تنسيقات صيفية + اكتساح الابيض لهالصيف! + قيف اوي قميل♥ with | NMS Fashion & Zekraalsolami

السلام عليكم ورحمة الله وبركاته♥

مبارك عليكم الشهر جميلاتي وكل عام وانتوا بألف خير يارب♥

هالبوست مفكره انزله منذو مبطي مثل مايقولون p;

صايره كسلانه اللهم ياكافي :|

رونق ماخذ كل وقتي وحسيت اني مقصره معاكم حبتين :$♥

. . عشان هيك في قيف اوي ان شاء الله آخر هالبوست وبعد عشان مرور السنة الثانية عالمدونه p;♥

«متعوب على مرور ترى D;

:

نبدأ بالتنسيقات؟

قبلها . . ملاحظين الاكتساح الابيضاني هالصيف؟♥♥♥♥

من أحلى الالوان والقريبه لقلبي بس ماكنت حيل البسها . . خصوصاً الجينز منها!

كنت اتخيلني سستر مدري ليش p;

بس يسس الحين اقدر البس كل انواع الجينزات الوايت :P♥

بما ان بدينا بالجينز :

متخيلين توب جينز ازرق ممكن يطلع بهالجمال مع جينز ابيض؟؟؟ ♥.♥

ولا انا كنت متخيله الا لما قسته بنفسي! ♥

بيني وبينكم . . كنت متخيلتني فاشله بالتنسيق! ساعات هه شويتين

وواجد اجيب العيد وتنقدني اختي بكلمة "شهالذوق" هههههههه

عادي عادي ياما جبنا العيد p;

وهم ياما شفنا اشياء ماكانت عاجبتنا الا لما شفناها عاللبس!

وهالتنسيق مثال♥

اخترت هالتوب او الجاكت تحديداً لانه مموّج بدرجات الازرق والابيض

ممكن نصكره بهالطريقة ونلبس العقد عليه من برا بنفس الصوره♥

وممكن نبطله ونلبس تحته بدي ساده او فيه حركة بسيطة♥!

تفاصيل اللوك :

التوب zara بـ ١٧ دينار

الجينز zara بـ ٢١ دينار

العقد من newlook بـ ٧ دنانير

.

يب جينا لهالتنسيق ♥.♥

. . . الجينز اللي فوق اهوا نفسه اللي نسقت عليه اللوك الثاني♥!

هذا تحديداً التنسيق اللي جا عالبركة هههههههه

كنت منسقته اول شي بدون الحزام بس حسيت ان ناقصه شي

خصوصاً ان حركته بالخصر تقريباً

ضفت له هالحزام من كبتي p;

كان حزام لبدلة استقبال..وحسيت ان عطاه حركه اكثر خصوصاً دخل عليه اللون الذهبي♥!

صورة اقرب للحزام♥

حبيت هاللوك مع تسريحة ويفي♥

عشان يغطي المكشوف من التوب نفسه . . والعقد حسيته مناسب جداً جداً مع الحزام

جنه جاي معاه p;

تفاصيل اللوك :

التوب من H&M بـ١٥ دينار

الجينز من zara بـ٢١ دينار

العقد هدية من تركيا فما أعرف سعره :$

.

ابيض ب ابيض♥!!!!

هاللوك مريح بشكل :|

باللبس وبالشكل وكل شي ;P♥

طبعاً ادري مو مكوي ف سوّ نفسكم ماشفتوا شي :$

حاولت اكوّيه بالفوتوشوب وجبت العيد ههههههه :$

عملي يومي مع تسريحة الكبه الصغنونه او العنقوصه p;

> شخباري عنقوصه :$

حسيت اني كسرت اللون بـ القلادة الصغنونه الكيوت p;

مع اني مو مقتنعه فيها ١٠٠٪ 

فـ شرايكم تحسون لايق او لا؟ :$

تفاصيل اللوك :

القميص من H&M بـ ٥ دنانير

الجينز من zara بـ ٢١ دينار

القلادة من كليرز اتوقع p;

.

اللوك اللي مفروض يكون للعيد بس غيرت رأيي p;

حسيته حيل ناعم على عيد ولا شرايكم؟ :$

اول ماشفته حسيته لوك كيم كارديشيان

خصوصاً بالتنورة اللف p;

حييييل حبيييييتها♥ صارلي فترة ادور هالنوع من التنانير!

وحصلت هالتنورة من نيو لوك دبي لا وبلون موضة هالسنة :|♥♥♥♥♥

حركة التوب موضة هالسنة همن!

الاكمام الطايحة عن الكتف ♥.♥

لو اقول لكم سعره تنصدمون ههههههه بدينارين بس!♥

التوب قصير بس مادري ليش مبين طويل بالصورة :$

يعني التنورة لازم تكون عالخصر نفسه او ارفع شويتين♥

هالعقد استعملته بكذا لوك . . حسيت يناسب اغلب اللوكات♥

احب العقود المورده ♥.♥

اخترته عشان الورد الصغنونه البيضا

 . .  عشان يكون في ترابيط بين العقد والتنورة البيضا♥

تفاصيل اللوك :

التنورة من newlook ب١٠ دنانير تقريباً

التوب من newlook بدينارين تقريباً

العقد من newlook بـ ٧ دنانير تقريباً

.

يا لابس الثوب المنقط p;

هم من اللوكات المنشرة بهالصيف واجد!

سواء اسود منقط ب ابيض او العكس♥

حبيت هالستايل جداً♥

اغلب لبسي صاير اسود وبيني وبينكم غير انه يضعف رزة p;

حبيت هاللوك الفنكي D;

قولتشي اند قبانا عنده منه هالنفنوف بس العكس -ابيض منقط ب اسود-

ب٣٠٠ وشي!

مع ان عادي جداً و اي خامة بالدنيا تتضبط عليه ومايطلع حتى بعشرة :$!

واللي مستغربته اكثر ان يشترونه :|

عطوني ٢٠٠ واجيب لكم احلى منه ههههههه p;

تفاصيل اللوك :

النفنوف من H&M بـ٧ دنانير

العقد من H&M بـ٤ دنانير تقريباً *من زمان عندي :$*

.

شرايكم باللوكات؟ تحسون في شي ناقص؟

طبعاً مو ناسيه الباقز والهاي هيلز بس ركزت عالاساس p;

\

نجي للقيف الاوي المنتظر p;

حبيت يكون مستوحى من البوست نفسه♥

واعطيكم المساحة اللي تنسقون فيها لوك وأفضل تنسيقات راح اعرضه بالاكاونت واكثر لايكات

راح يوصل لها اللوك كامل♥

لوك ثاني يوم عيد p:♥♥♥♥

مثل ماهو باين . . اللوك عبارة عن ٣ قطع

ليقنز كحلي مطرز عالاجناب بالاسود مثل ماهو باين بهالصورة

مع تي شيرت ابيض و القطعة السوده ههههههه مدري شينقال لها p;

توب او جاكيت؟

الموهيم مفهوم قصدي :$

قياس اللوك M-L

البدلة جديده مع التاقات♥!!!

:

الطريقة والشروط :

١.المسابقة لدول الخليج فقط واعتذر للباقي :$♥

٢.راح انزل صورة تخص القيف اوي بالانستقرام وماعليج الا تنزلينها عندج مع تاق لي+ هاشتاق

٣. تسوين منشن لصديقتج تحت الصورة الاساسية بأكاونتي

٤.ترسلين لي التنسيق عالدايركت♥

.

الغرض تنسقين اكسسواريز وجنطة وشوز مع اللوك :*♥

واثقه بذوقكم واحس راح احتار جداً♥

.

وهالبوست للجميلة NMS Fashion عن محتويات جنطة البحر تكميل لسلسلة الصيف

( هنا♥)

وبإنتظار الجميلة ذكرى السلمي لبوستها اللي متأكده بيكون اجمل مافي السلسلة!♥

2 comments fashion