بسم الله الرحمن الرحيم
السلام عليكم ورحمة الله وبركاته♥
شلون الجميلات؟ :*
يمكن نزل في غير وقته المفروض يكون الاثنين الجاي بس حسيت اني مقصره مع البلوق ومعاكم :$♥
ودكم يستمر هالاحساس مو ههههههه p;
يمكن انا من البنات اللي تحب تتسوق وهي قاعدة بمكانها
وتحب تشوف الجديد من غير ماتروح السوق وتفتر ويروح الوقت عليها
لو تلاحظون بالفترة الاخيرة من عرفت اطلب اونلاين خلاص هههههه
ماصدقت خبر وكل شوي طالبه من موقع شكل♥
لذلك
حبيت ينضاف هالنوع من البوستات للمدونة♥
مثل ما انتوا عارفين اني قاعدة احاول اخلي المدونة متنوعة اكثر هدفاً لإستفادة أكبر♥
فبيكون هالبوست اول بوست يخص هالنوع ان شاء الله
والخير قبال p;♥
بصراحة ماكنت مخططة توري بورش تحديداً اني اصور له واغطية بشكل كافي
بس ماتوقعت كولكشنه حلو لهالدرجة♥
بصراحة ماقدرت اغطيه بشكل كافي،اغلب اذا مو كل الماركات
ترفض التصوير مهما كانت مشهورة أو عادية!
سمحت لي الموظفة كم صورة بس،خوفاً من التقليد اتوقع
مع ان..المواقع الحين تنزل كولكشن الماركات الجديد بشكل اوضح بواجد!
فما حسيت تصويري بيخلي الناس تقلد صراحة p;
مع ان شرحت لها اني بلوقر وحابه اغطي البوتيك و و و
عموماً حاولت اغطي اكثر شي لفتني وحسيت بيعجبكم♥
نبدي؟ p;
حبيت فلاتاتهم جداً جداً جداً جداً :|♥
ماحصلت قياسي للأسف! مادري ليش احس اغلب الشعب ٣٩ ههههههه :|
يشبه تصميم شانيل للشوز بس بسعر اقل طبعاً
بـ ٦٠٠ درهم تقريباً الى ٨٠٠♥
اكثر شي حبيته البني اللي ورا♥
حسيته حلو للدوام ومبين عليه مريح للمشي ♥
هالكعب..أسرررني ♥♥♥♥♥♥
حيل حبيت الاسود باللبس بس سعره المرتفع خلاني اتردد
بـ ١٨٠٠ درهم
ما افضل اشتري شوز بهالسعر صراحة!
لو جنطة او ساعة ممكن،بس بشوز مدري :$
احس خسارة :$
من الووش ليست اللي حاطتها ببالي
جنطة عنابية♥
بمثل هاللون بالضبط♥♥♥♥
ماعندي مثله واحس هاللون يعطي فخامة♥
وطبعاً الموديل يكون بسيط اكثر،ماحبيت هالربطة احس مخربتها
عموماً هالجنطة عملية أكثر من انها لمناسبات لو كانت لون ثاني
في منها الاسود والوردي♥
سعرها مو ذاكره صراحة بس حوالي ١٥٠٠ درهم♥
لما شفتها،تمنيت ارجع للثانوي عشان ادلع عمري بجذي :P♥♥♥♥
راحوا الطيبين،ايام ماكنا يعني كشخة نشتري اسود سادة ونحط بروشرات الدنيا عليها
وميداليات يعني فنتق هههههههه
.
حبيت حبيت حبيت♥ في منها الوان طبعاً
وردي ولون ثاني ناسيه شنو :$
وسعرها حلو بـ ١٢٠٠ تقريباً
احب هالكاونترات او الزاويات من البوتيك!
احب تنحط مجموعة جناط او شوز ب زاوية وحدة تكون جامعة لون معين او موديل معين
احسها خطوة ذكية لجذب الزبون
وشخصياً تجذبني♥
حبيت الجنطة الكلاسيكية اللي بالنص♥
واللون مميزها،شنو في احلى من الاسود؟ :|♥
على اني اعشق هاللون..بس ماعندي جنطة سوده :P
سعرها مو متأكدة بس بـ ٢٠٠٠ درهم تقريباً
اول مرة اشوف لتوري ساعات!
حبيتهم وماحبيتهم..حسيت فكرة جريئة اللون البرتقالي الاكثر بالكولكشن
بس بشكل عام حبيتهم♥
مجموعة أخرى♥
اسعارهم مو مثبته :$
نجي للمجموعة المفضلة عندي من توري!!!!♥
احب اكسسوارتهم بشكل،كل مرة كنت امر ما احصل شي يشدني
او شي يشدني بس لونه مو حلو بس اخيراً حصلت♥
كولكشن الاكسسواريز متنوعة جداً عندهم
بين المعدن و الجلد والسلاسل وغيرهم♥ وكل شي وله حلاته
بس حبيت الجلد اكثر♥
زاوية ثانية♥
.
شريت منهم نتفه صغيرونه دخلت قلبي من اوسع ابوابوه ♥♥♥
سوراة جلد لون بنفسجي♥
كنت حابه اكثر قبل السوارة الجلد اكثر من لاين
ان شاء الله عرفت اشرح هههههه بس موجودة بالصور فوق♥
بس حسيتها قديمة شويتين مع ان نزلوا ديزاين ثاني منها
حبيت اغير عن البنيات والبيجيات وغيرها من الالوان الثابته هذي p;
فأخترت لون بنفسجي مع القولد♥
تخيلتها مع ساعة مكس سلفر وروس قولد♥♥
شكلها غير عالايد حيل♥ ، حاولت اصورها ماضبطت للأسف :$
اللي حبيته بالسوارة غير لونها البنفسجي
ان القطعة الذهبية تعطي لونين، ذهبي وروس قولد ♥.♥
صورة أقرب♥
بـ ٤٠٠ درهم تقريباً
حوالي ٣٨ دينار
وبس جذي خلص البوست ♥
ان شاء الله يكون البوست مفيد شويتين :$
ولو حابه هالنوع من البوستات كتبيلي تحت بالبوكس او ب انستا♥
دمتم سعيدين♥
0 comments:
Post a Comment