بسم الله الرحمن الرحيم
السلام عليكم ورحمة الله وبركاته♥
هالموضوع تحديداً من زماااان كان ودي اتكلم فيه صراحة!
لان كوني بلوقر،دايماً يطلبون مني هالشي
انا ماعندي اي مانع اجرب اي شي♥
واقدر جداً ان تهتمون لرأيي وتثقون فيه♥
واقدر جداً ان تهتمون لرأيي وتثقون فيه♥
بس لازم قبلها اكون مقتنعه فيه لو ٧٠٪ عشان استعمله صح
واقول رأيي بشكل كامل،بسلبياته قبل ايجابياته وبرأي كامل واكون شايفه نتيجة نتيجة له!
لذلك لو اي هبه هبوا فيها الناس راح اشتريها يمكن
بس ماراح اجربها لان مو اي شي يقنعني♥
وبالآخر..عايشه لنفسي قبل ما اعيش للبلوق :$
في بعض البلوقر ماتخلي شي ماتشتريه لمجرد بس اشتريه
او اصوره واوريه البنات!
و صار هالشي حديث نعمة اكثر من انها فايدة
او طلباً للشهرة او لعمل ضجة على شي يمكن مايكون مفيد
بس جذي من غير اي هدف :|
دايماً كنت انتقد هالشي..ودايماً احاول انزل شي لو فيه نتفه فايدة♥
صديقة لي كانت تقول لي : سارة انتي ماتنزلين كل مشترياتج
تحديداً جناط او ساعات تكون عليها القيمة تشوفها معاي او تسألني عنها
استنتجت انها خوف من الحسد او من هالكلام
مع ان انا شخصياً بعيدة عن هالوسوسة الف الحمدلله !
مؤمنة بالحسد طبعاً،بس مستحيل اوسوس فيه و اكون حذرة لدرجة
ممكن انزل شغله وشغله ثانيه ما انزلها
لسبب بسيط :
مو كل شي ينزل بس جذي من غير هدف P;
سواء بسناب او اي مكان ثاني
عن نفسي سناب،حيل حيل حيل اغط عنه وما افتح الا اهلي وصديقاتي وشخصيات احبها
وهي شخصية وحدة فقط ! ، بشاير الشيباني
البلوقرز + ميك اب ارتست + طباخة
عادي يمر اسبوع اسبوعين ما ادري شنو نزلوا!
قبل كنت متابعة جيدة صراحة،وفي بعض النخبة بالنسبة لي اتابعهم
بس بعد ما صار حديث النعمة زايد حيل وبشكل مستفز
في كل سناب،تتكلم عن مشروعها بشكل تفصيلي جداً او بالماركات واني اشتري واشتري!
ترى كلش مو كشخه وانتي واو :$
بالعكس هالشي ينفر الناس منج
يمكن بعضكم بيقول "عشان ماعندج او محتره او غيرانه و و و"
بالعكس،الحمدلله عندي مثلهم وعندي مشروعي الخاص وطموحاتي واهدافي♥
و ان تكلمت عن هالشي..راح اتكلمه بشكل هادف او احفز البنات
او اي جانب ثاني غير اني انزل هالشي بس جذي :$
لـ لفت الانتباه لا اكثر
بالنسبه لي عادي جداً اشتري منتج خلصت الهبه عليه♥!
و عادي جداً اسمع تعليق من اللي حولي او من متابعات انستقرام
ان ماتنزلين الا كل شي خلصت موضته او او او
طالما ان هالشي عاجبني..او اقتنعت فيه عقب،وين المشكلة ؟
لي متى نظرتنا للاشياء ضيقه جذي؟
عارفه حيل،كوني مدونة لازم امشي ورا الموضة واعرف كل شي جديد
انا معاكم،والحمدلله قاعده احاول امشي مع كل جديد
بس مو بالضروره لازم يكون عندي هالشي الجديد عشان بس اعلن عنه
او اوري الناس اني سبقتكم وصار عندي!
بالنهاية
المدونة او اكاونتاتي بالسوشل ميديا هو مكان اقضي فيه وقت فراغي
بـ اشياء احبها،وهي مساعدتكم♥
و شعور الاحساس بالانجاز مايقدر بثمن♥
المدونة غيرت فيني اشياء واجد،اشياء ما اعرف اوصفها
الحمدلله ما ادور شهرة كثر ما ادور دعوة حلوة من قلب صافي♥
من قلب استفاد من مدونتي لو نتفه صغنونه بس
انطلب مني اعلان من قبل او اني احضر افنتات ومعارض ورفضت
وكان من اهمها : منتدى الاعلام العربي اللي انعقد بالكويت
او اكون عضوة في نادي ربحي
ويمكن هالمرة اول مرة اقول عن هالشي،بس احب احافظ على مصداقيتي لكم♥
يمكن تقولون ابالغ،بس طالما هالشخص طلع للافنتات ولهالجو،راح يحرق نفسه
وبيكون مجرد استعراض لا اكثر
كثير بنات اعرفهم شخصياً،يتسابقون ورا الماركات والاشياء الجديده
عشان بس لحد يسبقني عليها و اكون اول شخص شرى هالجنطه او هالساعة او او
او اصر بالسوشل ميديا اني اخلي هالشي هبه،مو كل هبه حلوه ابداً
و مو كل هبه ينفع نمشي وراها!
وحده من هالبنات،ظلت تجمع شهور عشان بس تشتري جنطة بولغري
"شفت هالجنطه مع رفيجاتي،شناقصني ما اشتري؟؟"
لهالدرجة ممكن اضيق على نفسي شهور عشان بس جنطه استانس فيها شهر شهرين
و احطها بالكبت وادور هبه ثانيه وارجع استمر بهالشي؟
متى راح اعيش حياتي واختار اشياء تناسبني بعيد عن اي ضغط؟
معلش،بس ما اتوقع بيوم من الايام راح افكر بجذي،مهما كنت♥
سواء مشهورة او انسانه عاديه
ومرة احدى الصديقات شافت صورة تسريحة كلها ميك اب
وظلت شهور تفكر بالصورة لحد ماصورت مثلها بالضبط ونزلتها بسناب!
وانا اعرفها شخصياً انها ماتحط ميك اب الا خفيف..يعني مو محتاجه كل هالمنتجات
لاحظت هالشي وسألتها وبالضبط قالتلي : "محنا احسن من احد"
هالجمله تستفزني جداً :$!!!
كل شخص بالدنيا يحس نفسه احسن من الثاني وانا خصوصاً احس بهالشي
مو غرور او شي ثاني..بس شعور طبيعي بأي جانب راح نحس نفسنا احسن
وهو شعور عند كل احد مهما كان ناقص اشياء هم بيظل هالاحساس يحسه
بس غلط..غلط نحس بأحساس النقص من منتجات وماركات وهالاشياء!
عمرنا ماراح نرتاح ولا نحس بسلام داخلي
اختاري اشياء تحتاجينها قبل ما تكون شفتها عند فلانه لازم تكون عندي
وهي اصلاً ماتدرين هو منتج او شغله شنو وشنو تسوي و و و
وابداً مش غلط تشترين ماركة بالعكس..بأي شي مش غلط
بس اذا كنتي مقتنعة فيه قبل مايكون هبه او شعور بالنقص و ان لازم تكون عندي
النقص ماهو بالماركات او بالشكليات
حبوا نفسكم قبل كل شي و ب اي وضع
نفسج تستحق الحب♥♥
شرت جنطه ماركه عليها القيمة؟ عليها بألف عافيه♥
سبقتج بمنتج كنتي تبينه قبلها؟ عليها بألف عافيه♥
سافرت مكان كنتي تبين تسافرين قبلها؟ عليها بألف عافيه♥
فتحت مشروع كنتي مفكره فيه؟ عليها بألف عافيه♥
لو حسينا بالارتياح جذي وتمنيات للكل بالتوفيق وبالهنا
صدقوني عمرنا ماراح نحس بالنقص!
لان كل شي يطلع منا راح يرجع لنا
سواء دعوة او حسد او او
كل شي راح يرجع لنا
بس قولوا ماشاء الله تبارك الرحمن و الله يهنيهم ويكتب لنا الاحسن!!♥♥♥
انتوا صديقاتي و تستحقون الحب والتقدير والاحترام♥
اذا شفتي هالبوست؟ . . على فكرة انتي جميلة♥♥
ابتسمي وعيشي حياتج♥
والله كلامج حده صح , الواحد يفكر قبل لا يشتري مو يمشي و يكوّد ع عمره ع ابو انه هبه!!
ReplyDeleteانا نفسج اطيح بالشي بعد ما الناس نسته , آخذ اللي ابيه اذا كنت احتاجه
اذا فكرت وشفت كل الاشياء اللي هبه ما شريتها لو بشتري بيصير عندي مية باليت و مية فاونديشن ...الخ بالعقل بخلصهم ؟
ان شاء الله اني احط فل ميك اب كل يوم هم بعد ما يخلصون !
الوضع صاير تراكمات و كشخه بحمره من براند معين او ليمتد هاي لايت !
الواحد يفكر والله المفروض يفكر و يشتري بعدها و يمد ريله ع قد لحافه اضيق ع نفسي عشان جنطه ليش ؟ هذي تفاهه و صغر عقول
حيل حبيت كلامج جداً منطقي , ياليت الكل يقرا و يستوعب اللي قراه
يعطيج العافيه
حبيبتي والله،كلامج كمل البوست..بالضبط متى بخلصهم لو راح اهب معاهم بكل هبه !
Deleteشكراً على مشاركتج حبيبتي :**
الله يعافي قلبج
كلام جميل ساون والقناعه والرضا جد كنز سوي اللي تحبينه اشتري اللي نفسج فيه اذا قادره بس اشتريه لان خاطرج فيه مو تقليد وغيره من احد وتنافس
ReplyDeleteبالضببببط،القناعه كنز لا يفنى!
Deleteشكراً فروح :**
كلام جميل
ReplyDeleteاتمنى الناس تكون قنوعه تشتري الشي لانها محتاجته مب عشان تحر ربيعتها او زميلتها عيشوا
بلاسم داخلي كونوا قنوعين بالي عندكم