فندق مجاز بريمير "الشارقة" :

بسم الله الرحمن الرحيم

السلام عليكم ورحمة الله وبركاته
شلون الجميلات؟

لما سافرنا دبي سكنا بالشارقة لأننا كنا رايحين علاج للوالد
فما كان هدفنا السياحة بشكل خاص لدبي
مع ان مترت دبي صراحة ههههههه بس ابوي فضل أن نسكن قريب من المركز اللي يعالج عنده
الله يعافيه ويحفظه ويحفظ لكم احبابكم ويرحم ميتكم♥


طبعاً ابوي يحب نظام الشقق الفندقيه اكثر من الغرف
يحب يكون فيه مطبخ وصالة وغرف وسيعة،،نتوسع يعني p;
وبصراحة راحة اكثر! ، جربت السفرة بغرفة ديلوكس رغم انها وسيعة وفيها اكثر من سريرين
مع صالة صغيرة وتلفزيونين حتى،بس مافي مثل الشقة حتى لو كان عددنا قليل ♥

وعشان تصير معاي مشكلة بحجز الفندق او الشقق،ما اعرف احكم على الخدمة من الصور
او البيانات البسيطة اللي تكون موجودة بموقع الحجز
هم بالنسبة لي مو كافي،احب اعرف التفاصيل أكثر
فحبيت اضيف هالنوع من البوستات للبلوق و راح يكون هذا أول بوست بخصوص تجربتي للفنادق
و ان شاء الله يارب تستفيدون أكثر
هدفي اني افيدكم قبل اي شي و كل شي ♥

بالبداية
الوالد حجز لمدة ٦ ايام، من تاريخ ٥ سبتمر لغاية ١١ سبتمبر ♥
من موقع بوكنق المشهور
بحوالي ٢٨٠ دينار،سعره ممتاز مقارنة بدبي صراحة :$
اذكر السنه اللي فاتت حجزنا ٥ ايام بـ ٦٠٠ دينار تقريباً
فأقل من نص السعر حتى
كان محتار مابين الهيلتون وهالفندق بس كان في فرق سعر مش بسيط
وكان ابعد من المركز، فتوكل على الله واختاره

الفندق متكون من ١٤ دور مع حمام سباحة للرجال والنساء

بالبداية تتكون الشقة من :
غرفة رئيسية مع دورة المياة بداخل الغرفه نفسها
غرفتين تتكون من سريرين
كل غرفه قبالها دورة المياة الخاصة فيها
مع مطبخ مجهز بالكامل -بدون أكل- مجرد مشروبات خفيفه
وصالة كبيرة طبعاً♥

الشقة مرتبة وحبيت تقسيمها،واسعة وأكبر شقة بصراحة جربتها!

نبدأ مع صور للشقة♥

الصالة
على يمين قعدة مع التلفزيون وعاليسار طاولة الطعام♥

قبالها بالضبط المطبخ

المطبخ صغير نوعاً ما، يعني بس شخص واحد فيه عالراحة يعني p;
مجهز بالفرن مع الثلاجة والمايكرويف وتجهيزات بسيطة مثل ما انتوا شايفين بالصورة♥

ما كنا نستعمله حيل،بس بوجبة الفطور اشياء خفيفه شريناها من السوبر ماركت
-جنب الفندق بالضبط p;-
وهذي بعد ميزة حلوة بالنسبة لموقع الفندق والخدمات الخارجية♥

غرفتي،طبعاً صورتها اول ماوصلنا
لأن مو زين تشوفونها بعدها بأيام،كلللش ههههههه p;

حبيتها،السرير مريح والغرفة واسعة مو حيل صغيرة
مثل اغلب الفنادق

دورة المياة عزكم الله
اهم شي لازم اجيك عليه..واستغربت انه كبير
كل شقة مهما كانت كبيرة لازم تكون دورة المياة نتفه :|

ماعمري استخدمت شامبوات او كريمات الفندق
مدري ليش ههههههه :$
في احد نفسي ولا؟ p;

الغرفة الرئيسية عاد :|♥
منو نفسي يتمنى سريره هالكبر؟ p;♥
واسعة طبعاً مع تلفزيون وقعدة على جنب ومثل ماقلت فيها دورة مياة خاصة
مع مراية طويلة♥

.

رأيي عن الفندق :

حبيته بشكل عام..الخدمة ممتازة وموقعه ممتاز لو السفرة للشارقة تحديداً
لان رسوم التكاسي مبالغ فيها!
و ياخذون زيادة على المشوار ٢٥ درهم اذا بتروحين لدبي او منطقة ثانية
بس لمشاوير الشارقة ان كثرت..١٠ درهم بس يكون المشوار
كل شي فيه ممتاز..ماعدا الوايرلس
ما ابالغ لو قلت...كل يوم نتصل عليهم مرتين يجيكون عالجهاز نفسه ويطلعون
ولا فيه اي تحسن :|
بالنسبة لي..اهم شي عندي النت بصراحة ههههههه
رغم اني مفعله الخدمة بس كلش ماتكفيني
في خدمة مطعم في الفندق بس ماجربته للأمانه
ومثل ماذكرت فوق ان جنبه سوبرماركت وصيدلية♥
والفيو خطييير
على كورنيش الشارقة وقباله بالضبط حديقة كبيرة
فيها العاب وغيرها للأطفال♥

تقيمي له ٧\١٠
لولا خدمة الواي فاي بس :(


إن شاء الله يكون بوست متكامل ومانسيت شي معين♥

ولأي استفسار او سؤال لا تنسين تكتبينه تحت بالبوكس
او ب انستا♥


دمتم سعيدين♥

4 comments reviews