السلام عليكم ورحمة الله وبركاته
بالبداية الصراحة مدري شقول بس مستحيه منكم حيل :(♥
صارلي فوق الـ ٤ اشهر من بداية سنة ٢٠١٦ ومانزلت ولا بوست جديد
وادري مالي عذر يمكن p;
لكن من بداية السنة صارت معاي اشياء واجد واحداث فيها منها الحلوة والسيئة
من بداية السنة بدينا كورس جديد وكان كورس دراسي ثقيل جداً جداً
لان يعتبر كورس التخرج مع اني ماخذه آخر مادتين صيفي لكن كل المواد الثقيلة كانت فيه
والحمدلله خلصتهم وعطلت من كم يوم♥
ماكنت اتوقع بيجي يوم بغط عشان دراسة،بس فجأة صحى ضميري الدراسي
وبديت اتلاحق على نفسي هههههههه!
.
.
بوسط هالكورس صارت احداث واجد منها تأثيت البيت
ومنها تجهيزات عرس اخواني اللي تم شهر ٣ بحمد الله♥
بهالفترة كنت جد جد غاطة عن كل شي!
كانت اول تجربة لي كتجهيز عرس من الالف الى الياء مع وقت يزامن تجديد صالة المعيشة
ومع وقت يزامن بعد مناسبات قريبة ضروري احضرها!
بحزتها عادي جداً اي شي يعصبني وماكنت انام زين حتى ههههههه
لما كنت اشوف الناس جذي متوترة بمناسبات واشياء يسوونها كنت استغرب!
كنت اقول مو لهالدرجة ويبالغون و و و .. الا لما جربت صج
الله يلوم اللي يلومكم p;♥♥♥♥♥
\
اصعب شي مر بفترة تجهيز العرس..شلون اختار شي يكون جديد وذرب وبأسعار زينة
صعب كنت احصل اشياء اسعارها زينه!
فساعات اضطر ادفع هالشي مع ان مايكون يسوى سعره!
عموماً عشان اقدر آخذ راحتي بالقرقه p;
كتبولي تحت او بأنستقرام لو حابين تفاصيل تجهيزات عرس اخواني
من ايجابيات وسلبيات مريت فيها وتفاصيل اكثر♥
+ تفاصيل تأثيث صالة المعيشه
احس فيني طاقة كلامية كبيرة..فأستغلوني p;♥♥♥
:
بنهاية شهر ٤..تحديداً ٢٢ ابريل
توفى اعز خال بالنسبة لي...عبدالعزيز
بحادث سيارة وهو راجع البيت،بصبح الجمعة..وهو رايح لمطعم عشان يضبط غدا لربعه
سبحان الله ماكان يدري بنفس هاليوم يتوفى!
صج ان خالي الصغير وماكنت اشوفه الا بالاعياد او بالمناسبات الكبيرة
لكن فكرة الفقد نفسها،موجعة
كان يحب يخدم..صديق البنات والشباب♥،من الاشخاص الطيبين الخدومين المرحين
اللي ممكن اي شخص يصادفه بحياته ويترك اثر♥!!
توفى صديق له قبل شهر من وفاته،وكان متأثر بشكل وما ارتاح الا لما بنى له بير
قبل وفاته بساعات كلمنا يبشرنا بأن الحمدلله اكتمل البير :(
التفاصيل الصغيرة اللي كان يسويها ممكن ماكانت تترك أثر الا لما فقدناه!
الشي الوحيد الحمدلله اللي كان مهون علينا انه كان متشهد ومرتاح الحمدلله♥
يارب ارحمه وعوض شبابه بالجنة وارحم موتانا وموتى المسلمين♥♥♥♥♥♥
تقربوا للناس اللي تحبونها،خدموهم،حبوهم،قدموا لهم كل شي محتاجينه ومو محتاجينه
ماتدرون بأي يوم ممكن نفقدهم..او حتى نفقد نفسنا
ماتدرون بأي حال يتوفون او حنا نتوفى ونروح لـ ربنا
ابداً لا تبخلون على انفسكم وعلى الناس القريبه منكم
وسامحوا♥ ، سامحوا اي شخص مر عليكم بحياتكم ممكن أذاكم سبب لكم مشكلة او ضيقة
او اي شي كان
لما نسامح..نرتاح،عكس لما مانسامح،،نتم نفكر ليه ونكابر الى آخر لحظة
وكل هذا تعب!
بالاخير كل شي رايح..مافي شي باقي الا النية الطيبة والقلب الابيض الخالي من اي شي♥
.
اعتذر عالغيبة واعتذر عالتقصير واعتذر لأي شخص بيني وبينه علاقة شخصية او يعرفني
او حتى مايعرفني ضايقته بشي كان مقصود او مو مقصود♥
دمتم سعيدين♥
الله يرحمه و يغمد روحه الجنة 💜
ReplyDeleteالله يصبركم
اللهم آمين جزاج الله خير حبيبتي :*
Deleteي عمري ي سارون ربي يرحم موتاكم ومعذوره عارفين ظروفج وان شالله الايام الجايه ترجعين انشط من قبل 💜
ReplyDeleteحبيبتي فروحه :****
Deleteسارونة ... تدرين اني اول امسات خاطفة ع مدونتج وشفتج ما منزلة شي وامس بالصدفة دشيت الاكاونت مالج شفتج كاتبهانج حاطه تدوينة يديدة
ReplyDeleteالف الف مبروك زواج اخوانج ،، فاكيد نبي نشوف التجهيزات والصعوبات اللي واجتيهاا..
ربي يرحم خالج اللهم ارحم جميع موتانا وموتى المسلمين أجمعين
حبيبتي والله
Deleteالله يبارك فيج ويجزاج خير .. سعيده بمتابعتج :**
ان شاء الله :*
الله يرحمه آمين , ومبروك زواج أخوانك
ReplyDeleteوودي أشوف التغيير للصاله : )