوا سعيدين♥

1 comment hauls