السلام عليكم ورحمة الله وبركاته♥
شلون البنيات؟ p;
طبعاً صقيقاتي السنابيات شافوا الشحنة معاي وعرفوا شكانت بالضبط ومن اي موقع p;
مع نظرة اولية للمنتجات اللي طلبتها♥
تجربتي الثانية بس من الاونلاين p;
وفجأه حسيت اني خبره من كثر ماهو سهل!
كنت مستصعبته بشكل مو طبيعي قبل وهم فجأه تشجعت p;
لما شفت رفيجاتي يطلبون اشياء تجنن بأسعار رخيصة وغالباً مو موجودة عندنا!
ماركات الميك اب غالباً
نبدي بطريقة الطلب بأي موقع♥
اول شي لازم يكون عندج فيزا . . انا فيزتي من بيت التمويل الكويتي (بطاقة الخير)
مفعله لها خدمة التحويل الشهري بحيث انه يكون مصروفي + اونلاين
فكرة للتوفير p;
ثاني شي لازم يكون عندج بريد امريكي -لان مو كل المواقع توصل لدول الخليج دايركت-
حيل ارتحت مع بريدي الامريكي♥
مع ان في مواقع توصل للخليج بس يطول + شحن اغلى
موقع التجميع او البريد الامريكي (وورلد شيب)
( http://ws1.com )
موقع امريكي ولهم فرع بالسعودية واتوقع اغلب السعوديين والخليجين يستعملونه p;
بعد ماتطلعين الفيزا تسجلين فيه وياخذون بس مرة رسوم للتسجيل (٧ دنانير تقريباً)
أول مرة بس
مو بكل طلب لا p;
اول تجربه معاه كانت متعبه بشكل!
مع ان المفروض دايماً يكون حوسه اول تجربه ومو عارفه شالطريقة
+ موقع امازون جداً متعب بالشحن
جداً جداً :|
+ ياخذ تاكس
اشياء بسيطة بس بـ٧٠!
تسجلين فيه مع بياناتج كاملة ويعطيج عنوان امريكي
هالعنوان يكون لج مخصص بس♥
بعد ماتطلبين من اي موقع تحطينه بس♥
ولما يوصل لعنوانج ب أمريكا يجيج تنبيه عالايميل ان وصلت وتقدرين تشحنينها على ديرتج p;
.
نبدأ بمشترياتي من موقع iherb
الصيدلية العجيييبة♥!!!!!!!!!
راح يكون هذا الجزء الاول -مشترياتي،طريقة الطلب-
وبالاجزاء الباقيه راح اشرح اكثر عن المواقع الباقيه♥
من اليسار لليمين
| زيت جوز الهند،زيت اللافندر،حبوب جوز الهند،كريم لمنطقة حوالي العين|
ياااياااي p;
هالمنتج من زمااااان خاطري اطلبه!
ماصدقت جا وقت الاونلاين . . كان اول منتج حطيته بالباق p;
الريفيوات عليه رهيب وماشفت او قريت احد يذمه بصراحة!
غير حرص الموقع على نظافه منتجاته طبعاً . . كل شي مجيس ومغلف♥
اتعب شكثر عجيييب :|♥
زيت جوز الهند متعدد الاستخدامات
بس انا استعملته لشعري تحديداً♥
حييل حييل حييل حبيييت!
طبيعة شعري ناعم ويفي .. حبيت شعري معاه بصراحة :|♥♥
استعملته ٤ مرات تقريباً
وكل مرة احب شعري اكثر من بعده
حسيت بلمعه وخف الويفي + الريحة تقققتتتتتل!
غير انه يصلح للطبخ بس ماقدرت اجرب صراحة p;
الحلو فيه همن ان العلبه تكفي معاج+ قوامه كريمي ويذوب بالايد♥
متعدد الاستخدامات
١.زيت للشعر
٢.مزيل للميك اب
٣.للبشرة
٤.مرطب ممتاز لبعد الشور
٥.ممتاز للأظافر
وغيرها من الاستخدامات♥
سعره بـ ١٦ دولار وعليه خصم الحين صار ب١٢ دولار تقريباً
رابط المنتج (♥)
ريفيو عاليوتيوب (♥)
حبوب جوز الهند♥
ماشفت الا ريفيو واحد عليها وما ادري شلون تهورت وطلبتها :|
وما ادري شلون ماخفت بعد هههههه
ماجربتها للحين . . لاني ستل ما خلصت كورس الروكاتين
+ لازم استشير دكتوري عليها
مع ان موقع اي هيرب ممتاز وماعليه اي شكاوي وكل منتجاتهم مضمونه
وهالماركه تحديداً مشهورة ب امريكا ومنتجاتها متنوعة
وطبعاً سارة كانت تقنع نفسها -دام مشهورة ف اكيد ماعليها كلام ههههههه-
هالحبوب تحديداً اخترتها للشعر ومتحمسه اجربها بس بعد ما استشير الدكتور :$
ف اول ما آخذ القرين لايت راح ابلغكم ب انستا او سناب :$
حمستني عليها مدونة imawadda بس انا موسوسه شويتين بالحبوب خصوصاً :$
رابط ريفيو imawadda (♥)
سعره بـ ١٠ دولار تقريباً
رابط المنتج (♥)
ماحصلت له ريفيو عاليوتيوب :$
كريم Queen Bee لمنطقة حوالي العين
مع علاج الروكاتين صارت منطقة حوالي العين جافة جداً جداً
و لما احط ميك اب وخصوصاً كونسيلر تصير المنطقة مأسآآآه :|
اخترت هالكريم تحديداً لانه مستخلص من زيت الجوجوبا،زيت الزيتون،زيت عباد الشمس،الافوكادو،زيت الشيا
وغيرها من الاشياء الجميلة♥
هالاشياء هي اللي حمستني عليه وخلتني اجربه ..ممتاز
قوامه ما ادري شلون صاير ..بس مو كريم ولا هو زيت حيل
بس جنه مرطب شفاف مايل شويتين على زيتي
حبيته كمرطب + خفف الخطوط البسيطة تحت العين♥
حسيت المنطقة فيها حياة خصوصاً مكوناته كلها طبيعيه وهذا اللي ريحني♥
استخدمته بالليل كذا مرة قبل ما انام واحط كمية كمية
+ قبل الميك اب شي بسيط عشان لا تصير كارثه p;
هدفي منه الترطيب قبل مايكون تخفيف للخطوط او شي جذي
فيعتمد على الهدف من الاستعمال :$
سعره بـ٧ دولار تقريباً
رابط المنتج (♥)
ريفيو اليوتيوب (♥)
المنتج الاخير من شحنة iherb لهذا الشهر p;
زيت اللافندر . . منو مايعرفه؟ ♥ــ♥
بيور ١٠٠٪ ومركز جداً جداً
متعدد الاستخدامات طبعاً p;
للفواحات + للمفارش+للملابس -تحديداً الكبت-
وللمساج♥♥♥♥♥
استخدمته للفواحة مع تخفيف بالماي وحطيته بالكبت وصكرت عليه p;
اول مافتحته الا الررريييييحة :|♥
صج انها مركزة بس حبيتها مدري شلون p;
سعره بـ٩ دولار تقريباً
٣٠ مل
رابط المنتج (♥)
ريفيو اليوتيوب (♥)
وبس p;
هذي كانت مشترياتي الاولى من موقع اي هيرب
اكيد راح تكون لي مشتريات ثانيه من اخلص روكاتين هههههه
« معقدها ههههههه :$
.
نجي لطريقة الطلب ..سهله جداً
١.نختار المنتج + نضيفه للسلة
٢. بعد مانختار كل المنتجات اللي نبيها ونضيفها للسلة نسوي جيك اوت
٣.نسجل بالموقع لاعتماد الشحنة
٤.نسجل بياناتنا مع بيانات الفيزا+العنوان الامريكي
٥.نعتمد الطلب
٦.اول ماتنشحن يبلغونا
٧.اول ماتوصل لعنوانا بأمريكا نشحنها لعنوانا الاساسي♥
:
ولأي سؤال انا حاضر♥
كونوا سعيدين♥
اي هيرب يشحنون دايركت على السعودية والخليج كله
ReplyDeleteالمره الجايه جربي تشحنيها دايركت اوفر لك
حبوب جوز الهند سبق ورديت على تدوينة مودة اني راسلة الشركة ومن ردولي انهم يستخدمون جلاتين من الخنزير
حبيت انبهك ياعسل
كريم كوين بيي عندي ومرره احبه اي جفاف حولين العين لما استخدمه يختفي
تتهني في مشترياتك ياحلوة ..