جنطتي الجميلة من لويس فيتون LV :

بسم الله الرحمن الرحيم

السلام عليكم ورحمة الله وبركاته♥

من زمان عن المدونة جد! ومن زمان عنكم بعد :$

على ان في بعضكم اذا مو اغلبكم مو غاطة عنهم ب انستا او تويتر او حتى سناب 

بس دايماً المدونة شي ثاني ثاني!♥

جنطة لويس فيتون من زمان خاطري فيها♥

بس كنت مترددة من وين اشتريها واكون متأكدة ١٠٠٪ انها اصلية!

ماسافرت اوروبا من آخر مرة من سنتين يمكن او اكثر

ومافي خطة اني اسافر قريب اوروبا او اوصي احد يجيبها لي :$

طيب ليش لازم من اوروبا؟

بالكويت تحديداً طلع كلام ومواقف صارت لصديقات لي

ان وكالة الماركات يخلطون الاصلي مع التقليد عشان تقل التكلفة عليهم !

صراحة ما ادري بصحة هالخبر

بس تحسباً لأي شي عشان لا انقهر بس :$

غير جذي فرق سعر اكيد!

شريتها من بوتيك ال في، بدبي مول♥

بـ ٣٤٠ تقريباً

بالكويت بـ ٣٧٠ يمكن!

صج مافي فرق كبير بس حسيت من تسوقي هناك

ان في ماركات ارخص من الكويت وبالنسبة لي اضمن :|

الكويت الاغلى خليجياً،بصراحة ما ادري شنو سبب ارتفاع الاسعار عندنا

ما ادري هل ارتفاع تكلفة الشحن و تأجير البوتيك هو السبب؟

بس ساعات اسأل نفسي ، بوتيك ال في مثلاً بأكسفورد لندن تأجيره والشحن وكل شي ارخص مننا؟

طبعاً لا!

او ،، شركة ال في مو قاعدة تعطي الوكالة حقها او او او

اشياء استغرب منها صراحة :$

عموماً ،، افضّل دايماً الجناط الماركة تحديداً اشتريها من مكان موثوق فيه♥

لان اكيد مو مبلغ هيّن

نجي للجنطة الصغنونه ♥:$

حجمها الما بيبي♥

في حجم ثاني اكبر اعتقد اسمه بي ام اذا ماخاب ظني!

اذا غلط صححوها لي :$

دايماً تشدني الجناط الصغنونه،ما احب الكبيرة غالباً♥♥♥

الا لو كانت شادتني حيل حيل!

حبيت حجمها حييييل،اللون والنقشة والمسكه وطريقة القفل وكل شي!

اتوقع لو ربطت عليها سكارف بتطلع تجنن اكثر :$

بس هم مدري مترددة بالسكارف،حسيت اني راح اتقيّد باللون

شرايكم؟♥

حجمها من داخل ممتاز،وسيعة حسيتها 

واللون الاحمر مميز الجنطة اكثر♥

اغراضي غالباً 

عطر + بطارية شحن + شحن التلفون والواي فاي

مقلمة صغنونه لمرطب ايد ومنظف + حمره او مسكرا

فـ كفت وزادت همن♥

في بعض البوتيكات وتحديداً في السعودية

يبيعون القفل لحاله،انا صراحة خذته كقيمة وحدة مع الجنطة

بس شفت صورة ب انستا ان كل شغله حسبه لحالها :$

ضروري وجود القفل،معطيها شكل ماحصلش!♥

تقدرون تكتبون عليها احرف،بس ماعجبتني احس الكل هاب فيها :$

اي شي يهبون فيه الناس مايستهويني صراحة!

الا لو كان واو ومفيد وله داعي p;

في نقشه ثانيه منها بس كلش كلش ماحبيتها!

و في الوان بس تصميم مختلف ونفس الحجم تقريباً،اكيد شايفينها♥

الجلد اللماع :$

امثله :

 

             شكل جنطتي على اللبس اوضح ♥ :              

الجلد اللماع :

صراحة،على اني ما اتجرأ البس جذي الوان

الفوشيا الصارخ ،،الا انها تجنن@@!

دايماً بأختياراتي للجناط تحديداً

لازم اراعي الوان الجنطة وشكلها،،لان لبسي بالطلعة وبأغلب الروحات يكون عباة :$

فأحاول اني انوع بين الالوان بحيث تكون مناسب البسها بكذا مكان وما انحرج من الوانها

واستغلها اكيد!

مثلاً هاللون،الفوشيا مايناسب الا كذا تنسيق بس

مستحيل البسها مع لون عنابي مثلاً او كحلي او او او

ف راح احصر عمري بألوان معينة عشان تبين معاي واحللها p;♥

لون ثاني :

اتوقع لو شفته بالبوتيك هاللون

راح استغني عن كل شي حتى عن كلامي فوق وطريقه اختياري :|♥♥♥♥♥♥♥

*قلوب كبيرة*

لون الجنطة يقتل يقتل يقتل يقتل♥♥♥

على اني ما احب الجنطة اللي يكون جلدها لماع

الا ان اللمعة اهني تاخذ العقل! وين اروح وين اولي هههههههه

غير جذي مع اللون الاسود معطيها شكل ولا اروع!♥

< تفكر بلون العباة يعني هههههههه

في حجم اكبر للجنطة مثل ماقلت لكم وهذي امثلة عنها :

سعرها مختلف اكيد

احسها تناسب البنات الكبار او الحريم بمعنى آخر :$

مادري بجم تحديداً هالحجم

 بس اعتقد فرق ١٠٠ دينار تقريباً عن البيبي♥

في مواقع توفرها بس من ناحيتي ما اضمن!

مادري لو مجربين من قبل بنات مواقع توفر الاصلي بس؟

مع الضمان وكل شي ؟♥

لو تعرفون فيدونا ب انستا او تحت ببوكس التعليقات

و ان شاء الله راح اجيك عليه واطلب منه واذكر تجربتي اكيد♥

ولا تنسون البلاك فرايدي قرب،استغلوه عدل وتأكدوا قبل كل شي ان المنتج اصلي :*

ان شاء الله عجبكم البوست :$

قوليلي رأيج عن الجنطة ببوكس التعليقات تحت او ب انستا♥

وهل فعلاً الوكالات بالكويت او بالخليج عموماً ممكن تخلط التقليد مع الاصلي؟

دمتم سعيدين♥

3 comments hauls, reviews