مشترياتي من موقع iherb، frankbody, coastalscents + طريقة الطلب ♥ ج٢ (frank) :

السلام عليكم ورحمة الله وبركاته♥ 

رجعنا للجزء الثاني من مشترياتي ♥.♥ 

تكلمت عن مشترياتي من موقع اي هيرب البوست اللي فات♥ 

طلوا عليه اهني (♥)

.

نرجع نكمل بالموقع الثاني "فرانك بودي"

المقشر اللي سوّوا عليه ضجة مش طبيعيه!

بالبداية طريقة الطلب لأي موقع شرحتها بالبوست اللي طاف

اهم شيين للاونلاين

١. فيزا

٢. عنوان امريكي

الموقع يشحن دايركت بس يطول..ياخذ اكثر من ١٠ ايام على مايوصل

وبالعنوان الامريكي يومين ثلاثه كحد اقصى

.

مقشر فرانك ♥ 

هو مقشر للجسم والوجه يحتوي على المكون الاساسي (قهوة)

تصنعه شركة استرالية

له عدة انواع :

مثل الاورقانيك + جوز الهند وكذا نوع غيره

+  وفروا كريمات للجسم همن

يحتوي على منتجات طبيعية ١٠٠٪ على كلامهم

فعالية المقشر ♥ 

يشيل الجلد الميت من الجسم والاكزيما والصدفيه 

والخطوط والسترش مارك والعلامات بالجسم

ويقال انه يفتح !

يستخدم من مرتين الى ثلاث بالاسبوع

.

بالبداية اول ما استخدمته حسيت ان جسمي نوّر :|

ما ابالغ،،كمية قليلة منه تكفي الجسم كله،،نص الكف تقريباً او اقل

حسيت بنعومة حلوة + الريحة تقتل تقتل

حسيت جني ستاربكس تمشي بالبيت بعد الشور هههههه

استخدمت نوع جوز الهند طبعاً♥ 

مادري شفيني قمت اعلق على المنتجات اللي تحتوي على جوز الهند

وبديت اميل لها بقوة هالفترة♥ !!

مايحتاج اتكلم عن الفوائد العجيبببه بجوز الهند :|♥ ♥ ♥ ♥ 

ركزت بأستعمالي على الركب والاكواع

انا الحمدلله اهتم فيها بس تحتاج تقشير وتركيز اكثر♥ 

حسيت زادت نعومة + فتحت المنطقة شوي

مابيض المقشر لا! بس تحسون شلون تنور منطقة معينه؟

جذي صار معاي♥  ..بس يوم يومين ويرجع الوضع مثل ماهو عليه

+ النعومة ما استمرت نص يوم

يعني لازم اذا حابة تشوفين نتيجة فعلياً وبشكل ممتاز

لازم اهتمام مضاعف + استعمال اكثر واكثر

ونركز عالترطيب من بعد اي مقشر♥ 

ونضاعف المرات اللي نستعمله،،٤ مرات اسبوعياً

وبشهرين بس بتحسين بفرق كبير

تجربتي له شهر شهر ونص تقريباً♥ 

هذا بالنسبة للاستعمال العادي او اقدر اقول للاهتمام الاسبوعي

.

اصبع ايدي فيه بداية اكزيما للأسف ومثل ماقريت عنه انه يعالج الاكزيما

او يخففها..ماحسيت بهالشي

بالبداية زاد حمار المنطقة وحكة مش طبيعية

فما جربته الا مرة وحدة وتحسفت عليها :$

لان حسيت هالمنتجات مهما كانت طبيعيه ماتكون طبية

لان في بعض العناصر تزيد الامراض الجلدية مثل الصدفيه والاكزيما اكثر مما تخففها

هذا رأيي :$

وهذا اللي ماخلاني ارجع استعمله

ممكن هم جربوه على حالات معينة وفادهم بس مو مقتنعة بهالشي

ما احس في مقشر ممكن يقشر لي منطقة اساساً متحسسه :|

او يخففها لي

لازم يكون لها علاج طبي وتحت اشراف طبيب

وكذلك بالنسبة للسترش مارك ماشفت نتيجة

:

لذلك نلخصها بأن المقشر أخذ اكبر من حجمه

+ حاله حال اي مقشر لولا ريحته بس

ما اقول ان مو حلو او مافادني بالعكس . .حبيت نعومته حيل

بس حسيت الاغلب عنده + تسويقه مبالغ فيه بكل مكان احصله

فيعطي فكرة انه واو وهو لا :$!!

.

غير جذي تنظيفه من الشور متعب :|

كيسه مو عملي كلش كلش

حطيته بميسن جار زجاج..حسيت يحفظه اكثر

ويحفظ فعاليته اكثر من كيسه♥ 

سعره 18 دولار تقريباً 

رفعوا سعره :$

الانواع الثانيه غير جوز الهند متفاوته اسعارهم♥ 

موقعهم 

https://int.frankbody.com

.

تحبون نسوي مع بعض سكراب مشابه له ونضيف محتويات مفيدة؟

اكتبوا لي تحت بالبوكس اذا حابين بشوف الحماس p;♥♥♥

او بأكاونتي بأنستا♥

دمتم سعيدين♥

4 comments onlineshopping