بسم الله الرحمن الرحيم
السلام عليكم ورحمة الله وبركاته♥
شلون الجميلات :* ؟
مثل ما الاغلب عارف كنت مسافرة دبي وكذا مرة كنت اجرب هالنوع من الصالات
بس للأسف ماتكون الكام معاي أو زحمة أو ممنوع أصور
هالنوع من الصالات تكون احياناً برسوم اذا ماكانت عندج بطاقة بوبيان اللي تكون فري
الوالد كان عنده بس لشخص واحد اللي هو صاحب البطاقة
اخوي على العكس تماماً،،عنده بطاقة تسمح له ولكذا شخص
بالروحة لدبي دخلنا هالصالة وطبعاً برسوم لأن بس ابوي اللي كان ويانا
رسوم الشخص بـ ٧ دنانير
الطفل من سنه إلى ٣ سنوات فري
اخوي عمره ٥ سنوات ودخل فري :$ ، بركات الوالد p;
خدمات الصالة :
١. خدمة واي فاي
٢. منيو متنوع من الاطباق الرئيسية إلى الحلويات
٣. خدمة طهي الباستا بأختيارك
٤. صالة ألعاب للأطفال
٥. وصول صوت النداء الأخير لأقلاع الطيارة
٦. مكان مخصص لشحن التلفون
.
اللي حبيته بخدمة الواي فاي انها سريعه
وكل طاولة لها كود معين للواي فاي وحسيت هالشي سرع من الواي فاي
حملت منه فلم مصري للطيارة p; وبخمس دقايق حمل،،فحسيته سريع بصراحة♥
المنيو حبيته اكثر!،زيارتي قبل الاخيرة من ٥ اشهر تقريباً
كانت اطباقي محدده جداً وماكنت حابه الباستا بصراحة :$
وانا أهم شي عندي بكل منيو . . الباستا
عادي جداً اطوف المقبلات والسلطات وكل شي
وعلطول تلقيني ناطه ادور شنو الباستا عندهم ههههههه p;
الباستا تتسوى قدامج،، بأي نوع ودج
انا اخترت الكريمه البيضا :$ في الحمرا وغيرهم
مع انواع الجبن♥ والاضافات الأخرى
هذي ثالث مرة ادخلها،،ماكنت حابتهم المرتين اللي طافوا
ماكان لها طعم....بس المرة الاخيرة غير♥
ناطعه وطعم الجبن تغير وعطاها لذة ♥.♥
لقطات سريعه للبوفيه♥
بين الاطباق الرئيسية مثل الستيكات و العيش المشخول ومرق البامية
وبين السلطات والحلويات والساندويشات♥
وطبعاً ما انسى حبيب الشعب،، الببسي p;
اشتهيت :((♥
ما اتوقع خليت شي ما ذقته من المنيو p;
غداي كان ( عيش مشخول مع باميا-كلوب ساندويش-ساندويش الجبن-باستا)
من كل شي نتفه بس :$ p;
بشكل العام المنيو جيد ،، اعطيه ٨\١٠
مو حيل متنوع متنوع ،الحلويات عاديه ماحسيتها لذيذه حيل p;
قسم صغنون للأطفال
حبيته،،حسيته ملموم،فيه طاولة وسبوره وألعاب
بصراحة التهى اخوي الصغير فيها وريحنا :$
واخيراً وليس آخراً♥
بكل بلاك او سويتش فيه كود معين للواي فاي
مع طاوله وكرسي،،للي حاب ينفرد شوي عن طاولات الأكل
وعنده شغله معينه عاللاب او الفون♥
مع ان تحت كل طاوله طعام سويتش p;
* سارة كيّفت على هالشي هههههه *
جان زين يسون جذي المطاعم ! أزمة الشحن أزمة عالمية
و في ممرات كراسي مريحة نفس جذي بالصورة مع طاوله جانبيه♥
لقعدة الكيف ، قهوة شي p;
اذا كنتي جاية زيارة للكويت،و وقت التشيك اوت للاوتيل او الفندق
حيل بعيد عن وقت اقلاع الطيارة
انصحج بهالصاله،مريحة ومكان جيد للانتظار♥
او اللي رايحة المطار مبجر لأي سبب
موقع الصالة :
بالقرب من ستاربكس♥
وبس $:
ان شاء الله تكونون استفدتوا من البوست لو شويتين
لأي سؤال او تعليق بليز كتبيه بالبوكس تحت او بأنستا♥
الاكاونت على يمين الشاشه :*
دمتم سعيدين♥
0 comments:
Post a Comment